San Martín de Trevejo - Caceres

"O muñu" propon que debatamus sobre os almacés nucleais:
Almacén Temporal Centralizado (ATC)

Si hay delincuentis ten que habel cárcilis, logu si hay Centrais
nucleais, éstas generan residuus que debin ser almacenaus.
¿Qué se está fendu agora con el.lis? están en instalaciós a o lau
das Centrais y se prentendi centralizalo.

En o 2004 o Congresu aprobó por unanimiai sendu Ministru de Industria
José Montilla, actual president da Generalitat, a creación
de estis cementerius y agora se opon dibiu as circunstancias:
ICV, sociu do sei gobernu, nun está de acordu. Cospedal do
PP, que tamen está en contra, expedientará a os concejais de Yebra (Guadalajara) que ha presentau a sua candidatura.

¿Cuántu costará y quin pagará? de isu nun se fala, pero mutu
me temu que seremus os contribuyentis os que paguemus
y nun os dueños das Centrais Nucleais.

boas tardis.

É verdáis que si hay delincuentis ten que habel cárcilis. Cumu tamén é certu que ten que habel basureirus, ya que produdimus basura, o máis cercanu a nosotrus: si queremus fel adeiti en as prensas sabemus que habrá carozus.
Pur isu propoñu, que, antis d´o sábau, que se acaba o plazu, o nosu lugal: SAN MARTIN DE TREVELLU, antis chamáu San Martinhu d´os vinhus, presenti a candidatura a tal A.T.C. ya que reportaría mutus eurus a o lugal.
Si femus un-ha división entre o que prometin os pulíticus y os habitantis d´o lugal, creu que tocan, por lo menus a 450.000 €.
Claro que sempris quearía a protesta de os lagarteirus, curitus y valverdeirus (quizá paiengus y nafrieñus), porque tindrían os inconvenientis y nun godarían dos eurus.
Contestandu a pregunta de Chenchu: nun te quepa a menol duda, (bueno, ni a menol ni a maiol, o sea niñun-ha): pagarían os de sempris: pos paganus, o sea nosotrus.
Ejemplu: esti anu me han subíu a pensión de jubilación, y nun sé por qué regla, cobru menus que o anu pasáu. Sempris he críu que subil é tel máis, pero os pulíticus te enganan cumu a un chinu. (Se me ocurri que chinu rima con cuchinu).
Ya o idía aquel: Nu te fiis de promesa de políticu ni de hazaña de cazaol.
tamén é certu que, creu que foi Kruché (o rusu) o que dixiu: Un bô pulíticu debi prometel fel un ponti, aunque nun haia ríu (añadu ei: por si acasu apareci un día o ríu, ya está feitu o ponti).
En fin: Boas tardis
B_RODAS

Perdonami brodas pero num estoy de acordu ,con que se fidera un cementeriu nucleal en-o lugal ,fai mutus anus quisseran metel residuus en-as minas de xalima y san martin xuntu con payu nos pussemus deacordu pa fel un-a manifestacion ,ha o final nun fidu falta fela ,pero se comento que habian bistu camios que divan pas minas ,estas estan fechas con candaus ¿porque sera ? estoy muy orgulloxa de poel idil que en omei lugal nun hay contaminaccion . Tu cres que daria o ayuntamentu esis eurus que tu didis assenti do lugal ?? ei creu que se enborcharian to pa elis y pa ssenti na de na y encima acalal .San martin esta muy ben comu esta y nun necesitan mais quebradeirus de cabeza ,nossotrus nun estamus de continuu en o lugal y se nos fai muy facil opinal desde fora ,ei tenhu ali aminha familia y num me gutaria que correran riesgus pol culpa de os veneficius.¿qui he mais importanti a soidi o hos vinificius ?Me gustaria sabel que opinan sobre esti tema os furistas que estan en o lugal .SOIDI A O LUGAL

¿ Por queé dan tantu iñeiru por tel os residus nuclearis baisu terra en un sitiu deerminau? O millol e por o riesgu potencial, pero riesgu, de que poa pasal algu ¿NON? Creu que dibirian empezal por garantizal, si e que poin, que a tenencia de esis residuus, non produdi niñún ataqui ni a o meyu ambienti ni a soidi de os habitantis limítrofis. En istu hay mutu secretismu, como o hay areol das centrais nuclearis, claro, por meu a os accidentis que, aunque haya ca ve mais seguriai, se poin produdil. O problema está en asumil o non o riesgu. Hay xenti que o ha asumiu con as Centrais y pareci que nun le vay mal y por isu, por cuestión de perras, ago temen querin asumil o riesgu da basura nuclear.Bueno, nun se poi contental a to mundu y ya veis o que éstá pasandu. A mi nun me gustaría que en o mei lugal hubera un cementeriu nuclear, por mutu beneficiu que haya, pero claro, isu o tenin que decidil as persoas que vivin ali permanentimenti que son , en definitiva, os que van a asumir mas cantiai de esi potencial riesgu. O tema e interesanti y admiti mutus puntos de vista, tos interesaus, sin duda, pero tos válidus por que ca un arrimará a ascua a asua sardiña. Nun hay duda de que a energía nuclear que ve e mais segura y mais necesaria, y si paisis mais avanzaus en tó que o nosu a tenin, e inclusu comercian con ela sacandu un gran beneficiu, nosotrus non poemus quealnus a cola de o progresu por que así nos vay. Eo que se me ocurri agó sobre istu.Soidi pa tos y un saluu de Chitu.

Asi é "chitu" os pueblus que tenin centrais nucleais,
comen de el.las sin apenas esforzu,sin embargu, a basura
que generan pa otrus. Os residuos debin ser muy
contaminantis y de milis de anus de duración.

A falta de coherencia dos dirigentis catalás é
manifiesta con o de Ascó. Ayer liía, segun o alcaldi
de esta población, tantu o president Montilla
cumu o jefi da oposicion (Ciu) Mas estaban a favor
de esti cementeriu nuclear.
En Ascó tenin ya tres almacés, un en ca reactor que suman
1200 tonelás y parece ser que tel un solo almacén é
a opción mais segura.

Cumu idia "o muñu" estamus pagandu a Francia a electriciai que produdin as suas nucleais do otru lau da fronteira.
"Nucleares no,gracias" por aqui, sin embargu, en Francia
nun existi debati sobre o tema, a energia nuclear é de capital
públicu y o Estau ten certu prestigiu, aqui é priva y hemus
tiu mais de u disgustu y cumu tu didis se le escondi a opinión
pública os incidentis gravis y de aqui ven a desconfianza.

Frasi de Homer Simpson, especialista en energia nuclear:
"Normalmente no rezo, pero si estás ahi, ¡por favor,
sálvame, Superman"

bos dias

Boas tardis paisanus:
Solamenti una reflexión sobre o tema de a energia nucleal y os riesgus procedentis de os productus radioativus (ionizantis) y otrus cercanus a elis (vertius químicus y de contaminaciós electrománéticas).
¿non hay un ditu que didi algu así comu que: " o que anda cerca do peligru pereci en él"?.
En Prevención de Riesgus Laborais a máxima é de que en os Plas de Prevención de o que se trata é de hay que eliminar y si nun é factibli, disminuir en o pusibli os riesgus. Sempris ante una situación de peligru hay que tel un Plan de emergencia preparau, pa pol si acaxu.
Creo que a pesal de que supoñamus(nun temus por qué supoñel otra coixa si o descoñocemus) que os Plas de prevención que ten una central nuclear son muy segurus, temus que pensal que, sempris quea o factor de insuguriai que poi chegal a produdil un desastri. Si istu ocurri en gran parti se debi a que en estis sitius se están manejandu sustancias químicas y radioactivas muy peligrosas y que ante un escapi o un situación de emergencia descoñocemus as consecuencias que poin chegal a produdil.
Mirei si non as consecuencias de o desastri da central nuclear de Chernobil. Abandonu de esa xenti a sua sorti, que alí siguin sin que caxi naidi do sei gubernu se queira acordar de elis. Están contaminaus y os tenin comu en cuarentena sin facilitarlis precisamenti a moviliai pa otras zonas, mais ben a o contrario. Han mortu mutus de elis victimas de cánceris y de degeneraciós en os tejius y en as células. Han tiu una generación de dagalitus que están infectaus por esa radiación, mutus levan malformaciós genéticas. Encima produdin en os seis campus cultivus que naidi se os compra porque a terra en que crecin está totalmenti contaminá. Y asi cerran o círculu vicioxu, elis se tenin que intercambiar os productus que elis produdin por estar contaminaus y elis sos tenin pa comel si querin sobrevivir.
Y ¿que me idis de os meyus de protección que levan os traballaoris? Si to fora tan asépticu e inofensivu ¿a qué ven tanta protección?
Que asi tenin traballu os dos lugaris dondi van a fel os cementerius nuclearis? Ahhh , sí , claro. O que faltaba que encima nun les pagaran. Mirei , si un apila botón de esas que temus pa que funcionin os relojis o o despertaor didin que contaminan, agora nun me acordu si son 300.000 ó 600.000 litrus de agua potable, imaginati qué ocurrirá cuandu con o tempu se vayan abrindu por oxidación algún barril de esis en que metin os residuos despois de cerralos con cementu. Ahhh, ¿que esta xenti didin que isu tarda mutu en rompersi? Ahh, muy boa resposta, boa herencia le deixan a seis fillus que vivirán con esis cementerius pexandulis comu una loxa duranti toa a sua via
En fin, a electriciai, ¿que se ten que comprar de Francia?, seguru que con o sol de o sur de España puiría, isu agora, a basi de placas solaris dar para vender electriciai. Y pantanus, ¿seguru que en o norti o as cuencas dos grandis rius está ben aproveitás? y os investigaoris, nun poin sacal na que sirva para dil sustituyendu, nun digu quital de repenti, esta "cómoda" maneira de producil energia electrica barata?
Os habis parau a pensal por que Telefónica paga milis de euros a os edificius que deixin colocar una antena de telefonía?
Os habeis parau a pensal porque ya fai algunos anus están desmontandu esis pararrayus que tenin de esti tipu de productu radiactivu en a sua composición? Si fora bo....
En fin, compañeirus que muta soidi pa tos y por supostu pa o lugal y pa Fala

Boas noitis compañeirus ñeiras y vidiñus en general,tos os dias entru enho foru y hay dias que leu coisas que me repatean as pelotas,
contandu que os estudius meis foran os yustus, hay vedis que se ten que contestal.
Jose luis didi que enho norti hay pantanus si nun teñu ma información
hay mais agua embalsa en Extremadura que en barias regios de esta ESPAÑA , por otru lau unhos didin PANTANOS NO otrus didin CENTRALES
NO otrus que os MUÑUS DE AIRI estropean o paisaji, y ey me preguntu
si nun sera que tos os que protestan tantu querin volver ao ulivar de as onzas y ao cageiru deha caleixa deho forti.
SOIDI PA TOS Y QUE DE UNHA SANTA VE NUN TEÑAMUS QUE DEPENDEL TANTU OS ESPAÑULITUS DE OS DEMAIS
VANI

Bos días Banin, mi estimau amigu dos poicus anus que chiguí a viví en o lugal. Sólo aclaralti que nun poñu, o por lo menus nun era a miña intención poñel que en o norti, que chovi mutu, haya oixi mutus pantanus, sinon precisamenti o contrariu. Digu que, se puirian aproveital mutu millol as aguas que dispois de chovel se van a o mar sin un millol aproveitamentu. Que sí, que poi habel otras milloris o hasta pioris alternativas, pero nunca que sean peligroxas pa xenti que vivi en ese momentu y mutu menus que hipotequin o futuru de os seis fillus. Si non ¿pa qué sirvi tanta preocupación con o meyuambienti y os buracus en a capa de ozonu?. Que muy ben , que nunca ocurri ná pero ¿y cuandu ocurra si ocurri UN salu pa tos y soidi pa fala.

-Hola U.M.O.!! Sabia reflexión. ¡Me quitu o sombreiru!

-Pero, o que máis m’ha gustau: "y ao cageiru deha caleixa deho forti". ¡Gracias!, poro altu conceptu que te merecin os qu’alí vivíamus.

Fonti Nova

Quissera idilti U.M.O. que ei mee criau en o lugal y nun e tiu necesiai de dil AS ONZAS ni a caleixa do forti ,nun creu que se valha tan patras ,solu poque muta xenti comu ei nun queiramus ni MULINITUS ,NI CEMENTERIUS nun etoy da cordu ,comu ben didi alfena hay oitras maneiras de produdil energuia con menus contaminacion ,o que temus que fel e miral mais pol nosus filhus que tenhan un-a caliai de via sin tanta merda en o anbienti .Claru esta que si un-os o ha polhamus y oitrus non nunca se chegara a na .

Amigu CARRUNCHELA nunhe nombrau a naidi pero en aquelis anus pasaba
ami tampocu me toco.
Pero ey queru idel que en esti pais to mundu protesta pero sulucios
naidi y mentras tantu 60.000 euritus que se nos lebanos os francesis
tos os mesis porhos servicius y mentras tantu nosotrus siguimus discutindu.
Pa mey amigu Jose luis nunho tomis porha tremenda o digu porque ey
tamen vivu enho norti y aqui solu se escuta NO HA LOS PANTANOS pero si
a los regadios un veisu forti pa ti y pa tua mullel.
PA TOS OS MAÑEGUS DE ESTI MUNDU UN FORTI ABRAZU Y SOIDI PA FALA

O tema que estamus debatindu nun é sobre os pros/contra
das Centrais Nucleais, éstas ya existin. Si non sobre os
cementerius Nucleais (ATC).
España é o únicu pais da UE que nun ten un sistema centralizau
pa os residius que generan as Centrais. Os actuais depósitus
gestionaus por as Compñias Electricas están saturaus, éstis
residuos radiactivus con gran potencial energéticu pretendin
investigalo pa un posible reutilización.
Os cementerius nucleais que se van a construir
son temporais pa unhos 60 anus,logu vendrán os definitivus.
Hay quin opina que as Compañias Eléctricas gañorin en a negociación
con o actual Gobernu dibiu a que seremus os contribuyentis os paguemus
a factura da construcción de estis cementerius.
¿Alguin me puiría informar sobre istu?

¿Qué opinan os cientificus sobre que zona/lugar é millor/pior
a sua ubicación? Están calaus.

Y agora falar pur falar:En San Martín, tranquilus, nun siría pusibli:
¿Dispon o ayuntamientu de 25 Ha. de terrenu en o llanu?
Está claro, que os baldius sirían altamenti rentablis
si se ubicara o ATC ¡Ojo! falu de rentabiliai que nun se
me malinterpreti.¿Cuántas Ha. tenin os Baldius?

bos días y bo fin de semana.

Amigu U.M.O. ei tamen vivu en ho norti ,en-a misma zona que alfena y nun oibu na sobris hos pantanus ,me suponhu que tu viviras por navarra .Por desgracia dondi ei vivu temus bastanti contaminacion y por isu piu que en o lugal sie pusibli se respeti a naturaleda que temus ,que hasta que num estamus fora num nos damus conta deo que temus ,que da gustu dil por ho campu y que te cheiri TO,(esque hasta o minimu pau te cheira )y haqui isu nun pasa. Pensu que si oitrus pueblus de españa estan deacordu ala elis ,pero si tedigu que comufora en san martin num me gustaria . Amigu chenchu nun des ideas mira que son capa de sacar( as HA )pol algun lau ,mira que to poi se pusibli si querin algu-os/as . Buen que pasei bo dia .

En Cartas al director do Diariu "EL PAIS"

¿Algún criterio científico?

ANA CRESPO-BLANC (Presidenta de la Sociedad Geológica de España) - Granada - 01/02/2010

Como si de una subasta se tratase, otro pueblo se acaba de sumar a la carrera entre municipios para albergar un "almacén temporal centralizado" de residuos nucleares. Se supone que este almacén es una instalación industrial, que no requiere características específicas del terreno en el que se ubique. No obstante, está previsto que este almacén funcione como tal un mínimo de 60 años.

Además, la peligrosidad de lo que allí se guardará (residuos de media y alta radioactividad), debería implicar que su ubicación siga algún criterio científico, en particular, geológico. La estabilidad del terreno, el conocimiento del subsuelo, la permeabilidad de los sedimentos y rocas alrededor del almacén, o los riesgos sísmicos del entorno, deberían de dictar la localización del futuro silo nuclear, y no sólo las opiniones de unos políticos que, de manera general, no suelen pensar más allá que el tiempo que dura una legislatura, 15 veces menos que la del almacén.

Es un asunto demasiado serio para no seguir un criterio científico...

Boas tardis