San Martín de Trevejo - Caceres

Ya estamus en o lunis de resaca, como chaman os sevillanus a esti lunis, y ¡jo! ¡ como esta o Foru de cardeau !. Como didi JL. aconsellandu, cuau con o que se escribi que o que se escribi se lee, por que ahei se quea y se poi restreal y aunque o que hasta agó naidi se haya sintiu tan ufindiu como pa poñel a maquina da justicia en marcha, nun quel idel que se le quentin os ferrus a cualquera y pa dal ejemplu, algun saya perjudicau.


Aunque aquí escribamus mutus con seudónimu, a mayuria cuñocemus ya a quen está detrás, por isu, os que figuran como “no registrado” o() hay que consideralos anónimus, aunque por as mas se poa indentifical a quen se queira; asi que, si os que se amparan en o anonimatu querin idel coisas fortis respectu de alguin o algu, que o fayan, faltaria mais, y si están o querin estal mitius en política, estupendu, millol, pa que sepamus quin o a quen escribin, pero que sepan a que se arriesgan si sacan os pes do cestu da moderación y o respetu a honestiai dos demais.

E muy facil falal de generaliais, idendu expresios como metel a man en a caisa o interesis que “ tos sabemus”, enchel os bulsillus o algu pariciu, y non me refieru a nairi en concretu, pero, como ya a ditu alguin en o Foru, si se coñocí a corrupción, ocultala non solu e de cobardis, convirti a quin o sabi y non o denuncia en encubriol, que e mais de tontus y mais ruin, por que o que encubri, ni e ejecutor, ni sueli percibir beneficiu algún, pero incurri en a misma resposabiliai.

Como ya pareci que estamus en “campaña”, personalmenti, a mi me pareci ben que o Foru sirva tamen pa fela, pero me gustaría, como a didu Baile, que se falara de to, nun solu de o mau que se haya puiu fel, según quen o diga, claro ; aunque tamén e verdai que si se está en a oposición, o bo nun interesa, ya resaltará os bos resultaus quen os haya feitu. Agora ben, como obligatoriamenti non hay por qué estal de un lau o de otru, a os demais, seguru, que nos interesa sabel as duas coisas por que así tendremus cuñucimentu de o balanci final.
Por isu, tantu os que están en mayoría y pretendin a reelección, como os que non o estan y querin ser elegius en mayoría, tenin, non ya o deber, sinon a obligación, de dal a coñocel, tantu o mau feitu o aquilu bo que poendu felsi se ha deisau de fel, como temén as coisas boas que se han feitu y aquelas que nun se han poiu fel por falta de colaboración o por falta de tempu. De igual maneira debin fel sabel a os electoris os logrus que querin alcanzal y as milloras que pretendin si chegan a gobernal.

Me encantaría que os politicus de o lugal, plasmaran aquí os programas que levan y as coisas feitas y por fel, por que, aunque os que vivimus fora non poamus dali un votu, nos interesa, a mi por lo menus, o vía do lugal, por que o queremus y queremus o millol pa él, que se fali ben de él, que o visitin y que os visitantis transmitan na mais que as boas impresios que se levin, por que solu sean esas as que teñan, que algu queará pa os que vivin constantimenti en él y que ni se imaginan siquera o orgullu y satisfacción que sintimus os que estamus fora, cuandu alguin nos didi que ha estau en o lugal y ven encantau pa ripitil.

Y agó, menus en seriu, teñu que ideli a JL que, como non se ha dau conta de que a falta de un grifu da dereita ten un significau electoral subliminal. ¡A dereita ni agua!. ¿Qué te pareci?

Na mais, que teñu atrasu de coisas. Soidi pa tos y pa fala y un salu de Chitu

Totalmenti de a cordu con as sugerencias i consellus sempris acertaus de Chitu, pero a duda sempreis persisti, poñamus o caxu, toos sabemos (por ejemplo) que o saltarse un STOP esta prohibui, si to saltas i nun te pescan ¿????? Quin e que nun se asaltau algun ¿????,
Ha unhos anos que a agua de o riu nun vaxa mui clara, por desgracia e asi, o ciudadano de a pe nun tem meyus pa poel analizala.
Un saluu. JL.