San Martín de Trevejo - Caceres

Tardi i um poicu cansau inda sacu forzas pa filicital a esi homi que
nacei en'o conventu tal dia cumu hoixi,18-10-36,asi que fai 74 anus.
Mutas filiciais Mingu i que cumplas mutus mais cum toa soidi do mundu.
Anaf,faili sabel a tei paire que o tenhu presenti i que me perdoi polque
o anu pasau se me foi o santu ao céu.
Forti abrazu Txomin.

Estoi surprindiu i num alcanzu a vel a caussa pol a cual naidi mais
haia filicitau a Mingu O'Pecu,no dia de sei cumplianus.
He pensau que vos haia despistau o num ponhel filí cumplianus,tamén
que puisera aniversariu,o que me dispira chamanduli Txomin,que quel
idel Dumingu en estis laris,asina le chaman os mais cercanus,cumu le
chamaban a sei tiu que viví en San Sebastian i foi pairinhu de mei
pairi,vos tenhu que pegal um tirón de orelhas en vé de a él,salvu
que tenhais um mutivu que ei num sepa,sendu asina me calu.
De cualquel folma num hai qu'ulvial qu'estamus en deuda cum él
pol tô cuantu en pro da Fala fidu,num e folma esta d'agradecelo.
Asina pensu i asi vos digu.
Soidi pâ tôs.

Efectívamenti, has postu Mingu a secas y logu le das un abrazu a Txomín. O únicu que me cuincidía era os anus, pensí será otru Mingu.
Por supostu que le deseu mutus anus mais y tamén que, por supostu, e unha persona das mais relevantis en o lugal por sei interés en a Fala y demais costumbris, en Badajó se le recorda mutu i si e membru da Real Academia da lengua Galega,pur algu será.
Mingu, perdoa por o despisti.
Forti abrazu.

Ey por lo menus si que estaba en dudas de cual Mingu te refirias,y agora que ya o se comu nun boy a felicital a mei vidiñu y esperu que o siga sendu mutus anus, con as charlas que nos temus cabe que estoy en o lugal sentaus en a porta de mei tiu Javier ,y cabe que teñu dudas de coixas do lugal he a persoa indica pa informarti.
Que cumplas mutus mais Mingu y sigamus con esas charlas tan agradablis que temus tos os anus,un abrazu.
A tua vidiña.
Soidi a fala.

Ago o tirón de orellas to vas a leval tu,Nachitu, pol nun habel aclarau a tema como o has feitu agora. Pa Mingu, un forti abrazu y, desde logu, a miña felicitación y a de miña mullel y familia, por que somus familia inda. En esti Foru nun se le ha recuñuciu o suficienti, ni en o lugal, to o que ha feitu, por fala y por un sin fin de coisas mais, por que sría muy extensu falal y , segurisimu, que a él, en a sua humildai, nun le diva a gustal. Muta soidi pa el y familia y o abrazu extensivu a Paula. Soidi pa tos y pa a fala.Un saluu.Chitu.

Mingu nun é partidiariu de estas parafernalias,
(palabra que él sueli utilizar) de cumplianus y santus
y nun me sorprendería que en mais de unha ocasión nun
se haya acordau do dia que nacei.
A tua felicitación a Mingu me fidu recordar esa dedicatoria
y me sirvi de el.la pa recriminar a quen renega de sua terra
y das suas raidis.
De maneira cariñosa te digu Nachu que ca cual felicita a quin
quel,y ca cual se apunta o non, pero o que si veñu observandu
es que o forista suele felicitar a quen participa en o foru.
Y naidi sueli fallar cuando se trata de dar o pésami.

Estoy de acordu contigu que estamus en deuda con Mingu
sempris a serviciu de os demais, sempris puñendu traballu
e iñeiru con to o relacionau con a Fala. Sin duda, o homi de mayor
prestigiu do lugal: miembru de a Real Academia Galega (RAG)

Muta gracia me ha feitu: de castañu "M/E".A resposta
de "Cana": de Encina y logu a tua.Me ven a memoria o da "nora"
un tipu de murcela.

boas tardis.

Chencho,cumu te habrás fijau,o mei piquininu escritu "de Encinas"
foi escrita as 6 de a mañán,a esas horas nun viña de festa,simpli
menti,me diva a traballal.

Habel si nos bemus prontu.

Voi a siguil vendu premius Principis de Asturias.

Soidi pa tos.

Cana

Nachitu,despista que a vedis estoy ,me a pasau desapercibia esa felicitacion....mais cumu ben didi Chenchu,temus custumbri de felicitar a os que escribimus en o foru y supoñu que a siu por isu.
Por otra parti,o feitu de nun felicitalo,nun significa que nun apreciemus y que nun valoremus o meritu de Mingu,Estoy segura ,que -cumu se a ditu antis-el nun é muy amigu de esas"parafernalias"....a mi personalmenti me encantaria que el escribira en o foru ,pos le daria, seguru, unha riqueza.que boa falta le fai.
En to casu ,aunque tardi ,le deseu a Mingu soidi pa siguil cumplindu mutus anus
Un salu desde Paris
Anduriña

Acatu o tirón de orelhas humildimenti pol merecelo,estoi d'acordu,num
soi quén pa idel o que se debi u num se debi fel enesti foru,líbrimi
Dios,levau pol o sentimentu que le profesu m'extralimití,tamén digu que
num se poi escribil cum ludidé as horas qu'escribu últimamente,nesta
época do anu tenhu adrenalina liberá pol arrobas,pos en poicu tempu é mutu o que me toca fel i ca ve faiu mais de intención que de feitus.
Denantis idia,num deixis pâ manhan o que hoixi poas fel,agó digu,si num se fai hoixi se fairá manhan o cuandu se poa.
Ia basta de carreiras,a estas alturas tô pasa mais deprisa d'o qu'um quel,si a via me marcó um'as metas creu habel chegau a elas,pranti um
árbul,tuvi um filhu i solu me quea escribil um libru,pareci um'a
tuntiria,peru colhós que dificil é isu de escribil o libru.
Andurinha,num le des a radón tan precipitamenti a Chenchu eno das parafernalias,tua intuición fiminina,que a tés,te tén que fel leel entri
linias, que num sempris a pantalha que se pón mostra realmenti o que se
quel,te tenhu pol mais sutíl que tô istu,num asi Chenchu,que poi entral
cabalgandu alegrimenti i despreocupau pol um'a cacharriria cum a milhol
intención,peru e o nossu Chenchu,o apreciu en toa sua extensión cumu
num puia sel d'otra folma,si num ia num siria o nossu Chenchu.
Puff,a que me vai aquel agora,num se si borral istu últimu,pos prenu de
xúbilu nos deleita cum seis escritus que de num sel asi me preocuparia
enormimenti,pos um xubilau debi i tén que tel activiais mentais pâ mantelsi en folma mentalmenti,fisicamenti tamén,peru isu ia e otra
coissa,eno Lugal ia da bôs paseus.
A pesal de alargarmi um poicu mais,queru mantel a antorcha incindia
pâ festona,di arregrandu vossas agendas i fei um paréntisis,cru que vali a pena,a semán de relhis antis que se vaian os fransuás poi sel
bôa,di dandu ideas que ia vai queandu menus i num e bô tel que improvisal,a clavi de que saia ben tô está en num deisal cabus soltus.
Forti abrazu pâ tôs i muta soidi.