San Martín de Trevejo - Caceres

¡Nihil novum sub sole!

[¿Qué saca o homi de toa a fatiga con que s’afana baisu o sol ?. Un-ha generación vai,otra generación ven; peru a terra pa sempris permaneci

Sai o sol i o sol se pon; corri hacia o sei lugal i alí volvi a sel. Sopla hacia o sur o airi i gira hacia o norti; gira que te gira o airi i volvi o airi a giral.

Tos os ríus van o mar i o mar nunca s’enchi ; o sitiu dondi os ríus van, alá volvin a fluil. Toas as coixas dan fastidiu . Naidi poi idil que nun se cansa o olhu de vel ni o uivíu d’uivil.

O que foi, isu será; o que se fidu, isu se fairá “Na novu hai baisu o sol”].

Algu mui paricíu a istu idía Salomón fai (dois mil novedentus anus). Mutu ha chuvíu desdi entoncis i o homi poicu ha cambiau. Cuandu o homi (ateu o creienti) está enun-ha situación apurá, recurri a Dios, a Cru i a tos os santus i diviniais qu’existin pa qu’o saqui da desgracia ena qu’está. Logu, si ten a sorti d’habel seidu ben parau,volvi a renegal de Dios i de toas as diviniais qu’antis imploró. Un delincuenti: suplica i prometi anti o jué que jamais volverá diliquil; tan prontu se vé libri ena calhi, volverá a felo con máis violencia qu’antis .-Así ha síu,é i será.

Por mui ben que queiras fel as coixas, sempris habrá quin te critiqui; é mui difícil agradal a to mundu -impusibli diría ei-. Si, un intenta armonizal algu,sempri habrá alguin dispostu a dexarmonizal. Cuandu o mundu enteiru,ha alabau o triunfu da nosa selección i Espanha vibraba poros cuatru costaus. Nun han faltau compatriotas, intentandu dexestabilizal tal armunía.

¡Bueno!, esti anu con tanta agua; o Lugal brinda os veraniantis un atractivu que dificilmenti se ve enotrus laus. Estal sentau enun-ha terraza da plaza i vel comu un caudal d’agua pura i cristalina a cruza, é privilegiu de mui poicus. Aseguraría,qu’os que vaian por primeira ve, volverán.

Soidi a tos, i que disfruteis do Lugal .Esi lugal que se chama San Martín i que Dios dotó de tanta belheza.

PD. Alguin diisu un-ha ve "Ante la soledad y la nada, me quedo con la soledad".En soliariai conotrus temas que simultáneamenti s’están tratandu eno foru.

Mui ben Fonti Nova: De tei comentarius puiríamus idel que a via e unha noria, y nun me acordu que foi o que dixu: "Cuandu subas nun fayas mal a os que baixan que tos encontrarás de novu cuandu tú baixis".
Sentu mutu nun poel dil a tomal esis viñus con vosotrus, pos comu didi o Muñu he estau fendu de "manager" con minha mullel en Alicanti i en Londris i en ve de gañal inheiru, me queau desperrau. Buenu, a verdai e que ( aquilu que me trae de cabeza) estoi esperandu unha obra en a finca i estamun pendentis ge empezala.
Por certu, en Alicanti fomus a un certamin de Corais das universidais de mayoris. y ¿ a que nun sabeis quen ganhó?. Si, si, a de Badajó. ¡Comu disfrutí ouvindu a Coral cantal canciós pupularis de Extremaura.
Cuandu le dixi que era de San Martín, to o mundu o conhucía. Me derun recordus pa Gonzalu, pa Dumingu, pa Julianin, etc. Falamus hasta da Fala, o sea que a Fala nos ha dau a conhocel mutu.
Ben, a tos, pa nun ulvialmi de ninhun forista.........unhas filidis vacaciós i tendi cua ahéi fora....
Forti abrazu.