San Martín de Trevejo - Caceres

Bos dias a tos os furistas.
Bueno, pos ya estamus acà otra vés, en esta gran ciai extranxeira, i mañàn empezaremus cun a rutina de tos os anus, aqui se didi "metro, bouleau, dòdò" que quel eidil mais o menus "metru, traballu , durmil".

Pos dispois de habel pasau tò mes de agostu en o lugal, mais bregandu con os netus que con os amigus, i e que hai que cumplil cun as obligacios de aguelu si queru queal ben cun a aguela, pero bueno, inda tuvi momentus pâ tòs, i pâ boiga, que esti anu tamen a marchau ben G.a D.

En miña opinion, as festas han resultau mui ben, con mutu ambienti, esceptuandu esas famosas "capeas" pali en o "quintu pinu" i que ya nun digu nà, porque ya se a ditu mutu en esi aspectu.

A unica pena que me e treidu esti anu a siu vel o pilon do chafaril " un dos simbulus do turismu local" en o estau tan lamentabli que se encontraba, quizas sea pur a siquia, o quizas a siquia nun e a sola culpabli, isu habria que estudialo con mais calma.

I a propositu d'a siquia:

A conclusion que e sacau:
E que os ricus se han bañau
Os cespis se han regau
I as miñas hortensias san secau.

Que teñais un-ha boa entrà laboral "os que traballais"

Felicital a mei parenti BRODAS por esi anu mais que ten, que cumplas mutus mais en compañia dos teis seris mais quirius.

Un salu pâ tos i muta soidi pa fala ( a miña neta con cincu anus i crià, en Mairil, ya me didi " EI FALU MAÑEGU CUANDU QUERU"

M/E = Angil

M/E, me a encantau o de "metro, bouleau, dòdò", a fin de contas entramus tos mais o menus en a via ordinaria, pero con estis vos ratitus do foru que duranti o invernu se fain mais extensus e intensus.
A verdáis que creu que ya poicus quean de estar en sei lugal habitual, inda quean por aquí otrus cumu A Figueira que está a puntu de chegar, y por supostu mutus lectoris, ya que nun escribin.

Mutu ánimu pa tos y guerra a o simdrome postvacacional.

Bueno un saludu pa tos y muta soidi.

mye