San Martín de Trevejo - Caceres

Asisti cumu OYENTI a esti Cursu do Veran, organizau por a Universai de Extremadura (UE)y por a Universiai de Vigo (UV) en colaboración do Ayuntamentu de San Martín.
O cursu estaba dirigiu a os alumnus de Filología, pagorin a sua matricula, pero estaba abertu a o publicu que quiyera asistir. A terminolgia utiliza por os ponentis, nun puia ser se otra maneira, foi muy técnica. A mi me custaba siguir a as profesoras de a Universai de Coimbra.

Teñu que agradecer a os ORGANIZAORIS que me permitiran asistir a esti cursu y desde esta posición voy a manifestarmi.
Felicitu a os organizaoris y ponentis.

O espaciu dondi se impartiran as clasis foi o gimnasiu, que linda con o Ambulatoriu. A Iglesia do conventu, segun o nosu alcaldi, hubera siu o marcu ideal, pero está en obras.
Cumu toos dispoñeis de o programa, gracias a j/l, solamenti
idilvus que a meyu dia, tempu de descansu, a responsabli do Bar da PLAZA, nos sirvia café, te, infusios...ademais de madalenas, pastas, pastilitus etc..
Se editara un libru sobre o tratatu en esti Cursu do Veran y ya tendremus oportuniai de comentalo.
Aqui ei solamenti intentaré resumir o que me pareci os poya interesar, (con estis caloris nun esta un pa leer conceptus filológicus)

O Dr. González Salgado de a Universai Autónoma de Mairil
falo sobre "Jálama y las hablas extremeñas"
Se feya a pregunta retórica "Que es el extremeño"
y se respondia: "no lo sé"
Afirmaba que "a Fala" era la "joya de la Corona de la diactologia extremeña"
Que a Fala estaba en peligru debiu a globalizacion: internet y telfono movil, especialmente. Que hoyi dia a o estar os tres lugares mais comunicaus que os tempus pasaus que se feya dificil conservala. Ademais unha fala que nun se utiliza para expresarsi por escritu resultaba imposibli protegela.
Que era Necesariu, imprescindibli una NORMATiVA pa os tres lugares, que solamenti os falantis poiirian salvala.
Se formulaba as siguientis preguntas:

1)PAra qué a Normativa?
Si nun se escribi despareci.
2) ¿Desde DONDE?
desde lo que quieran los hablantes, a ellos son los que les corresponde hacerlo.
Son los tres pueblos quienes tienen que ponerse de acuerdo y renunciar a la hora de escribirlo cada cual a terminos y expresiones. Valverde, que es la que mas hablantes tiene, no sera facil que renuncie a su z/c
San Martin y Eljas tendran menos problemas.
3) Como hacerlo?
Se necsitan recursos humanos y económicos.
4) ¿Para QUIEN? para todos los hablantes.

Muy interesanti o diccionariu sobre "A Fala" con mais de 4.000 palabras de As Ellas, Valverdi y San Martin, elaborau por a profesora Dra. Arancha Roman de a Universiai de Granada.
Recolli o léxicu da Fala y con transcripción fonológica

A fotu de j/l muestra cuandu falaba o nosu Alcaldi
y Anxo Quintana, viceprsidenti da Xunta, escuta.
O musicologu galegu duranti duas horas nos do una leccion magistral
sobre a gaitas y tipus de gaita. O escenariu que elegi, cumu poeis constatar por a fotus de Indanunse, é extraordinariu.

boas tardis
Chenchu.

Tamen interviñu en o debati o diputau Sr. Lobeira, tal y cumu se expreso de Torquemada nun té na. Ya falaremus de too istu.