San Martín de Trevejo - Caceres

-¡¡Filí Anu Novu!!
-¿Comu has ditu?
-Isu,que filí anu novu.
-¡Peru, s’inda faltan vinti días!
- É qu’agora cono cambiu climáticu s’ha alterau to.

Direis qu’estoi de conha: -¡pues non!-. Esta noiti pasá en Salamanca i Zamora, os xovinis estudiantis universitarius de Castilla y León,han celebrau o fin d’anu. O actu, cunsistía en agarralsi un-ha gran borracheira. Esti macru-botelhón, ha síu organizau p’orun-ha emprexa privá i cono beneplácitu dos gobernantis. -¡¡Manda Colhós!!... Así,qu’esta manhán he vistu algun-has caras en dagais i dagalas...).De siguil así, o dios "Baco" será un apridí de bebeol anti esta xuventú.

Fai un par de días,escutu enos meius qu’a DGT,fairá un-hos riguroxus cotrolis d’alcoholemia que durarán hasto vinti d’esti mes i qu’as multas van a sel d’aquí t’esperu cona correspondienti retirá de puntus. -¿Entendeis algu de to istu?.Pues,agradiciría qu’alguin me sacara de tanta confuxión.

-Qu’esti barcu, navega sin timón i que se vai o gareti, ha deisau de sel un secretu pa naidi con dois deus de frenti. ¿É, qu’os mandus do barcu, nun han líu a historia pa sabel qu’o rumbu é totalmenti equivocau i que se navega hacia a destrucción da persoa?. -Se ve que nun a han líu; salvu que se queira qu’a historia se repita.

Soidi a tos

Fonti Nova

Estimau amigu Fontinova: Tes muta radón. A via consisti agora en isu: Beber hasta emborracharsi, sin saber porque motivu, o casu e pescal unha melopea. Idel tacus a diestru y siniestru. Falal mutu de isu de o sesu, con "x"; Drogas, Fumal, Abortos, etc. Pa que a Juventú nun pensi y esté envenená. Nun se trata de divirtirsi, porque divirtirsi poil sel en cualquel sitiu, leendu un boo libru, recitandu poesias, escutal música, cantal, bailal,vendu unha boa película,etc.
Toas estas nuticias van en contra de o nosu pensamentu, amigu Fontinova. A yenti joven prefieri nun dulmil y que o alcohol, non de cural, sinon de poñersi "a tonu", nun falti y bebel cuatru o cincu persoas yóvinis de o mismu vasu de plásticu. En fin. Trata a tós cumu cordeirus y entrarán tóos en o vallu y nun se enteiraran de que sean cunvirtius en "consumioris" de vicius. Nun quel idel que te tomis un bo viñu comendu o ceandu. O otru e un espectáculu vivienti nocturnu: misiandu en a calli, etc.Esta juventú nun pensa en a Salú de o dia mañan
Soidi a Fala.
Chalrrieira.