San Martín de Trevejo - Caceres

De um tempu a esta parti venhu vendu escritus no foru, que sin critical
sei sintiu pos a libertai e de tôs, me preocupa a falta de interes en
escribil en manhegu o intentalo.
Si pinchamus en un buscaol a FALA se poi vel a cantiai de escritus sobri
esti tema, que en 1900 nos visitara Leiti de Vasconcelhos i otrus mais,
interesandusi pol a peculariai da noxa Fala, de que vali istu si nosotrus mismus num feimus mais que destruil o poicu que sabemus.
Me preocupa que aquelas persoas que se supon que sabin polque no Lugal s'han criau, metan palabras en castelhanu cum manhegas, hemus chegau a torri de Babel, se nus ulvia a lengua materna en cuantu estamus quindi dias fora do Lugal, lástima.
Perdoaus están os de fora, pos a naidi se le poi imponhel um'a lengua que nus e de sei interes, asina mismu poi ponhel no foru o que se le ocurra, faltaria mais, isto é de tôs.
Peru cumu idia Lalu en otru fiu, esti foru fundamentalmenti e pa cultival a Fala, asina que piu pol favol que o que sabi escriba si le ven en gana i si num pa o lhanu a Lomba.
Escribindu aprendemus um'os de otrus i poemus currigilnus nosotrus mismus, sintu idel que se me esta ulviandu o poicu que se, pos ca dia aprendu menus i voi sendu maiol pa coisas novas.
Peru as qu'aprindi, pulque ahéi m'he criau, nun se m'ulvian mentras viva, sei do Lugal cum 16 anus i num se m'ha ulviau falal, pareci que nos femus de menus pol falal o que istu e de paletus, a ignorancia num
ten perdon i a mi me da anteixu.
Veu cumu Pirata sin sel do Lugal s'esmera i escribi en manhegu, é dignu de admiración, pos sorprendi sei interes pol a noxa lengus.
¿ Noxotrus que femus ?
Um dia oivu que num temus normas, tampocu as buscamus.
Pensu que sendu um romanci do latin, ia hai otrus nesta pininsula pa vel
normas i o que nos de a gana si temus interes.
En fin, soidi a Fala mais que nunca pulque s'está perdendu a pasus agigantaus sin a mais minima preocupación pol parti de naidi.
Ahei tendis o casu de Vilamel, o que se fala agora na ten que vel cum
o que ei uivia falal a meis güelus, s'ha pirdiu o curitu.

Soidi pa tôs.

Ten toa radon Nachitu,sempri que sea pusibli dibiriamus escribil en mañegu,da igual que sea con o sin faltas de ortografia,isu nun importa,o digu porqui algunus a vedis se cortan por si metin a pata,se escribi foneticu,comu falamus,o demais da igual.
Os que nun sepan mañegu tenin o mismu dereitu a escribil en o foru,solu se pi un pequenu esforzu.A nosa tradicion y cultura esta basa en a fala,de nun sel por ela se perdiria a esencia do nosu lugal,claro esta que nun queremus que isu pasi.
Pensu inclusu que pa critical se fai millol en mañegu y de critical sabemus bastanti os mañegus,o digu sin acritu.
Comu muy ben didi Nachitu,esti foru nacei pa fomental a fala y a hermandai dos mañegus,por isu piu a tos un pequenu esforzu y que a fala siga pa mutas generacios.
A mi sempri me resulto impusibli falal con meis pairis en castellanu,soaba raru,paricia que falaba con extrañus.
Forti abrazu

José Lópi Vidal, nacei en Sa Martin o 25 de Novembri do 1847, dondi
moró hasta sua morti no anu 1930. Era subrinhu de Don Peiru Vidal
(1815-1893) que, na desamortización d'os bienis d'os franciscanus i
da encomenda de Trevelhu compró o conventu i o palaciu do Comendaol.
José era um homi inquetu i preocupau pol a lengua i a cultura manhega,
fendu um meritoriu esforzu, pol primeira vé na história, d'escribil en
manhegu. Conhocei a Leiti de Vasconcelhus no 1924, no Lugal, en um dos mutus viaixis que fidu invitau pol Don Santus Ageru pa estudial a Fala.
Se carteorin varius anus i en um'a d'elas escrita o 7 de Novembri do
1929 l'idia a Vasconcelhus: Sábi ben ó bô amigu D. Santus que si num
l'eclibí cumu vós quiriais i ei quisera, ha siu pol tel a mán inchá, da queida que tuvi na vinha, agora que poiu (aunque cum trabalhu felo),tenhu um bô godu n salualo, deseanduli godi de soidi cumu pa mi quisera i que tenha o gustu de volveloa vel no veiran do anu que ven.
O intentu d'esti homi d'escribil na Fala mereci tô respetu i recunhucimentu de tôs, tandu d'os moraoris do Val de Xálima cumu d'os estudiosus, d'esta peculial folma de falal noxa.
Asina Vasconcelhus escribí ao respectu: A Vidal cabe a honra, me parece, de haver sido o primeiro samartinhego, que escreveu alguma coisa no seu idioma natal.
Num poemus perdel istu, siria cumu perdel noxas senhas d'identiai i borral d'um prumadu toa noxa história.
Forti abrazu i soidi pa tôs.