San Martín de Trevejo - Caceres

Estimaus furistas:
Aunqui nun exactamenti, pero a o hilu do correu que mandí o día pasau sobre (según un furista ¿acertau o non?) que algús cobran o paru. Esti é un comentariu sobri una nuticia que ha seidu hoxi mismu.Mutus traballaoris de a Comuniai Vasca, mayoris de 52 anus y que pol desgracia perderan o sei traballu desde o 2002 porque tuverun regulación de empleu, deixarán de cobrar o subsidiu do paru do salariu mínimu interprofesional (SMI=570,6 €/mes). O Inem les ha piu que tenein que devolvel as cantiais ya cobrás desde fai mais de un anu que mais o menus son entre 5.000 y 10.000 €/persoa.A o cerral a fábrica se habían prejubilau. Esta forma de actual ha siu una ferramenta utilizá en os casus de cerri das empresas. Éstas y os sindicatus negocian o retiru anticipau (dandu una indemnización + un conveniu con a S. Social) garantizandu así o cobru de una pensión cuandu chegaran a jubilación. Agora, a normativa vigenti considera que esas indemnizaciós nun tenín que superar as dodi mensualiais de salariu, casu contrariu se considerarán comu ingresus. Claro, a mayuría dos traballaoris afectaus superan esi nivel de renta mensual pa poel tel o subsidiu de desempleu. Nun sólu tenin que devolvel o ya cobrau sino que a devolución poi afectar a pensión que diban a cobral os traballaoris en a sua jubilación. En fin, que puiamus siguil pero é pa que vean (si é verdai o que idía ese furista)que aquelis que supostamenti cobraran o paru tan ricamenti debein sabel que otrus mutus dispois de habel traballau toa a sua vía tenein problemas para cobral o que tenein ya mais que cutizau. É pa esta xenti que está reservau o iñeiru que tos traballaoris cotizamus tos os mesis y nun pa aquelis que puendu traballal optan pol otrus camiñus nun demasiau clarus.
Soidi a fala.

Nun entendu como han puiu aplical retroactivamenti una norma.
Nun se si rozaba o fraudi de ley o cobru de o paru de esa forma.
O que pareci sel e que esa suma que as empresasa pagaban,como se fora unha indemnización por dispiu, era como unha especii de capitalización de un suplementu o complementu a o que se cobraba poseriormenti, por conveniu, de a S.S., unha ve de baisa en a empresa.Dese logu que, e lamenabli que estas coisas pasin, pero tamen habria que reflexionar si pasan por que se ha abusau en excesu de as jubilacios anticipás, mutas vedis non obligás, sinon buscás de propósitu. Enfin, nun teñu datus pa opinal mais, pero o que si e verdai e que en o meyu rural se ha abusau mutu de os cobrus contra firmas de peonas, a vedis falsas, Otras vedis o iñeiru se ha entregau de determinaus organismus, Axuntamentu o Diputación, pa acometel certas obras en as que se incentivaba a os desempleaus pa que tuveran traballu y logu, tras cotizal, cobraran.Hay que falal de to.Un saluu de Chitu.

Estimau Chitu:
Mira, sin afan de idil qué está ben y que está mal. Desde o 1996 hasta o 2002 he estau comu responsabli comarcal de Formación tantu Continua comu Ocupacional. Entre otras coixas, miña función era manejal fondus de a Diputación, o Gubernu Vascu, o Fondu Europeu y o Inem de cara a formal o paraus pa que pueran encontral un traballu. Por a millol situación das empresas, por que o traballu de reconversión de postus de traballu, por... a cuestión é que en esta comarca hemus pasau de tel o 22% de paru a estal por debaixu de o 6% hoxi en día (nivel de paru técnicu). Con os fondus que menejaba se me pía que organizara cursos tendu en conta as necesiais de os empresarius y otrus empleaoris. De tal maneira que una vé finalizaus os cursos se colocaran a fel prácticas en as empresas y otros organismus toa xenti que hubera tiu un bo rendimentu. Os subvencionaoris se xuntaban conmigu y miíamus o desarrollu y dispois os resultaus y elis por sua conta a os 6 mesis de habel acabau os cursos (400 a 700 horas) vulvían a chamal a toa a xenti pa vel en qué situación estaba respectu a o traballu que les había encontrau. Casu de que o % fora baixu pa o anu siguienti nun me deisaban fel esi cursu que "nun sirvía pa colocal a xenti" o si había duranti o cursu baixas de xenti que se seya do cursu me idían " si chamandu a esta xenti a encontru traballandu é que os resultaus que se den nun son por o cursu postu que sin chegal a terminalo se poin colocal igualmenti, con o que me ahorru o iñeiru que te doi pa que fayas a formación". Creu ei que esa é una ¿boa maneira? de utilizal o iñeiru y fel a formación adecuá pa que nun se vayan perdendu os fondus ¿nun o crees así? E mais, agora mutus dos que fai anus colucamus me didin que siguin traballandu en o mismu traballu. Supoñu que as situaciós son bastanti distintas y que as comparaciós sempris son odiosas y que os que manejan o iñeiru sabin o que tenin que fel pero, vaya istu comu reflexión. Pusiblimenti ahei sea mais dificil por falta de tejiu empresarial y os traballus nun sea tan permanentis... Simplimenti reflexionemius amigu Chitu. Comu tu didis hay que fala de to.
Soidi a fala.
Soidi a fala.

Os tempus das vacas gordas se están escorregandu pa os paisis de o antiguu pactu de Varsovia.
Soidi pa toa genti.

Te agradezu a ilustración tan documentá por apropia experiencia que me facilitas, parei arriba as coisas funcionan de otra maneira poro que se ve y ademais ben, en o lugal, a coisa en distinta, posiblimenti, as situacios se prestin mais a o fraudi en as zonas rurais, tal ve, por falta de vigilancia, tal ve por que os políticus que, finalmenti, son os que manejan y decidin, contribuyan a él por aquilu de que logu hay eleccios. Un saluu de Chitu.

Estimaus Cana y Chitu:
Primeiru contestandu a Cana:Hasta agora España ha siu dos que to era pil y os ricus (Alemanis, sobre to y Francia han estau tirandu do carru Irlanda, Italia, España y Portugal os que se aproveitaban. Con as últimas incoporaciós de paisis do esti de Europa y otrus Polonia y otrus... le vai a tocal sacal iñeiru do bulsillu y aguantal que sean otros os que so levin. Vamus a vel que tal le senta istu. Inda chega por otrus conceptus algu de iñeiru pero mutu menus y mais controlau. O grifu se está cerrandu. Istu é boa señal porque quel idil que España ya nun está tan necesitá comu antis. Italia, son mais "gitanus" y si que han sabiu arreglarsi para "chupal do boti".
Contestu a Chitu:
Sobri o anu 88-89 hubu en España una grandis partias de iñeiru que chegorin de Europa y pol o que pareci nun se utilizorin ben. (pol idilo sencillamenti)viñerun inspectoris y a España le itorin una gran multa por istu. Desde entoncis hay mais control sobre esis iñeirus. A sua vé España presiona sobre a utilización que fain de esi iñeiru as Comuniais Autónomas. Y comu ya sabemus tos cómu se levan entre o Gubernu Central y o Vascu... Esti nun permiti que haya o menol fallu en o control do iñeiru que o Gubernu Central le envía. Cunadu nos o reparti pon tos os pasus anteriolmeti pa fel a criba y aseguralsi de o "históricu" de cá Organización y Entiai que recibi un centimu sei. Antis, duranti y dispois. Nun queru ni pensal que pasaría con una Organización que nun puera justifical con tó luju de detalli ca euru dos que nos subvenciona. Nun sólu a gestión económica, si non o rendimentu de aquel proyectu que en sei día le presentamus para que fora subvencionau. Millol que se borrara a sí mismu do mapa. Non. Creu sinceramenti que hasta agora nun se ha dau esi casu. ¿Queal con una mancha o Gubernu Vascu deyantri do Central por ma utilización de iñeiru? Estoy seguru, pol o que coñozu que vai a sel caixi impusibli que ocurra.
En fin, hay que falal de to.

Soidi a fala.

Boas tardis nos de Dios:
Sin querel entral na polemica, teñu que idel varias coissas respectu do tema que nos ocupa.Referenti a nuticia da pusible devolució do subsisidio do paru"indebiamenti" cobrau pur un certu colectivu de "prejubilaus", teñu que idil que nun esta ben pois nun ha habiu "indebimentu".No sindicatu han queau en aclararmo o merculis.
No referenti ao tan traiu y chevau "paru", tamen digu que ia esta ben de despotrical sempris dos mismus, cuandu nun lo femus das subvenciós que cobran os patrós y terratenientis....., que inda os hai.Por ultimo idel que o repartu das subvenciós, nun sempris é limpo, i estan implicaus casi tos os intervinientis.En tôs os lugaris se codin habas....i na miña casa a calderás.
Soidi Fala

Estimau pirata:
Pa que les poyas dal mais datos a os sindicalistas, ahí te vay:
Ver Diariu Vascu de Fecha (sábau 27 de octubri de 2007).

Si tés sindicalistas que poyan aclarar esti asuntu desde logu te o van a agradecel os traballaoris afectaus.
Didi pa terminal o artículu que te nombru: "...las centrales sindicales denuncian la situación de "indefensión" de los afectados, que además se sienten dicriminados, ya que a los prejubilados de expedientes anteriores a 2002, no les es aplicable la nueva regulación".
Esperu tua resposta despois de que falis con os sindicalistas ¿vali? Os traballaoris afectaos son 300. Esperu que teñas boas nuticias que dalis. Si son boas, desde logu estati seguru que to van a agradecel toa a vía.
Respectu a o repartu de subvenciós, comu tú didis nun sempris a siu limpu (España foi multá por a Unión Europea por a ma justificación de a utilización dos Fondus Europeus)Ei sólu poyu respondel por os fondus que ei he manejau, que son os que me han tocau justifical ¿si?. "En otras casas ¿poin idil o mismu?
Respectua a o tema recurrenti dos terratenientis y empresarius o comu tu les chamas patrós, te puiría falal de os que ei coñozu, dos que traballan en a comarca dondi me he muviu duranti 10 anus. Coñozu caisi a cau por nomi y apillius y te aseguru que, (por supostu niñun vai a perdel iñeiru), te aseguru digu, que nun muta xenti sabi dos esforzus que tenin que fel pa sel pa yantri, gañal iñeiru, mantel a plantilla, aumentala, renoval o equipamentu, sel competitivu en mercaus cambiantis, con productus mutus caducus, intentandu metersi en otrus mercaus, batallandu por unos marginis de beneficiu que ca vé son mais pequenus por a presión das grandis coaliciós de empresas, consorcius, reabsorciós de as pequenas por as grandis, que una vé absurbias as deixan morrel pa quitasi xenti de plantilla pol que elis o tenein to automatizao. En fin, o de terratenientis o descoñozu por que afortuanmenti por aquí nun existin. Y si exitiran había que analizal a ca un sin tratal de metel a tos en o mismu sacu. (estamus en o s. XXI y nun hay que utilizal términius do s: XIX o XX). Isu to dirían hasta en os mismus sindicatus, por lo menus os de aquí. Si un día chegamus a coñocelmus y qués vil pol aquí, te voy a presental cómu son os empresarius de to un industrialdea (polígono industrial) pa vel si te convencis (tu mismu, líbreme Dios de intentalo ei)de que nun son mutas vedis comu se pintan (cuandu nun se coñocin). Pa acabal, por supostu que habrá de to como en a viña do Señol, bos y maus, pero para isu nun fai falta sel empresaru o terratenienti. Algún diá te contaré una anécdota que me pasó con un dagal de Herri Batasuna y un de esis que chamas patrón. O dagal leva traballandu unos 12 anus en a empresa de esti "patrón".
Nos vemus Pirata, esperu a solución pa os traballaoris que tenin que devolvel o paru.
Soidi pa tí y pa fala.

Boas noitis.......
Tomu nota, peru sin quel sel un sabionduchu, te digu que por sorti o desgracia coñozu o entramau empresariai de pol aequí arriba. Cuandu falu de patrós nun o fallu pensandu precisamenti nos pequenus i medianitus, que tamen se aproveitan das subvenciós; i nun poñu en dua que fallan improvos esforzus en sacal aiantri a suas empresas.Nun se a que ven o d´anecdota, peru ia ma contaras, o millol a contas aequí no foru.Tes radon que oxi dia quizas as formas de explotació nun sean as do siglu pasau, peru o fondu......quizá sean mais sangrantis.
Soidi a Fala
P.D.
Te contu ei una anecdota, sabis que una sentencia da Unió Europea ha anulau as chamás vacaciós fiscais (rebaixa dos impostus as empresas que cumpleran certas condiciós), pur considerarlas ilegais,, bueno pues ia ha saidu o diputau general ,nun se si de Gipuzkoa, Bizkaia i Araba o os tres....idendu que nun fairá falta que devolvan as perras; sorti asina a queru para os paraus maioris de 52 anus.

Estimau Pirata:
Pareci que hoixi e a nosa. Me didis que tomas nota ¿da fecha do periódicu que truxu a nuticia? ¿ de que estáré encantau de dil contigu a visital a algús de os "patronus? ¿de que ya nun se utilizan os términus de terratenienti, patrón...? ¿de que me mandarás un correu con o que te digan os sindicalistas sobri a solución pa os traballaoris que tenin que devolvel o paru?¿...?
Me pareci muy ben que por sorti o por desgracia coñozas a o entramau empresarial de "por a quí" (entendu que será fácil que nos veamus por que debis frecuental esta zona (ei nun coñozu o "entramau empresarial") ei o que coñozu son a persoas que son empresarius con nomis y apillius y te aseguru que comu en otrus ámbitus, bos y maus.¿A esis dos que falas os Grandis empresarius, normalmenti ni pol as empresas grandis de aquí os he vistu aparecel, si en cambiu a os jefes de personal, de producción, da forja, da estampación, de mantenimentu.... Esis son os empresarius.
Agora ..."quizás explotación mais sangranti": ¡Ay, amigu! nun sé dondi traballas tú pero ei te aseguru que en os traballus que coñozu naidi da "os durus a peseta".¿a que non? Istu si que é verdai. Pero isu se chama tamén ser cumpetitivu (estal en a brecha, a o pé do cañón...)en esti mercau que sólu sobrevivin os milloris y naidi queremus pasal pol a (supoñu) amarga experiencia do paru. Pol isu hay que arreal ca día con toas as forzas pa nun queal pa trás.¿é así o non?.
Acabu con a anécdota: En as Diputación tenin incentivus pas empresas y o se dan en forma de subvenciós o de desgravaciós fiscais. Aquí se ha chegau por pruvincias a una negociación entre os partius pulíticus pa marcar a base da cotización das empresas. Chegorin a que a cotización das empresas dibía estal entri o 28 y o 30% y creo que, seguru que distu tú sabis millol que ei que os pulíticus nun chegorin a un acordu y agora nun recordu si está en un 28,5 o 30 %.¿Vacaciós fiscais? ¿seguru que si devolveran, comu tú didis as perras, os traballaoris mayoris de 52 anus se virían afectaus pa piol o pa millol?.
De a anécdota do dagal que comu sabis son radicalmenti contrarius a os empresarius tantu é así (comu coñocerás porque sabis de o entramau empresarial de por aquí)que leva ya unos 12 anus y dili algu en contar de esi empresariu. Prometu contalo, en o foru, y si ques a tí , en a plaza y dondi tú queiras ¿da cordu? Mira y postus esi será una visita que fairemus y falaremus tantu con o empresariu comu con o dagal ¿que te pareci?. Te esperu, tomamus unos viñus y charlamus un rato.
Soidi Pirata y tamén pa fala. O sintu si te he pariciu un... comu didis... ¿sabionduchu?. No vemus.

É a nossa, tes toa radón,seguru que casi tôs esis bôs empresarius estan afiliauas a A.D.E.G.I (sindicatu de empresarius de Gipuzkoa), paradigma da negociació conos sindicatus.
Nun teñu ningun inconvenienti de tomal esis vinitus, ia sea en Zumarraga, Donosti o Gasteiz, dondi ei vivu, ¿quedamus?
Soidi a Fala

Estimau pirata:

Si señol vamus a queal, pero entre semana millol.Un día que vayas a vil por Zumarraga me avisas y si te coincidi que é por a tardi millol. Si épor a mañan y me avisas daremus una volta por me traballu y o prumitiu e deuda diremus a esi industrialdea y falaremus con o dagal de Herri Batasuna y o empresariu que o ten. Si logu ques vistal mais empresas o faitremus te o prometu.
Sólu si me o permitis y nun me achacas de sabiunduchu te fayu una pequena corrección.
ADEGI= Asociación De Empresarios de Gipuzkoa.
Creu que tes una pequena obsesión con o afiliamentu.Te digu otra coixa Levu mutus anus (¿20 anus?)afiliau en un sindicatu pero si hay que metelis caña nun se me cain os anelus. A o pan pan y a o viñu viñu.Tamén falaremus de sindicatus cuandu veñas. ¿d´acordu?
Bueno por hoxi ya é suficienti. Soidi pa ti y os teis.

De verdais to digu, nun se de que falas, ei nun teñu niñuna obsesió, ni te tachu de ná, peru tamen te digu que nun me fai falta dil a niñun industrialdea, pa sabel o que pasa en esti pais nossu. Esis vinitus quean pendentis.
Soidi a Fala

Pirata que isu de conos? se didi con os pa que vayas aprendendu.

Mutas gracias profesol.
¿Porqué te comis o verbu sel en "Pirata que(é) isu..."?
Soidi a Fala

Estimau Pirata:
A ver si agora teñu mais sorti. Esta mañan o é intentau y nun me ha subiu o mensaje a o foru.
Te contu insiguia de que vai a anécdota poque con o ¿afán? ¿millol que obsesión? pa designal o que me viñu a cabeza con o nombral a os ¿comu era?, ¡Ah, sí! "patrós, terratenientis..." me viñu a cabeza esta anécdota que pol o vistu, é equivocá postu que tú me didis que coñocis ya suficienti a os empresarius y que nun necesitas fel una visita a niñun pulígunu industrial. Fíjati comu cambian as percepciós de cuandu se descoñoci a cuandu se coñoci a una persoa (Prejuicius):
Fairá 13 anus que diba a sel un grupu de una 70 u 80 persoas a traballal una vé acabaran os seis estudius de Formación Profesional. Y les organizamus una reunión con algunos empresarius da comarca. Truxi a un representanti de una gran empresa, otru de una mediana y otru que acababa de montal a sua empresa. Estaban os dagais de 18 hasta 30 anus sentaus en un salón y os empresarius y ei tíñamus que pasal ayantri pa que poeran falal. Ei diba o últimu y a o pasal por una fila vi comu a o pasu de un dos empresarius un dagal idia: "Boomm" y feya con as mas comu si reventara algu. Me parí y le dixi: "¿qué te pasa? ¿tienes algo que decir? ¿conoces a ese empresario?. Zer gertatzen da? Zerbait esan nahi al duzu? Enpresario hori ezaguntzen al duzu?. Me respondei: "Ezer ez, hori enpresario da, beraz, putakumea dela". (Nada, sólo que ese tipo es empresario, luego, es un hijo p...). Ya o cuñucia y era un comu les chamamus aquí "borroka" (persoa activista de HB). Pasó o tempu y tuvi que signal a caun dos dagais a una empresa pa que feran as Prácticas.Cuandu ya levaban traballandu un mes me dí una volta por toas empresas pa controlal cómu estaban, tantu os empresarius comu os instrusctoris y os dagais. Cuandu chiguí a esta empresa y le preguntu a encargau ¿dónde está ....? Ahí, estaba descuñuciu, traballandu, con o buzu postu, con o pelu cortau. Le dixi: No me dijiste que era un hijo p...? ¿qué tal estás? ¿como llevas lo del trabajo? Me respodei: "De lo que te dije, nada ¡eh!. Los otros no sé cómo será pero este es un tío legal".(Esan nizuenaz ezer ez, bal? Tipo hau oso jatorra da . Besteek ez dakit nolakoak izango dira baina hau, behintzat ez). Esta é a anécdota. Leva desde entoncis traballandu en esa empresa y de vé en cuandu me he pasado a preguntal por él y por otrus y o empresario sonrie cuando le contu esta anécdota y me didi: "Mira, como trabajador no tengo nada que decir"
Comu ves os prejuicius de: "os empresarius tos son...." "os lagarteirus tos son..." "os mañegus tos somus..." Non. Sinon:"esti empresariu, esti lagarteiru, esti mañegu...".
Insistu, te levaré a esti industrialdea y te presentari e estas duas persoas, (nun empresariu, ni traballaol). Logu nos vamus de viñus ¿d acordu?
Pos isu que soidi a tí, a os teis y a fala.
P.D.: me enteirau de o tema dos impostu de Sociedais y o mismu te mandu algu sobri istu. Ei esperu a que mandis a os traballaoris mayoris de 52 anus a solución a seis problemas pa que nun teñan que devolvel o iñeiru do paru.¿vale?

Boas tardis, o primeiru o ultimu:
Ei, nun poiu dal solució ao problema que nos ocupa, sólo informal do que me digan mañan, si é que me didin algu....
En tò o demais, que qués que te diga.....nun é ni o lugal ni o momentu pa seguil, peru si hasta San Pablo vio a lú, ¿ purqué nun un dagal borroka (pelea) conos peus largus i con mutus prejuicius?
Soidi a Fala

(Que é isu)evidentimenti se me ulvió o verbu, pero si que o sé, coixa que tu nun pois idel.

Ei tamen te queru....prenda

Soidi a Fala

Perdoa, que me se ulviaba.....
MUAAACC, MUAAAACCCCCCC MUUUUUUUUUUUUUUUUUUUAAAAACCC !!!!!!!!!!
Soidi a Fala

"Pirata"

Intuyu que é o mismu "nun identificau" das MAYUSCULAS, un bo dagal,nun te coñoci y pensa que has naciu y viviu en o lugal.
Nun tendrá queixa tua con esas efusios cariñosas que le muestras: beisadus...prenda...

Con tei permisu y que sea Nicolás Fernández de Moratín quin
le responda con esti EPIGRAMA que aprendimus de memoria en o bachilleratu:

Admirose un portugués
de ver que en su tierna infancia
todos los niños en Francia
supiesen hablar francés
"Arte diabólico es
dijo torciendo el mostacho
"que para hablar en gabacho
un fidalgo en Portugal
llega a viejo, y lo habla mal;
y aquí lo parla un muchacho"

Un abrazu

boas noitis
chenchu

Boa resposta Chenchu. Ya sé que metemus mutas patás a o escribil pero diremus millorandu. Falu en mei nomi pero nos ven muy ben a os que hemus empezau ayel comu quen didi a intental nun masacral a fala.
Soidi a fala.