San Martín de Trevejo - Caceres

ROMANCI D'UN VERÁN


Ya vai pasandu o verán
y s’están enchendu as playas
tés o corpu relajáu
y tranquila tés a alma.

Al nun tel ordenaol
os miolus me descansan
pero tamén é verdáis
que hay coisas que eitas en falta.

Eitas de menus o Foru
con os debatis y charlas
hasta que vas y decidis:
que d’esta tardi nun passa.

Y vas a un “ciber-café”
y ves que “O Parral” le canta
bellas frasis a tíu Luis
(Pacu le chama “Barara”)

Ves que está fendu calol,
os furistas o declaran:
un didi que vinticuatru,
otru cuarenta y nun para.

T’enteiras qu’o campanariu
cuandu “Jota Ele” trata
de sacal fotus d’as peiras
p’o solu se esgarrumbaba.

Un-hos o querin poñel
p'alí abaixu en “Torramata”;
otrus o querin leval,
peira a peira a Santa Clara.

Os animosus furistas
d’un tempu a esta parti tratan
completar o diccionariu
con estas novas palabras:

Trapaceiru, lambicús,
barbelá, zaracatana
trossu, esportilla, boceira,
amolecel, escurriallas.

Escupiñu, currumpión,
miñocas que se esborrazan,
caciquillu, aproveitáu,
furnixa, perguñu, asmática.

Que si pos a amolecel
os pés en a palancana,
que si as aguas escorregan
y os “cutubelus” se esmagan.

Y te sorprendis a o leel
a parábola d’o guarda,
que pareci que fai poicu
p’a o mutu que se le paga.

Y cumu mutus opinan,
a ver si alguén nos aclara,
que hasta o mismu Jesucristu,
algun-ha vé as explicaba.

Nun se sabi si é d’a villa
o de un-ha viña se trata,
máis me pareci entendel
que ten a manga muy ancha.

Dentru, quizá, d’u-hos días,
cuandu vea qu’o tempu pasa,
daré por aquí otra volta
a ver si as coisas se aclaran.

Mentras tantu, pensaréis:
esti le está eitandu cara,
pero debéis perdonal,
que teñu que dilmi a playa.


Con os milloris recordus d'estas terras d'o Sur


B.RODAS

Millor que ayer i piol que mañan, O romance cumu se didi por aquí COLLUNU, ya veu que estis calores nun te afectan.
Te informu pa tua tranquiliai, que a remexa de viñu que me destis pa o dia de o encontru se la entrigui a o Xalima, que o Delegau Oficial de a Pichorra de o Tiu Luis, supoñu que nu se o teñan "chupau"
Soidi. JL.

Primeiru queru felicital a o amigu BRODAS por esi romanci tan bo que nos a postu en o foru, que ya nos estaba fendu falta algu asi pa animar istu, que estaba un poicu apagau y sera nosmal, porque vacacios pa unhos y estis caloris, pareci que os furistas tenin poicas ganas de asomarsi.Pero ya veu que nun nos ulvia ni en a playa, y e de agradecel.

Por otra parti queru eidili a Brodas y recordali a jl (por si nun se acorda) que èl mismu me do o viñu en man propoia, fai un mes en sua casa y nun a Xalima y vos aseguru de que ya esta en boas mas (pensu ei)solu esperandu a que o bebamus esi dia tos xuntus y algun mais que caya.

Bueno, cumu didi a mañega ausenti( que inda nun sè quin è, pero le mandu un saluu), ya estamus preparandu as maletas pa ser zumbandu p'o nosu lugal.


Soidi y frescura pa tos/as


M/E 33°

POdrías decirme por favor que significa ZARACATANA.
Gracias.

Pilar. paylarcb@hotmail.com