San Martín de Trevejo - Caceres

Estimaus furistas:
O mismu me estoy pasandu, con tantu escribil pero propoñu temas pa vel si algún é de interés y hay xenti que le entra. Bueno, oixi e uiviu en a Tv que o día 25 é o día internacional contra a violencia de géneru y poñu cuatru coixas na mais para que reflexionemus.¿Vosdeis conta de qué ten que pasal pol a cabeza pa chegal a matal?¿Se poi ubligal a una persoa a querel a otra? ¿Si fora certu que a qués nun quirrías que fora filí aunque nun estuvera contigu? ¿Qué consiguis con tel atá a otra persoa sin deixala dilsi?, ¿vas a sel filí? ¿y ela? ¿nun é millol queal comu amigos, guardandu un cariñu, que queal vivindu con odiu y meu en o corpu?....
Isu en casa.
En o traballu, mutas vedis é mais sibilinu, nun se vé tan a as claras pero existi maus tratus, o "mobbing laboral", te fain a vía impusibli, te fain o vadiu, te ignoran, te ponin a zancadilla cuandu poin, te crean una angustia y una ansiei que se vai apoderandu de tí y te domina a tí y a tei entornu. Suas na mais pensal que tes que levantalti pa dil a o traballu, te dan arcás, ganas deescapalti a o fin do mundu....
Qué fel: informal y formal as empresas sobre esa situación. Elaboral un protocolu de cómu se ten que actual cuando se da una agresión y pa que o agresol sepa a qué ten que atelsi.
A forma mais descará de violencia y a que é mais visibli é o acoso sexual en o traballu. Istu é cualquel comportamentu sea de palabra o gestu, o físicu (eital a man...), sempris que nun sea consintiu por a otra parti , claru. En o traballu estis feitos suelin dil acompañaus de chantajis, amenazas, metel meu con o despiu...por parti do agrasol a persoa acosá.
Sabin que vai a habel poicas denuncias porque esas persoas tenin meu a perdel o sei postu de traballu, pol o qué dirán, porque chegan a sintin que tenin parti de culpa...Encima nu é raru que cuandu se plantean estis problemas, a dispia é mutas vedis a victima por aquilu de "pa que volva a pá a o traballu".
En a juzgaus, as victimas a vedis nun son amparás.Encima é muy difícil aportal datus físicos con os que demostral a graveai dos comportamentus do acosaol.
Qué se poi fel, ¡uf! ¡si fora tan fácil!. Pol un lau hay que formal a xenti desde pequenus en una cultura de respetu, hay que poñel mecanismus de control y protección pa prevel estis casus y hay que actual en casu de que se den estis feitus. Nun dal cobertura a os maltrataoris, poñel miias claras para sepan cómu van a sel sacionaus, que nun van a queal impunis.
Pol supostu otru tipu de violencia é a diferencia de salariu entre homis y mulleris, o idel que hay traballus pa homis y otrus distintus pa mulleris, o apartarlas de a promoción profesional en o traballu...
É que o sabía, mira que he ditu a o principiu que eran cuatru línias... e que me embalu y nun poyu paral. Sobre istu de traballus diferentis falaremus otru día porque tamén hay xenti que se autoexcluyi de certus traballus. Contaré algunos casos.
Bueno, soidi a tos os mañegus estén dondi estén.

Alfena, agora ya se quin eris,estaba leendu o que has postu sobre a violencia de generu, realmenti naidi ten que agredir a nihun ser humanu sea de a raza que sea, peru nun te pareci que estamus en un pais que ya nu pareci nosu?,aqui solu se ven Rumanus, moirus peruanus etc, y logu diran que hay paru?, mira Jose Luis estoy muy cansa de ver en empresas esa clasi de yenti traballandu y nun rindindu, pero le pagan cuatru perras y os empresarius con tal de ahorrarsi un duru le da igual.ESPAÑA VA BIEN. toma ya. busquemus responsablis y se evitaran disgustus.Bueno que he tardi y mañan hay que abrir prontu, un forti abarazu pa ti y a tua familia y potenciemus a fala que he o que masi interesa en esti foru, aunque a mi nus se me de tan perfectamenti comu a ti.SOIDI A FALA

Estimá a Cepa:
Didis que me coñocis ¿Y ei a ti? Sólu una pregunta: ¿vivis en San Martíno en San Sebastián?
Si me o permitis y con to o cariñu, se me ocurrin varias respostas pero, bueno, ahí te vai y una:
Me refiría a diferencia de tratu que se da en mutas profesiós entre homis y mulleris. En mutus otrus nun hay tal diferencia.Nun falaba de razas; esa é otra historia, y tindríamus pa largu.
Respectu a o que pareci que estamus en otrus país, permitimi que con to cariñu te recordi que precisamenti San Martín , As Ellas..., somus dos lugaris que mais emigrantis ha tiu en a sua historia redenti. ¿Cuanta xenti nos hemus diu a traballal fora?´Nun sólu a otras Autonomías si non a o extranxeiru (Suiza, Francia, Alemania..... En tempus da guerra mutus paisis sudamericanus recibiran a xenti que les chegaba de España. A prueba é o montón de apillius y familiaris que inda andan por alí. Que traballan poicu, nun te o poyu rebatil aunque supoñu que habrá de to comu en toas as partis:una serán traballaoris y otrus unos zánganus. Didis que les pagan poicu. ¿y comu querin entoncis que traballin cuandu nos estamus pegandu pa que as mulleris nun estén discriminás y por otru lau estamus propiciandu que haya otra xenti que, pol chegal de fora cobrin menus fendu os mismus traballus o hasta traballus que nosotrus nun querríamus fel. Si les falta motivación, porque nun nos olviemus, son extranxeirus nun tontus y, ven que pol o mismu traballu o compañeiru que é español cobra mais que él.
Seguramenti sean os nossalvin a os que en futuras generaciós nos teñamus que dil jubilandu y si nun habel comu interpretas estas palabras casi en o bordi da desesperación de o secretariu general de Confebask: "necesitamos de la incorporación de la mujer a la industria, la promoción interna, motivación de colectivos de dificil inserción e inmigrantes para asegurar el futuro de la insustria vasca".
Sobre istu y sempris intentandu hilan sobre anterioris mensaxis que he postu a ver si esta misma semana poñu.. cuatru o cincu letras. (nun mo creo ni ei ya será maisde cincu y seis...)
Soidi pa ti y tos os teis estes dondi estés.

Hola alfena,ni vivu en San Martin ni en San Sebastian, estoy en un pequenu pueblu de Castellon que se chama Betxi aunque coñozu muy ben San Sebastian pero a ti te coñozu de o lugar,(si eris quin creu)que me pareci que si.Bueno, tema aparti he o da inmigracion, tes radon en mutas coisas sobre to en que os españolis tamen o fideran en sey dia, aunque nun foy unha plaga comu aqui, aunque a verdais sea dita que en esta zona hay muta fabrica y cuandu chega a tempora da naranya solu van moirus ya que aqui a o personal nun le gusta recollelas y prefierin o turnu ingles en as fabricas, en cuantu as suas donas comu elis le chaman as mulleris se van a o almacen y sacan un gran plus ya que comu tu didis en as fabricas nun querin mulleris y isu si que he unha discriminacion por que en algunhos puestus os puy desempeñar unha muller tan ben o millor que un homi, y en as que as admitin solu hay a pega de que a partir de 40 nun querin a naidi comu si a partir de os 40 anus ya nun se tubera dereitu a vivir.Bueno, que me estoy extendendu mutu y isu nun he muy tipicu en mi, creu que si que me coñocis aunque fay mutus anus que nun coincidimus en o lugar, soy hermana de Nachitu y muy amiga de unha prima tua, de toas formas te deixu mey correu por si ques escribirmi, estare encanta de contestarti.Forti abrazu pa os teis y soidi a fala

Perdon, se me ulviaba darti o correu lallunanovols@hotmail.com

Estimá A Cepa:

Por supostu que estará encantau de escribilti, nin o dudis. Tampoicu te queixarás mutu ¿non? estás en o levanti que é una zona privilegía y ben bonita.
Un abrazu pa ti y os teis. Comu ves estamus por tos os laus. Boa xenti os mañegus/as ¿que non?.

Estimá A Cepa y demais furistas as os que puera interesal:
Ya tiña escritu o mensaje pero nun mo ha quiriu leval así que agora o escribi pero unpoicu resumiu.
A baisa nataliai y o incrementu do índici de vía preocupa a os empresarius. En o 2005 a xenti de entre 20 y 64 anus ha siu de 65%, en o 2010 se espera un 64% y en o 2050 que sea un 48. Pol o contrariu os mayoris de 65 pasarán de un 20% a un 33%.
Ya agora hay dificultai pa cubril a demanda en as familias profesionais mais solicitás (Fabricación Mecánica, Electriciai y electrónica y Mantenimentu). Pa os próximus anus a coixa dirá a peol con o que se frenará o desarrollo das industrias.
Soluciós: Nun descartan niñua iniciativa pero consideran a incorporación da mullel y a chegá de mais emigrantis comu imprescindibli.
Otrus remeyus: aumental a productiviai (pol o vistu é baixa), prolongal a vía laboral (me da meu sólu de pensalo), aumentu da matriculación en FP.
A tasa de activiai de mulleris é inferior a dos homis (49% frenti a 68%). Encima, as mulleris siguin matriculándusi en carreiras ligás a sector servicius, saniai...que precisamenti son as que mais paru tenin y as que cobran mutu menus que as antis mencionás.
O sea, que sabendu dóndi dil, en qué apuntalsi, cuántu van a cobral... (si difernecias de sexus, ni de razas, ni lugal d´origen...) sólu que hay que vilsi un poicu lonxi, tal comu o tuveran que fel nosus pairis fai ya mutus anus.
Soidi pa tos.