San Martín de Trevejo - Caceres

De verbus y otras coisas

Fai un ratu esta mañán
de entrar en o foru acabu,
y obserbu qu´esi furista
que se fai chamal Milanu
por os verbus regularis
anda o homi preocupáu.

Sin sel doctu en a materia,
a vel si o entreteñu un ratu:
porque ademáis de esis verbus,
otrus mutus he encontráu:

O verbu almodal: “almodu”,
codel, colal, ¿comprobamus?,
apostal, chovel, custal,
forzal, torcel, ¿te vai soandu?

Esis verbus, que te digu
cuandu van en castellanu,
verbus son irregularis,
cumu Chenchu t`a ha explicáu.

Volvu a esforzalmi y te contu,
Q´otrus maís he díu encontrandu:
aprobal, avergonzal,
tostal, soñal poicu ratu,
renoval, xiugal,mostral
roal por a calli abaxiu.

Conduditi por a vía
a os maioris recordandu.
Troal, volal o volcal,
tampoicu son latinajus

Quizá mais puiría escribil
si en os miolus escarbu,
mais nun te queru cansal
y alogu te dé un empachu

Aproveitandu estas rimas
que en esta mañán as faiu,
a mutus en esti foru
quisiera dil saluandu:
A nova furista: Gina
que fai poicu que ha chegáu
y que vivi con Antoñu,
en o país australianu.
Y a Vani, que p´a Aragón
bô fríu que estará pasandu.

Y a Chitu y a sua mullel,
a sei novu netu: Carlus
y a esi paxiaru que vola
p´alí pó Mediterráneu,
y a Maruja sua mullel
que nos deleita con cantus.

En terras de doña Urraca
a Fontinova saluámus,
a o Muñu que está en Mairil,
y a Nachitu o de Bilbáu.

Y a Figueira y a Anduriña
y a Cana que chaman Pacu
y a os Domínguez meis parentis
que están en terra de “galus”.

Tamén queru salual
a o dagal de tíu Rosariu,
Fincacha que, creu que tén
boas naranxias en o campu.

A Indanunse y Salgueiral
que nos mandan bôs retratus.
Y ¡cúmu non! a mye
nun queru pasal de largu.

Queru salual a Chenchu
maestru de castellanu;
y a triki-triki tamén
porque hay que sel educáus.

Nun queru que se me pasi
salual a o amigu Saltu,
y a sua mullel y a dagala
que vivi en terra de charrus.

Hay mutus que nun coñozu:
Carunchela y otrus varius,
A Macama y a Cachina,
pâ tôs vos mandu un abrazu.

Y en Mairil está Chalrrieira
que pensará que me ulviáu,
fai mutu que nun escribis,
¿ estarás quizá viaxiandu?.

Y a Xálima, mei parenti
y que vivi pâ aquí a o láu;
si nun o tropezó prontu
que se dé por saluáu.

Y si algún me quea p´atrás
nun ha síu intenciónau;
as neuronas con os anus
sin duda que habrán mermáu.

Y a os que miran esti foru
y que pâ escribil son vagus
nun tenin máis que acordalsi
d´o que insinó don Ciprianu,
quizá doña Felicitas,
don Carmelu o don Santiagu.
Machacón, u otrus maestrus
ademáis d´os que he citáu.

Que p´a escribil en mañegu
nun fai falta niñún tratu:
poñelti en o ordenaol
y eitali ganas un ratu.


Son coisas que se m´han ocurríu esta mañán.
Repitu, hé pùsibli que se ma haia ulviáu algún. Agô me voy a misa, y si me acordu demáis os poñu, si non m´o ideis.
Forti abrazu.

B_RODAS

Gracias brodas pol esas rimas tan boas que fais ,ei tanpocu tenhu o gustu de conhocelti aunque se quin eris ,ha quin si conhozu y bastanti ha tei hermanu SILU ,antanhu um-a servidora yuntu con meis hermanus y tei primu pacu le reculhiamus ha adituna ,(bueno isu fai mutus anus ),abel si pa proxima que balla o lugal cuincidimus y lla nos conhoceremus ,tu sigui deleitandunus con esis versus tan guapus que fais ,que por lomenus animas o foru . soidi pa tos y ha fala .

Gustan esas ocurrencias y por que acabu de lel os versus agora, ago tos agradezu y te invitu a que nos sigas deleitandu ca ve que te de gana, que, por lo menus a mi, nos gustan, repartis pa tos y a tos atendis. Te felicitu por esta nova creación, que isu e sin duda, unha creación lietaria, se miri por dondi se miri. Muta soidi pa siguil escribindu y deleitandunus y prepara algu muy especial pa a proxima festona, que ya mismu estamus en Cuaresma. Muta soidi pa tos y un saluu de Chitu

Tiña radon pa que se le dera o premiu a o millol poeta do foru a Brodas?
Buenu a vel si nos poñemus as pilas y femus de una ve os premius de o Foru,que nun tel que sel solo a un tema,a o mais solidariu,a o mais cachondu,a o de millol dialectica(Aqui ya votu por Chenchu)etc..en fin
buscal cualquel pretestu pa yuntalnus.
Que opinion tendis de os cementerius nuclearis,coñozu os de Francia,y poyu idilvus que nairi en a zona dondi estan protesta.Tamen siria interesanti que a yenti supera que compramus energia electrica a Francia,muy cara y que se produdi en centrais nuclearis,mentras que aqui nun as queremus.Me gustaria sabel a vosa opinion.
Forti abrazu

Porque asi,o foru nun s'apaga,
y o nosu dialectu se perfecciona
por esis versus tan majus ....
as gracias te damus, Brodas

Se ve que tes talentu
y o tempo, supoñu, te sobra ,
continua pues ,de sorprendernus,
y con versus, quitanus esta modorra

U salu pa tos
y a ben vinda pa Gina, que escribi desde Australia
Anduriña

Amigu Brodas:Ya se han ayantrau tos y ya te han ditu to que se poi idir,solu que sigas asi mutus anus,deleitandonus con esas rimas que tamben sabis fer,y prepara algu pa nova Festona,si e que se anima o personal,nosotrus siguimus animaus y dispostus pa o que sea.Gracias por o ratu tan bo que me has feitu pasar lendo esis versus tam bos.
Un saludu pa ti y pa tos os de oforu y comu sempris AUPA a FALA.
Elsalto

Nun amigu Saltu, por mutu que se diga de Brodas, nunca será suficenti.
Esti homi ten o don de sorprendelnus. Dos verbus do Milanu a os versus de Brodas, pasandu por o foru con a faciliai que ten de metel a caissi tos. Si se ulvió de algún, ei diría que e purque fai algún tempu que nun asoman o fudicu.
Si amigu Brodas, estó mu contentu de que me saquis en teis versus y a Maruja se lo he tiu que imprimil porque quel insinalo a suas amistais.
Ia fai mutu tempu, un día en Barcelona cuandu Moncho Borrajo empezaba a tel fama, fomus a velu a sala de festas en que traballaba, Don Chucho.
Le preguntaba tres palabras a tres persoas do públicu i te feia unha canció i ta cantaba con sua guitarra. Comu Brodas -Verbus do Milanu-
Comu didi Chitu, prepara algu pa "Festona".
Muñu, tu ya sabis o que tes que preparal...........


Forti abrazu.

Me gusta entral enho foru pero en especial oixi cuandu he liu to que ha escritu Brodas o Fernandu ,ya fai anus que nun nos bemus,sigui escribindu asina que istu e vo,porque cuandu empezan a falal de pulitica
me empezan a restralal os dentis y me teñu que sel deho foru.
gracias fernandu
SOIDI
VANI

Broda tamen chunita quer desearti mutus anus de via pa que poyas siguir escrivindu estas coiyas tan lindas que atos nos a gustau tantu FERDANDU ami mea estrañau que de chunita nun te ayas acordau te perdonu y ben perdonau . Porque fay un anu cuandu fidemus as boas de Oiru nos escrivistis una poisia muy linda que a guuardu comu recordu .Tu recordaras que en a plaza de ho nosu lugar te chami y tedi un beiyu en agradizimentu . Ferdandu le vas ho apilliu de homei homi gracias y SOIDI patos chunita

ESTRAMBOTE

Me poéis colgal d´un-ha antena;
caixi cumu a aquel pirata,
por habel mitíu a pata.
Garrafal ha síu a faena,
de deixal p´atrás a Alfena
Y por ulvialmi a O Parral,
que nos ven a delital
con exquititus escritus.
¡Chunita¡: con esti escritu
tamén vos queru salual.

B_RODAS

Bos dias a tos os furistas, expecialmenti a Fernandu que me alegro a vista esta mañan con esis versus tan ben feitus,soidi pa siguir escribindu mutus anus esis versus que nos deleitan a vista, nun te teñu en conta que te ulviaras de mi, isu he algu impensabli por que tes perdon tendu en conta que nun te pois acordar de tos, o importanti he que eris un bo mañegu y os versus son en ha nosa fala.Bueno, que paseis un bo dia tos, por aqui esta empezandu a nevar, esperemus que nun cualli.....desde Betxi a cepa, agora batuecas ya que o foru nun me deisa entrar con o anterior...........SOIDI A FALA

Teñu un poicu de tempu ya que oixi me toca descansal.
Pos pa dali rollu o foru ya que nun se poi deisal.
Copiandu un poicu do nosu amigu Brodas que escribi sin paral.
Me coñocis de sempris pero mutus anus sin falal.
pos Te teñu que currigil ya que en a terra dos galus nun me foy a paral.
Acabi en o pais do chocolati que naidi o poi desprecial...........
Ya esta!!!ya nun se me ocurri mais,hera solu por idil algu!!!
Aprobeitu pa salual a tos y que nun para de neval y fay mutu friu.
Dondi andara Chalrrieira que o eitu en falta en o foru ya que escribi sempris???'
Soidi a fala.
A figueira.

Muy bos os versus de Brodas, y se agradeci o tei recordu.
Con elis le das un toqui especial a esti foru, y o importanti e que a través de el poemus estar en contactu, intercambiar opiniós y pasal un ratu agradabli.
Ei me imaginu a tos os que están fora do lugal que en cuantu chegan a caxa, poñelsi a ver que pasa poro lugal, que noveáis hay y que fotus han mandau, pos tamen e muy agradabli encontrarsi con estis versus dondi entramus tos, inclusu pa os que solu entran a lel, así que desde o lugal a tos vos deseu muta soidi y cumu non pa nosa Fala que ten que sigui pa iantri.

A figueira, nun se te dan mal esi avanci dos versus jajaja.

mye