San Martín de Trevejo - Caceres

Amigu Brodas:

Comu sempris,é un-ha godá leel os teis versus. Agora; te ha seidu un-ha seria cumpitiora "Anduriña" – gran manhega-.

-Si,si!!. .Riití do lumbagu!

-Comu diríamus en o máis puru estilu manhegu: " ¡¡ Collós!!- hé estau mui juíu!."

Claru está; que o ayuntamentu me ha féitu póicu caxu. Esta, é, a máquina que he dissenhau con intención de leval o Lugal,comu en sei día cumintí, i dondi tamén implicaba o ayuntamentu – tampocu entoncis demostró interés-. Aquí,cabría aquela frassi bíblica: "A péira,que os constructoris dexeitorin,en péira angular s’ha cunvirtíu".

"ESCRITU DE ANDURINHA" fecha : 21/10/06."¡¡¡ Nun te desanimis,amigu Fontinova,hai que insistil en o asuntu!!!".

- Me tocastis a fibra andurinha!!. Empicí a trabalhal en o disenhu d’ela en os ratus libris; hasta chegal a que cumplira as minhas exigéncias. Aquí,sirvía de forma totalmenti automática, caramelus de tres saboris distintus- a eligir- . Da misma forma, hubera sirvíu essis arrepelaus i turrós que nos muestras i que tenin que estal exquissitus.

Durante os dias: vinti,vintiún i vintidois de marzu,se han celebrau en o pabellón de "IFEMA" (Zamora) un- has xornás de formación professional ;organizás por a xunta de Castilla y León. Estas xornás, están orientás a motival os estudiantis que quéiran optal por a formación – nun universitaria- . "Son, especialiais con muta demanda en o mercau laboral",-faltan técnicus -.

Pues ben, os da xunta,me piran: que, "comu centru,dondi se impartin classis de técnica";habel si puía colaboral .(Cóixa,que he féitu encantau). ¡ Ná he cobrau por istu! , a unica exigencia i condición por minha parti,foi : ponhel un-has fotografías das callis do Lugal repartias por a máquina, (dessas,que voxotrus ponheis en o foru). "¡¡ OJO!!" (Sin colchós).

Os questamus fora; tamén nos gusta fel algu por o "Lugal" cuandu a ocaxión se prexenta.(Lástima,que nun poya fel mais).

Comu esta fotu , nun está directamente relacioná con o Lugal. Le he ditu o admín.,que a ponha en a minha galiría personal. (Si alguin ten interés,alí se poi vel).

Un abrazu i sóidi, FONTI NOVA

P.D. Dibíu a o éxitu que tuvu; esta fotu, a puixeran en a " portá" do periódicu "El Norte de Castilla" (21/03/07).

A Fontinova isi te mandu, a miña felicitacion,
que as creau unha maquina,unha super invencion.!!!
Ei, muy ben viria, a maquinita esa, en o lugal,
pos sendu tu mañegu, he logicu ,
que en San Martin,d'ela poeramus disfrutal.
!Ya me imaginu ei, que por un euru,
a maquina te dera un arrepelau....
pos puiria sel, que hasta 'o ayuntamentu le gustara,
y que dera bo resultau....
un abrazu, y a sigil inventandu eh!!!

Anduriña

Un salu pa Cerrumiquili,tes radon istu s'anima ..seguru qué é a primavera..y o sol
un abrazu pa t@s y soidi