San Martín de Trevejo - Caceres

Dispois de esti parentesis vacacional en o que hemus puiu disfrutal do lugal y sua xenti, hemus tiu a placer de tel contactu con amigus do foru dispous de recoñocelos, como me paso con Alfena y sua encantaora mullel, y con o deseu de que tos hayais chegau o chegueis a vosas casas con soidi y sin noveai, entru de novu aquí, dispois de habelmi pasau un bo ratu lendu o que se ha escritu.

Hay pa tos un poicu, empezandu por Morala, que se pasó tres lugaris escribindu esa injustificá crítica, creu que sin reflexional ben o que idia, y a que ya se la ha contestau cumpliamenti por componentes de esti foru y ei suscribu. Igual que suscribu o que didi Chenchu, con relación a que, me pareci a mi, desafortuna intervención de nosu Alcaldi publicamenti o dia de a clausura das estupendas festas que hemus disfrutau, confundindu o to por a parti, cuando faló do foru en general, y puia habel falau solu de unha persoa anónima que, ademais, foi contestá por a mayuria de nosotrus cumpliamenti. Asi que debi telo en conta, ya que le chagan nuticias de esti foru puntualmenti y a pesal de que cuandu o critican injustificamenti o defendemus, nun que sabel na de o foru, que nun de os componentis pues ei me preciu de tel muy booa relación de amistai con él.

Me quea idel, unha ve mais, que ei nun contestu a os anonimus entendendu por tal a aquel que escribi cono “no registrado” y nun firma, aunque sea con seudónimu y o “ADMINISTRAOL A PESAL DE QUE TOS ESTAMUS IDENTIFICAUS EN CUALQUEL MOMENTU NUN DIBIA PUBLICAL MENSAGIS DE NUN REGISTRAUS SIN FIRMA” ( istu e pa él).

Solu me que idel que a mi tampocu me gustan as capeas, esas que de taurinu tenin poicu, pero si a mayoría quel que se gasti iñeuru en isu, con nun dil, como fagu ei, ya está, a pesal de que pensi que otru tipu de espectáculu de disfruti geneal, como teatru, o un pasacallis de unha banda de musicus en condiciós etec. o cualquel otra coisa, ya que temus mutas en os dias que se dedican as festas, nun estaría mal, en cualquel casu, ben por as festas y enhorabuena pa os que traballorin en elas, mal, muy mal por a mantenimentu dos macetos que estropean a nosa plaza y por os cochis que parca alí. Soidi pa a fala y muta pa tos, Chitu

O xiovis dia vintiseti foran ao Lugal tres reporteirus a grabal pâ canal
Extremaura sobri a Fala, esti programa s'imiti os lunis i queorin en
avisal ao axuntamentu pâ qu'eitara um bandu de informació.
Pora manhán Mingu subi ao campanariu cum elis i alí informó sobre a historia do mesmu, graborin tertulias ena praza ena Fala i despois
Felix O Macachu nos invito a sua pichorra, siguimus falandu en manhegu
hasta que despois de cuatru vinhus um dos dagais causo baixa, pos nos
saco um vinhu de tres anus que se deixaba querel, isu que se acompanho
de bô salchichón de tripa que despertaba os sintius.
Se foran p'As Elhas i logu a Valverdi cum a intencion de xiuntal duas persoas de ca lugal i fel as seis da tardi um coloquiu sobri o tema
da Fala enos tres lugaris.
As seis en puntu vinheran cun um representanti de Valverdi, naidi
d'As Elhas i de Sâ Martin en principiu solu ei, máis tardi cunsiguimus
que Máximu estuvera presenti, me levanti antis de grabal sulicitandu
presencia a varius que estaban vendu xiugal as cartas cum gran disilusión pur minha parti, eran xienti prepará i num les vi ganas de
ná, asi num vamus a ninhum'a parti.
Tô que se faló foi en castelhanu pâ que xienti cumu Morala nos poera
entendel, peru qu'entendan tamén que desdi qu'os mininus estan eno
ventri da mairi ia estan uivindu o manhegu, qu'as primeiras palabras
qu'aprendin son en manhegu i solu cuandu van a escuela cum cuatru anus
aprendi o castelhanu, num quea duda da lengua materna.
Máximu informo do proiectu de um museu Etnográficu pâ o cual s'han
comprau um'as casas pegas ao campanariu, as aixuas estan sulicitas
io tema esta en marcha, vos contu istu num cumu propaganda pulitica
máis ven cumu qu'a Fala se esta potenciandu de varias formas.
O brochi de tô foi qu'a dagala dos Arcus canto um'a canción moderna
tradudia ao valverdeiru, me gusto mutu purque o fidu mui ben.
Soidi pâ tôs qu'a Fala sigui viva.

Esti e un foru Mañegu y cumu tal, poi participar o Sr. Alcaldi, Maximin y cualquer viduñu. Ei cumu nun estuvi en estas Festas en o Lugal, sintindu mutu, queru sabel o que disiu o sr. Alcaldi, sobre esti Foru, porque ei escribu mutu y queru sabel a crítica o comentarios que ha feitu verbalmenti.
Creu que si a noticia se comentó en esti Foru, debi o Sr. Alcaldi dal cumplía resposta de o asunto que se haya treidu entre más, pa que os do Foru nos enteiremus.
Soidi a Fala.
Chalrrieira.

Amigu Chalrrieira. Pa informarti ben, conven que leas o que didi Chenchu y o que idia un " no registrado" com ocasión de fel un comentariu sobre a falta de agua en lo lugal. A coisa ven por que o dia de a clausura das festas, o Alcaldi comentó, mais o menus por que nun o uivi ben, que en o Foru se habia ditu que a pesal de a falta de agua a sua pisicina estaba chea etec. Ya sabis que se le replico a esi anonimu que idia isu y ago Chechu afea que se aoproveitara un actu publicu pa idel o que se disu con caractir general, ya que non foy asina, solu foi unha persoa o que falo aquilu y se le recriminó. Por otra parti tampoco foi algu que atentara contra naidi sinon que nun nos gusta que se diga que o foru ha ditu algu que comento unha persoa en concretu y que ademais no estaba indentifica ni con firma, por que nun usaba ni seudónimu como feimus os demais. Na mais, Un saluu y soidi a Fala.Chitu