San Martín de Trevejo - Caceres

Sin acritú, y con ánimu de identificalo vaya istu dedicáu a

O MILANU

Apareci en o Foru o tal “milanu”
que nun dexia de sel agó un “presuntu”;
pur isu, compañeiru, te preguntu
si estudiastis, tal vé, con don Ciprianu.

Meiu siglu, que son cincuenta anus,
ya fai tempu cumplistis, o barruntu.
Pero nun nos desviemus d´esti asuntu,
con historias de tirius y troyanus.

Poicas coisas sabemus de tua infancia
Nun sabemus si fostis monaguillu,
Ei pensu que estuvéstis tú por Francia.

Desde fora pareci tô sincillu;
puera sel que se dera a circunstancia
que resulti o milanu ser pardillu (*)


(*) Pardillo: Ave del orden de las Paseriformes, de unos catorce centímetros desde la punta del pico hasta el extremo de la cola y dos decímetros y medio de envergadura, plumaje de color pardo rojizo en general, negruzco en las alas y la cola, manchado de blanco en el arranque de ésta y en las remeras extremas, carmesí en la cabeza y en el pecho, y blanco en el abdomen. La hembra tiene colores menos vivos. Es uno de los pájaros más lindos de España, se alimenta de semillas, principalmente de linaza y cañamones, canta bien y se domestica con facilidad. (De la R.A.E.)

Otra nota:
Según aporta o contertuliu Chalrrieira: Carmin “a viyúa”, cumu era cunhucía, vivía en a praza, y, apuntu ei: tinha parentescu con un d´os arcardis d´a época: Jerónimu.
Tal vé fora esa a circunstancia de que nun nos dexiaran xugal en a praza con a pelota.
A mí, quizá algu maiol que "o milanu", sí que me tocó varias vedis esi asuntu d´a pelota, agraváu por aquilu de que “encima está estudiandu pâ cura”.
Cosas veredes, amigo Sancho,que diría o utru.
Boas tardis
B_RODAS

Boos dias, Foristas, Mañegas y Mañegus.
Estimau Contertuliu Brodas: Que ei sepa, a Viyúa nun era familia de D. Jerónimu o que foi Alcaldi; únicamenti que eran Castellanus os dois y pol isu tal vez se tiñan mais afectu.
En cuantu yugal a pelota en a plaza. Ei recordu que quin se mitia mais con nosutrus eran as Pestanas, que vivian detrás de o Campanariu, porque diban a pol agua a o pilón de a plaza y le tirábamus o cántaru y claru se enfaban mutu; pa zona de a plaza dondi vivía a Viyúa, nun yugábamus mutu, mais era de o arroyo palá dondi o Campanariu.
Está muy ben esta poesia amigu Brodas.
Soidi a Fala, Mañegas y Mañegus.
Chalrrieira.

Boas noitis

O Milanu, está mui contentu de que le faian versus, está lleno de satisfacción. Mutas gracias
O Milanu a estau fora de sei domiciliu unos días, pur isu e que nun a contestáu.
O Milanu, dispois de mutus anus sin volar por os vallis mañegus aún ten serias dificultais pa os vuelus largus, as mismas que ten pa escribir en mañegu.
A causa de os anus que ha estau fora de Sa Martín, ten mutas mais faciliais, pa escribil en lengua castellana.
No obstanti, poi asegural, que, efectivamenti, ya nun cumpli os cincuenta anus, (porque ten mais), que a casa de sus pairis estaba, de o regatu pa alá, por o que estaba fora de os que diban a escuela de don Ciprianu.
O Milanu, en o sintíu de traballar, nun o a feitu en Francia, aunque puera habel estau en esi país en alguna ocasión.
Siguindu as preguntas de Brodas, referentis a o Muñu, o Milanu, tampoicu coñoci a O Camiñu, y por tantu, nun poi sabel a profesión de esi señol y a relación que teña con a sua. Tampoicu ten muta seguriai de sabel quin é Brodas, aunque ten alguna sospecha. O Milanu leva poicu tempu participando en esti Foru.
Como se dice aquí:
SOIDI A FALA
O Milanu

Tres asuntus a comental
.
a. Magníficu o trabalhu o documentu que nos aporta Nachitu, referenti a Xálima. Minhas felicitaciós.

b. Ignoru, dispois de toas as aportaciós y pistas quin poia sel O MUÑU, pero, pa Chitu y demáis, poéis, en principiu, contal cunmigu pâ o cordeiru o cordeirus.A vel si me acercu por Andalucía, antis de esa festa y me traiu algún finu o algun-ha manzanilla, que nos poamus metel entre peitu y esparda.

c. Pa o Milanu (tampocu sé quin poi sel): lamentu que nun sepas quin soi ei, pero "brancu, migáu y concucharis alreol", si alá por os anus sesenta, xuígábamus en a praza a o balón, y estaba en o Seminariu de Coria: tú mismu. Tampocu éramus mutus os que reuníamus esas condiciôs.

d. (A o final sai otru asuntu). Pa Chalrrieira: Nun alcanzu a sabel o parentescu que pueran tel, (si é que o tinhan), o señol Jerónimu y a señora Carmen "a viyúa". Foi un-ha pequena deducción, porque un se chamaba Jerónimo Alvarez Hidalgo, y ela era viyúa de Juliu Hidalgu. Tal vé foraesaconincidencia de HIDALGUS, de apillíus, o que me levó a esa conclusión. Bueno, salvu chalrreal un ratu, nun ten maiol importancia.
BÔS DÍAS ("nos dé Dios", que "remataria" don Eduardu)

B_RODAS

Dispois de tel escritu istu, me encuntrí esta nuticia en Internet,
por si vos interesa, en esti enlaci está:

https://ww.elperiodicoextremadura.com/noticias/noticia.asp?pkid=403366

¿Alguin do foru sabi algu máis de istu?

Boos dias Foristas, Mañegas y Mañegus.
Estimau amigu Brodas: Pusiblimenti teñan algún parentescu, pero ei nun o sé; quizás o apelliu "Hidalgu", teña que vel algu, pero ei repitu nun o sé.
En cuantu a Noticia de aparecer "restus" en o Conventu de o Lugal; debi sel interesanti, porque poera sel de Pairis Franciscanus que fallician antigüamenti y os enterraban aei.
Mentras duró o Colegio del Inmaculado Corazón de Maria -10 anus- anus 1950-1960 mais o menus, nun se supu de que fallecera niñun Cura ni tampocu Seminaristas; sólu recordu que unha vé foran de excursión pa Serra y se rompei a perna un Seminarista.
En cuantu a o Corderitu; ei sintíndo mutu, nun poiré acercarmi pol esis dias a o Lugal y reunirmi con toos vosotrus; salvu causa de forza mayol.Soidi a Fala, Mañegas y Mañegus.
Chalrrieira.

A nuticia que acabu de leel e que son "restus arqueológicus", nun "restus humanus", isu e mais interesanti de o que ei pensaba. Será vo visitalo y comprobalo.
Soidi a Fala, Mañegas y Mañegus.
Chalrrieira.

El convento de San Miguel, fundado por recomendación de San Francisco de Asís que al pasar por el alto de Santa Clara y ver el sitio (año 1214), la Tradición dice que le señaló el Santo donde habría de hacerse el covento. En el año 1454 el papa Nicolas II autorizó la construcción del convento que conocemos actualmente y donde ya funcionaría algún emeritazgo mantenido por la tradición...
Estimau Brodas: nun se as obras que han feitu y nun se exactamenti dondi han encontrau esis restus, ben poera sel a o Ermitazgu que ya habia. Segun Esti datu o Coventu de San Miguel se fidu sobri esa Ermita.
En cuantu a identiai do Muñu, cumu ya se dau por derrotau y así o casu quea "cerrau" se chama
Enriqui García, y comu Chitu por parti de mairi, he primu hermanu mei pòr parti de pairi.
Hay que poñelsi de acordu pa a fecha pa que a genti poa idel si se conta con ela; o sitiu ya Chitu nos didi que nun hay problema de aforu.O Saltu que está en o lugal nos ten que idil dondi asa(n) o(s) curdeirus, Foti Nova sabi dondi eitali man, y logu se dividi entri os homis (me referu a oiñeiru) y despois ( presumu, de pasal un gran dia) le queamus a boiga limpa comu unha patena, nos damus unhos beixus y queamus pa agostu o pa o anu que ven
To istu o ten cordinal unha persoa, a que se le teña que dal conta dos das gestiós que se van fendu. Propoñu a Chitu.
Peru ten que sel ya. Que teñu que dil anandu y logu teñu que agarral o AVI,purque pa volal inda nun estó en condiciós. Miraré a vel si o Milanu me acerca en un vulíu.¡ Ah, a sobrasada pa fel boca y as ensaimás pa postri!.
Tamen felicitu a Nachitu pol suas investigaciós.
Chalrieira: Sentu mutu que nun poas vil, e unha excelenti acasió pa volvelnus a vel o coñocelnus.
Forti abrazu.

"ya funfionaria algun emeritazgo"....... Ei habia leiu ermitazgu relacionau co algunha ermita, peru me doy conta que se ten que refiril algun sitiu de reposu pa os frailis (emeritus).
Beuno, ya nos o contaran os que estudin os restus.
Me gusta sabel o que pasó, peru vivu en o presenti y estaba pensanda mais en os curdeirus...
Forti abrazu.

Boos dias Foristas Mañegus y Mañegas:
Ben vindu estimau Muñu. Te voi a contal duas coisas de tei Agüelu y teis pairis que quizás tú nun o sepas.
Ya sabemus un poicu a historia de tei Pairi.Pues tei Agüelu, cumu nun tiña aparatu de radiu pol os anus 1950, estuvu escutandu en o de a casa de mei Pairi, que si tíñamus, cualis eran os que viñan en o barcu ¿Semíramis?. Cuandu disieran o nomi de tei Pairi, tei Agüelu y mei Pairi se emocionorin y se abrazorin. ¿Intindiu?.Primeira coisa.
Segunda coisa.Unha tardi de Dumingu, en a costa de a carreteira de San Peiru, estaban falandu, Tei Pairi, Tua Mairi y o Gatu o Cosiu (entoncis eran o quirian sel Novius) y mais o menus o Gatu o Cosiu presentaba a Tei Pairi Enriqui a Tua Mairi, comu un voo dagal; entoncis esti omi feya de boo Conselleiru.¿Entendis Enriqui?.Te ampliairia mais, pero se me acaba o espaciu. Soidi a Fala, Mañegas y Mañegus.Encantau de falal contigu amigu Muñu.
Chalrrieira.

Amigu chalrriera mutas gracias por recocordarmi coisas de meis pairis esperu coñocerti prontu.Persoas comu tu me fain querel mais Sa Martiñu nun sabis a vedis o solu que se sinti algun en esti mundu,os recordus de a terra pa mi son muy importantis.
Forti abrazu

Boos dias Foristas, Mañegas y Mañegus:
Amigu "Muñu", gracias pol contestalmi. Nun nos coñecemus de vista, porque nun hemus coincidiu en o Lugal, pero tendremus ocasión, si Dios quel, de velnus algunha vé.
Ei en un principiu te relacionaba con tei Agüelu, ó que diba toos os dias a finca de o muñu, que criaba galiñas, patus, etc..Te contaria unha coisa de os patus, pero istu e pa idelto personalmenti. Pero dentru de a familia de tua Mairi, nun sabia quén eras, porque ei levu tamen mutus anus fora de o lugal y e diu poicas vedis en o verán, que e cuandu poi dil casi toa yenti y coñocersi.
Tamen chiguí a coñocel a tua Agüela, por parti, de tei Pairi, ya que casi éramus vidiñus, pues meis Pairis tiñan a Panaderia en a Calli Corchu. Tua Agüela, entoncis, lidiaba mutu con una neta, dibiría sel prima tua.Soidi a Fala, Mañegas y Mañegus.Un abrazu "Muñu".
Chalrrieira.

Estimau Chalrrieira:
O Munhu desdi um principiu do mutas pistas, eno fondu quiria que
superamus quin era, isu me pareci a mi.
Ei tenhu vivencias cum él cuandu eramus pequenus, xugabamus ena porta
de sua casa cum um'os soldaus alemás culol gris plateau, que suponhu se los treia sei pairi.
Pur entoncis sei bisagüelu, tiu Pantaleón, tinha 82 anus, asi nos o dixu um dia pintandu eno solu esta cifra cum um pau.
Sua güela materna era tia Chon, filha de tiu Pantaleón, m'acordu de um'a
tia agúela d'el que estuvu mutus anus en Argentina, Santiaga, guapisima
tuvu que sel de xiovin, ia que ei a cunhuci de maiol i cumu se didi, o
que tuvu retuvu, sua mairi tamén era mui guapa.
Tiu Luis O Ferreiru le gastaba bromas a Enrriqui, m'a cordu quena porta
da cocheira entalaba um'a peseta en um'a rachela i le idia, si a tiras
cum'a cabeza pa tí, eitaba carreira i ganhaba o premiu.
Fai mutus anus que num nos vemus, esperu que cum tô istu sepa quin soi,
ei tamén o apreciu, ia de pequenu era grandón, peru mui nobri.
Forti abrazu pâ tôs.

Amigu Cerrumiquili:Ya veo que tes dispostu toa trama pa os corderitus,ei faire gestios pa ver a forma de asalos,ya que os fornus ya nun funcionan en esi comitiu,pero ya le daremus algua soluccion.Creu comu tu que mais o menus se dibia de fijar a fecha para que caun faya seis plas de viayi y demais. De momentu me encontru fora de o lugar,estoy pasandu un os dias en Torrelavega (Cantabria),con o fillu pero regresu prontu.De pasu salu a tos os foristas ,nun estoy muy o corrieni de o Foru pero ya cuandu este en San Martin os contaré o que haya de novu por o lugar. Un salu pa tos y comu sempris Aupa a Fala.
El Salto

Ya te eitaba de menus y de acordu con o que didis, he necesariu que dentru de esti mes, se confirmi quin vay a dil y, sobre to, a fecha, ei idia que a ultima semana de diciembri nun era ma, en fin de semana, antis de que acabi o anu pa facilital a presencia de aquelis que nun disponin de dias laborablis, por isu o ultimu sabau o ultimu dumingu poi sel bo pa dil fijandu coisas. Hay que sabel o numeru de comensais pa sabel os kilus de carni que hay que asal y algunha coisa antis de meteli man a carni. Ya contamus con o "honoris" y, según o Muñu, creu, que con as copas, asi que hay que dil cerrandu capitulus. Ya sabis El Salto, cuando estés en o lugal, nos didis os teis progresus. ¡AH! hay que desenmascaral a Milanu, asi que Tribuleti, ¡A traballal !Soidi a Fala y un Saluu pa tos. Chitu

Nussotrus, a cuairilha, eno verán femus algum'a d'estas i vamus As Elhas
ao fornu que esta a entrá pur cima da discoteca, nurmalmenti le compramus o pan purque nunca nus quel cobral ná.
A fecha que di Chitu me pareci boa, tamén e bo o primel fin de semán
do ano novu, algum'os trendran ponti hasta despois dos Reis.
Pueis cuntal cunmigu na fecha que sea, esis dias andu ia máis sosegau de trabalhu, ia estan vindius i entregaus os caramelus pâs Cabalgatas.
O cava cumu o prifiris, brut nature tradicional o brut nature Chardonnay, a gustu de vossas mersedes, sin probrema, poeis cuntal cum o que querais, vai mui ben cum'a carni tamén.
Algu máis habrá, peru istu se sabrá en sei mumentu.
Soidi pâ tôs.

Tomu notade a pista, As ellas está a un pasu, si o cava e tan bo como o que me regalastis, nun hay duda de que disfrutaremus. A mi me gusta como aperitivu, aunque nun teñu a exclusiva, tamen hay quen o toma con carni o a final da cumia, si e chardonay, millol que millol. Dibus manifestandu que istu se vay a poñel bo. Soidi pa tos y paa fala, Chitu.

Tenu acristaleria ademais de yugu de cutelus regalu bbva,teñu o viñu y teñu mutas ganas de disfrutal con meis paisanus.
Esperu concreteis a fecha pa que esten cuantus mais millol.
Forti abrazu