San Martín de Trevejo - Caceres

A VOLTA A O TRABALLU

S`han acabáu as vacaciós
otra vé a fel o mismu,
a encendel o ordenaol
y entral a o Foru con mimu.

Y te encontras esis versus
que “Picabarrenus” fidu,
describindu o que pasó
en a pichorra d’o viñu.

Cuandu firmas “Rex Gothorum”,
Picabarrenus, amigu:
¿a cuál de elis te refieris
que son máis de vinticincu?

¿Pensamos en Recaredu,
o quizá en Alaricu;
en Turismundu o Witiza,
Ataulfu o Leovigildu?.

¿Vitericu, Teudiselo,
Sisebutu, Chindasvintu?
¿Recesvintu, Gundemaru,
o hasta a mismu don Rodrigu?

¿Cuál é o que te ven millol,
de toos os nomis que he ditu?
¡Debis agarral algún,
p’a firmal os teis escritus!

¿Nun ves que o picabarrenus
é tan sólu un paixaritu,
que en as tronconeiras vellas
fai buracus con o picu?

Y ves esis sentimentus
de Fontinova y sei fillu,
que asomáu desde as Cancheiras
se le mollan os ullitus.

Y a esa “mañega ausente”,
tamén ei hoxi le digu:
se animi con o mañegu,
aunque sea despacitu.

Me gusta o que didi “o Saltu”
sobre a imagin de esi Cristu,
que nos le idemus “A Crú”,
y le redamus y pimus.

He recibíu por correu,
un-hos retratus muy lindus,
que o Pirata con bo gustu,
me ha feitu chegal con tinu.

En esis retratus veu,
que habíais bibíu mutu viñu,
porque se vos ve borrosus,
cuantu máis vedis vos miru.

Pero en o Foru fain falta,
con os “motis” o apillíus,
os nomis de esis furistas,
en “a boiga” cuñucíus.

Que vai a fel prontu un anu
que en o foru participu,
y dos nomis verdadeirus
apenas coñozu cincu.

Alguin faló dos acordus,
ali mismu establicíus
Máis os acordus famosus
por niñún sitiu os he vistu.

A ver si tó era un farol
provocáu por o viñu,
Sabis que ýugandu a o “dapiti”,
si te entalan: has pirdíu.


Bueno, cumu digu máis arriba, ya estamus caxi toos incorporáus a os traballus.

Vos he eitau de menus, ya que p’alí nun teñu ordenaol (ni falta que me fai).

BOAS TARDI

PA O FINAL

Cumu hoxi fai os anus,
nosu contertuliu “Chitu”,
Desde esta misma tribuna,
de corazón felicitu.