San Martín de Trevejo - Caceres

A miña proposta de dal un premiu a o millol furista do ano en a proxima reunion do foru pareci que ya ten a primeira resposta,me refieru a Fonti Nova,el vota pol Brodas,estoy de acordu con el por tantu:BRODAS 2 VOTUS,esperu que sigais votandu a quen estimeis oportunu.
Chitu comu delegau de saraus tes que dil dandu fechas pa a proxima reunion do Foru.
Animu a que to mundo faya un esforzu por tratal de escribil en a nosa Fala,nun teñais vergonza,me poñu comu ejemplu,soy seguramenti o mais inutil escribindu en a fala.
Forti abrazu

Asi que delegau de Saraus ¿Eh? ¡Que prontu me has nombrau¡ Que sepas que istu e unha democracia y hay que voltal. y falandu de votal, claro que votu por Brodas por suas aportaciós poéticas. Soidia pa tos y pa a Fala, Un sallu de Chitu.

Nun tuvi a sorti de conversal con Cancheira através do Foru, aunque si o recordu cumu vidiñu que era de miña mairi, y de velo cuandu viña de vacaciós. Idís que tamen era muy bo con a "pluma" escribindu, a verdáis que quin ten esi don e muy bo que o ejerciti, y he muy gratu lel esas rimas.
As mismas coixas ditas con esa sencillez y soltura, con esa asociación de duas palabras, nun a to mundu se le da, por o tantu o mei votu tamen e pa Brodas.

O muñu y Chitu, nun entendu o que quel idil isu de delegau de Saraus, quizás sea algu que vosotrus solu sabéis, jajaja, pero si teñu que sabelo ya me enteiraré.

Soidi pa tos y pa Fala

mye

Me pareci muy ben que se voti por Brodas, por ser o Poeta de esti Foru. Pero tamen hay que recordar a "Cancheira" que nos fidu mutus Poemas en esti foru y que fallecei. Pues ei me inclinu por Cancheira, que o dibiriamus tel en conta; así que ei votu por "Cancheira". Ya mais ayantri tendremus tamen en conta a Brodas.Pero siria bo empezal pol o que nun nos poi idel ná.
Soidi a Fala.
Chalrrieira.

Por desgracia pa sua familia,pos seis amigus i pa esti foru.Cancheira, ia nún está entri noxotrus.Así,que difícilmenti vamus a poel nombralo o milhol furista do anu 2009.

Sin embargu,sí que poemus feli un homenaji ena proxima reunión i entrgali a familia un-ha placa conmemorativa en recunhucimentu a un bo poeta i gran manhegu.

Soidi a tos.

Fonti Nova

Aunque pa desgracia de a Familia y os furistas, nun esté Cancheira entre nosotrus, nun quel idel que nun nos acordemus de él. Pa empezal ven a nombral furista de o anu, dibiriamos recordar a "Cancheira", cumu o Primer Poeta de esti Foru. Ya vendrán os siguientes anus y votaremus por Brodas, que tamen e Poeta y está vivu (gracias a Dios) y nos poi siguil deleitandu con os seis y de esa forma poemus dali o premiu en o segundu anu.
De acordu, que a Familia de Cancheira, siria que recibiria o Recoñucimentu de haber siu nombrau o Primeiru, por nun estar aquí presenti agora.
Soidi a Fala.
Chalrrieira.

Boas noitis teñáis tôs cuantus sois:

Queru tercial en esti tema y argumentu o siguienti:

A proposta de Fincacha41, referente a fel un-ha especie de galardón, premiu, diploma, o cumu queiramus chamalo (él o chama FINCACHA DE OIRU), pero tamén cabin otrus nomis, cumu PREMIU XÁLIMA, CHITU DE HONOR, o cualquel otru, pensu que se sai dôs límitis de esti foru. Poeremus o nun poeremus estal d´acordu con a proposta (ei sí que o estoi, y desde aquí o aplaudu).
Debin sel otras organizaciôs, colectiviáis, instituciôs, quin o levin a efectu. Entre otras radôs porque esti foru nun ten entiái jurídica, nun somos niñun-ha asociación, ni organización. Sólu somus un grupu de persoas, que debatimus, chalreamus, departimus, sin niñún vínculu. É máis, a mayoría ni siquera ponin o sei nomi, si non un moti que, a vedis leva a identificación, y otras vedis non. Ei nun coñozu ni a metái dos que firman aquí.
Referenti a proposta de Muñu de recoñocel cumu furista d´o anu, en a próxima reunión que teñamus, me pareci acertá, aunque se le poi dal otru nomi.
Ei, si isu se levara a cabu, me gustaría que fora Chitu, que sempris procura casal temas, y nos estimula, a vedis, con esis EUUU.. cuandu o foru está mustiu. Sempris con sua palabra escrita aporta mutu a esti foru.
Otru que me pareci acertáu pâ nombralo siría o amigu PACU FONTINOVA, por suas aportaciôs científicas, sobre diversus temas aparicíus. (Citu de memoria: peiras de Xálima, ventán de Barara…).
Referenti a que me propoñçais a mí, que duda cabi me enchi de satisfacción, pero de niñun-ha maneira é miricíu. É aproveitáu un-ha ocasión de vel a esi Chafaril vadíu, y agô estamus mui sentimentáis con esis canus, que cumu expresa Fincacha pur primeira ve en-a historia han desiau de eital agua. Esi sentimentalismu, ha puíu influir en algun-has upiniós. Sei radonablis y pensal en tô o anu, y non en un tema particular, y en un-ha coisa un tantu impresionabli cumu esta ocasión.
Que duda cabi que, digamus, en esti terrenu xiugaba co certa ventaxia. O Chafaril sempris foi un-ha referencia pâ tôs cuantus vivíamus en a calli Os Canus (entoncis tamén se le chamaba calli Chafaril). Alí pasí miña infancia, y parti de a adolescencia. Me he queidu varias vedis pa dentro. Ni que idil ten que se, de pequenu, me mandaban enchel o barril, nun me dirían que fora a o pilón d´as Hortas, ni a o de o Forti, cumu tampoco siría normal que a un que vivira en a calli a Ciai, o mandaran a o Chafaril.
Dispoís de debatil conmigo mesmu, sobre Fontinova o sobre Chitu, propoñu, de forma solemni, que se nomi FURISTA DÔ ANU 2009, a CHITU, porque ten un méritu adicional que nunn siría bô obvial: ten un-ha pichorra con un-hos viñazus de collós.

Mañán, sábau, me daré (D.m.) un-ha volta por o lugal. Esperu velvus a algún.

Boas noitis

B_RODAS

Cualquer proposta debi ser debatia y dispois VOTAR
Que mutu critical que nun haya listas abertas en a nosa
democracia y logu aqui pecamus do mismu.
¿Se ha debatiu en profundai sobre "o millor forista do anu"?
Non, ademais ya o meru titulu tan extremau "millor forista"
¿Se ha creau a REGLAMENTACION? ¿se ha NOMBRAU un JURAU?
¿Somus suficientis foristas pa un acción de esti tipu?
sinceramenti, o veu ridiculu que desbiemus a atención de temas
mais importantis y entREmus en unha dinámica de esta índole.
Y aqui nun ten na que ver os aspectus jurídicus porque si
a mayoría do foru (ei me absteñu ya de entra) acorda que
se debe premial, pues se fai ¿quín o vai a prohibil?

Aqui toos estariamos de acordu y se diga comu se queira
me negu a TITULALO, pero "INDANUNSE" é o que nos da prestigiu
-buqui insignia- de esti FORU.

boas noitis

Ei he ditu isu,aceptu o que digáis.Que num estamus jurídicamenti asentaus o sé.Pensu que istu e coiya dun grupu de mañegus y smpatizantis,que queremus o lugal,que nos acordamus de él y que hemus tiu a sorti de coñocel un os medius que nos unis mais a toos.Que se chami fincacha de oiru,plata,bronci,Xalima,campanariu,chafaril,chitu o cebeira,me da igual.O camiñu andau,ha sirviu pa coñocelnus millol.Sabel que sin política,leyis,prevendas y reglamentus o FORU está vivu y asentau,ha siu un éxitu que toos os que habéis empezau,vos o tendis que colgal.A idea está ei.Tratala y asegurala con ritus y ceremonias,sempri me ha gustau.Enganchei o que poais.
CHALRIEIRA,me quel provocal con o tema de DON CIPRIANU.Era parenti de mei pairi.Foi sei alumnu y pur vidindai y afectu con os seis fillus,mutas vedis le diba a os recaus y subía a sua caya a leel o ABC,que adeemáis le sirvia pa matal as moscas.
En Sevilla y pur o Ayuntamentu se programorin un-as YORNAS pedagógicas y en un-as das ponencias (publicas dispois en un libru) ei
interviñi con o tema ,"La escuela que yo tuve " y ali,despertandu sonrisas y mais de un aplausu,falí de DON CIPRIANU, .Era un maestru mais da quela época.Pur sei físicu,nos ríamus de él.Tiñas un-a escuela UNITARIA con mais de cincuenta dagais (ca un de sei estilu).Dios: !Cuantas yubias y cabreus le féyamus pasal algun-os.El se difindia cha-mándunus motis,dándunus cinturonadus y se vía arroipau,pur nosus pairis que cuandu se enteiraban que nos había dau,elis tamén nos arreaban.Presumía dos milloris trajis y de dil toas tardis pa ocurral do BUTICARIU a pasear con don Eduardu.Nos pegó en aquelis anus y en aquél contextu y isu pa os mais sintius os comprendu y num dibía habel siu...pero tamén era muy traballaol ,faltaba poicu y ei que o tratí mais
afirmaría que con aquel ánimu y en otra época ,num hubera queidu en esas partis negativas que ei comu MAESTRU toa vía,as recoñozu.Pena me dó y nunca pinsí en tantu,cuandu mutus,mutus anus dispois,con dois dagais do lugal,quiyi entral en un BAR y se me foran patras a o vel a un compañeiru y me disieran:e que dondi esté esi homi num entramus-
A nosa Profesión y sobre too antis,ha siu muy dura .Pasa mais fomi que un Maestru de Escuela.Hoiyi pur falta de recoñocimentu y apoyu da sociai estamus en o candeleiru.Ei vos aseguru que si volvera a escoller,vulviría a ser Maestru.Sevilla ten mutus Monumentus,cuandu me jubili as Autoriais le pii un MONUMENTO AL MAESTRO.A os dois anus en bronci,un pupitri con dois asentus,ocupau un pur un-a dagalita y o otru badiu con pizarra y maestru de pe,están pa sempri en o parqui de o ALAMILLU.O tinteiru y a cartilla de Rayas están sobre él.Cuandu le estaba dandu ideas a o escultor...me acordaba da escuela de don Ciprianu y de milis y milis comu él que nos insinorin con distintus métodus y formas o que sabían y puian.

Gracias.Hoiyi que me queu con as netas,me encerrau en caya,pur isu me he extindiu.Gracias SOIDI y ANIMU

¿Cumu INSITUCIONALIZAR un premiu ante un númeru de foristas
tan pEquenu?
sE dibiría votar a proposta y si se aproba habría que crear
unhas mínimas BASIS ¿non? y un JURAU de tres foristas
siría o que concedera o premiu.Y si se trata de RITUALIZALO
a denominación, diseñu da estatuilla ¡CLARO QUE Son IMPORTANTIS!
si a entrega de cualquer premiu le quitas a parafernalia
¿Qué quea?

Y en o tema don Ciprianu esas precisios eran necesarias
-o contextu históricu- pero tos estamus de acordu
que él nun elegi a profesión cumu tu y ei, o nombrorin
MAESTRU NACIONAL sin pasar por un exAmIn-oposicióN

Un forti abrazu y que godis DAS tuas netas.

He estau ausenti en un Congresu en Almería de especialistas en Responsabilliai Civil y Seguru, y ago leu, me enteiru y digu.
A proposta está en o airi, y tamen o candidatu. Brodas que e mei quintu y sobre to amigu se ha acordau de mi, pero ante os meritus seis y, por qué non, os de otrus mutus de esti foru, por as suas aportacios, ( Nachitu, Alfena,Saltu, Fontinova,Indanunse ...etc.etc.et.- y que me perdoi o restu que tamen so merecin-) pa mi que , por lo mnus esti anu, e o mais xustu Brodas, repitu.Pa que vamus a andal mareandu a perdi de nombral comisios y demais, como si foramus políticus, que logu nun valin pa na. Alguin propon, democracia directa, se vota y si ha "quorum" se toma en consideración y se actúa en conxecuencia.E a miña opinión y , mira, e un bo tema pa siguil nutrindu esti foru, aunque tamen habrá que dil pensandu e fechas pa a proxima "manduca" ¿Non?

Nun se por qué se me ha queau o final do escritu pa tras.Idia que ya hay que dil aportando ideas y que se poñan as opinios, sobre fechas y demais. Soidi pa tos y pa a fala, Chitu.

Vivindu inda Cancheira a Asociación Fala i Cultura prumuvia poros tres
lugaris, editó o cuadernu da Fala nº 0 dedicau a Cancheira dondi se recolhin caisi toas as puisias do mesmu, él, sabeol do que tinha, le idia a Mingu, quizás iá num o vea.
Mingu dispois de morrel Cancheira quisu dil máis lonxi, quisu fel algu
asi cumu o que idia Fonti Nova, proponhei ao circulu de amigus de Pacu
feli um homenaixi peru num tuvu resposta, ia se sabi, num e o mismu
pridical que dal trigu, o cumu idimus eno Lugal, amigus amigus eno
tempu dos figus, s'acaborin os figus s'acaborin os amigus, que tristi.
Chalrrieira, si te pareci nos apuntamus a idea de Fonti Nova i le femus
esi homenaixi tardiu a o nossu Cancheira, ia me dirás.
Mentras cumu as coisas hai que felas en via pa godu i disfruti do homenaixau i dos homenaixaoris, ei m'apuntu a idea pol agora de que
caia sobri Brodas polque so mereci, sin menus cabu de naidi.
Caicuandu hai que quelsi poro Lugal pâ estal informau de tô, pos da
época de Don Ciprianu pacá, o Lugal a evolucionau mutu i ben i o que
le quea inda, os homenaixis debin de dalsi pul méritus, edai i sabel,
habrá mais mutivus inda, tamén estoi d'acordu que num tenin que sel
solamenti pâ ienti do foru, poeran sel pâ ienti cumu Mingu que tantu
a aportau cum seis escritus ao desarroiu da Fala i demáis coissas.
Num queru cansal a naidi, peru tinha que idel tô istu pulque ten que
sabelsi as coissas pâ poel falal cum cunhucimentu de causa.
Soidi pâ tôs i pâ Fala.

Me alegra que por fin Fincacha41 nos diga algu de D. Ciprianu, porque hay que ver o contextu en o que se muvia o lugal en aquél entoncis y si nun queremus recoñocel que os Maestrus de antis tiñan grandis problemas; os de oxi tamen tenin por falta de Autoriai. As espaldas miñas que recibiran duas vedis o cinturon. Que nos puñia entre suas pernas y nos "pegaba" y que unha vé me quisu cortar a Lengua, porque le disi "Yo vengo a aprender, no vengo a enseñar".
Pero ei a o que me refieru, e que hay que recoñocer a labor de o Maestru. Idia Tiu Seberu (q.e.d), que estuvu traballandu pa mei Pairi "Desei a o Maestru, aunque sea un burru".A Profesión de ensinar, debi de ser "Vocacional" y e muy delicá sempris, ei oe recuñuciu a través de os meis anus de alumnu en varius sitius.Y pol isu a D. Ciprianu, que foi o primer Maestru que tuvi, a parti de Tia Claudia que tamen pusiu interés en que aprenderamus as letras de a Cartilla de Rayas.
Fincacha41. Tú nun te acordarás, pero ei sí, tamen relevastes a D. Ciprianu en as Clasis de "Adultus". Recordas que ei foi tei alumnu y falastis de poñernus varias palabras de o diccionariu pa dil aprendendu seis significaus. Tamen nos falastis de Rusia, que tiña mutas riquedas y de os Cohetis que empezaban a dil a Luna y que diban sustituil unhos a otros. Tamen falastis de as algas de o mar, que darian de comer a muta yenti. Oixi se saca mutus productus de elas, y os Japonesis as ponin pa Comel.
Cumu ves ei teñu recordus teis tamen, foran poicus dias, pero ei os recordu ven. Logu en Melilla, que foy una casualiai (Primavera 1964).
Cambiandu de terciu. En cuantu a homenajear. Ei sigu pensandu en Cancheira, que ya nun está con nosotrus y fidu boa labor con as suas poesias.
Que Brodas o fay tamben o millol, nun o discutu, pero Brodas está con nosotrus, y en cualquer momentu, le dedicamus toos os homenajis que queira.
Extendel os premius fora de o foru, e mais cumplicau. Creu que e millol poñernus de acordu os que escribimus aquí, porque e mantel a "chama viva de o foru", que nos fai recordal, a través de estis instrumentus técnicus, os tempus que vivimus en o Nosu Lugal quiriu. San Martín de Trevellu.
Soidi a Fala.
Chalrrieira.

Ei diria, millol poeta do anu: Brodas ,y nun me ulviu de Cancheira que en paz descansi....
"Millol furista do anu"...dificil, pos hay mutus que so merecin, mutus que ponin unha parti de corazon cuandu escribin en esti foru ... otrus por a sua generosiai,....y nun digamus os artistas fotografus, que tantas vedis nos han emuviu,con esas bellezas de fotus ...
Son importantis os galardos?
En cuantu a proxima reunion ,me apuntu pa colavoral
un abrazu forti pa tos
Anduriña

Pa Mañega Ausente,
con mutu retrasu ,pero cumu didi o refran,"mais vali tardi....te deseu muta soidi y feliciai "

Al no registrado: que tiene que ver el tema del que hablamos con el aborto y los impuestos,?me lo podias explicar?
El aborto no deberia ser de la responsabilidad de los poiliticos ; sino mas bien de la responsabilidad de cada mujer;y en cuanto a los impuestos, yo los pago en Francia y no te digo nada lo que los han aumentado....

(Unha aclaracion)
En o mei escritu anterior,cuandu digu," son importantis os galardos"?se entendi que pa mi personalmenti, nun son importantis....
Anduriña

Quisi idel" colaboral"

Que Cancheira íntimu amigu mei de toa vía,mereci un recoñocimentu está claru.O ví en-a cama en Jerez días antis de morrel y a o dali a man ma apretó muy forti y me disiu que se diba y le ví con muta pena purque pensaba que num era o millor momentu .Muller,fillus,netus,amigus dondi quera y nos había postu(pa mi con muta sorpresa),os grandis sentimentus que persoas,fontis,pasiarus y coiyas piquininas do lugal,le habían despertau en os poicus días que pur sua profesión y circunstancias le habían desiau.Digu comu con García Lorca que se nos foi tan tempranu...Hasta dóndi hubera chegau CANCHEIRA.Ya vos he ditu que dentru y fora do FORU hay mutus que merecin recoñucimentu.Vamus a reflexionar y seguru,seguru,que nunca será a gustu de toos pero....hay que empezal.
En cuantu os recordus de Cancheira comu novatu maestru que sustituia de ve en cuandu a don Ciprianu,se lo agradezcu y veu que num estaban mal aquelas primeiras leccios.He de confesdalti,que toa miña vía de Profesor o primeiru que puñía sobre a Pizarra,eran as nuticias dos periódicus.Tras de elas,seyan hasta as Matemáticas.
Sí nos vimus en Melilla cuandu ei feya alí a Mili con o Puchereiru de Valverdi.Tuvi un General que se chamaba GOTARREDONA PRAT,que mereci un tratau aparti.Era solteiru.Sua novia era a Patria y le encantaban os Gastaoris(os dagais mais altus y guapus). Too un personaji que cualquer
director de cini le sacaría punta.

Adios y soidi

Home , ni que eidel ten de que BRODAS e gran mereceol de tan "ilustri galardon," , aunque tamen temus otrus en esti foru que anque sin felo en rimas tamen so merecin , en fin habria varius , Pero si hai que empezal pur un, que sea BRODAS, Ya cairan os demais , que os hai, i con bo meritu, pero nun pur isu nos ulviemus de o GRAN CANCHEIRA, que a parti de sel un dos pionerus de esti foru, nos deleito con to o sei arti .

Un salù pa tos os furistas

Soidi a fala

M/E

Cumu ya vos supoñeis,tamen ei cuñuci a D.Ciprianu, pos estubi con él caixi 7 anus desde o ano 55 hasta que se juvilò en
Diciembri do 61, sempris cun aquela enciclopedia "Alvarez" que tos os anus ripitiamus, i d'ali, ya nun avanzavamus mais pos ya caixi m'a
sabia de memoria, quitandu que de ve en cuandu cantavamus aquela cancion "DE COLORES" me acordu que apreciaba mutu a mei hermanu Pacu, siria quizas
cumu didi Chenchu porque èl diba a dal pasu a sua caxa.Ei nunca foi a dal pasu con él, pero si que me acordu que foi a dal pasu en c'a de un tal
D. Gonzalu "mui bo maestru" que foi o que me iniciò en a pintura.

Bueno que paseis boa noiti


M/E

Boos dias Foristas:
Estimau amigu Fincacha41. Teñu que ferte unha corrección: dondi didis "Cancheira" en o segundu párrafu, tes que idel "Chalrrieira", de acordu, porque me estás contestandu a mí. Ei me acordu perfectamenti de esi comentariu que te e feitu sobre relevar a D. Ciprianu.
En cuanto a o General Gotarredona, me soa.
Ei Sigu interesau en que sea "Recordau": Cancheira.
En cuanto a M/E. Efectivamenti, tamen me acordu de cantar: De colores, de colores se visten los campos en la primavera, de colores, de colores son los pajarillos que vienen de fuera, de colores, de colores es el arcoiris que vemos lucir y por eso los muchos colores, las niñas bonitas me gustan a mi.
Claro, recordu a Enciclopedia "Alvarez". Y volvu a recordar os 30 ó 40 "Librus Manuscritos", e idel, escritus a pluma, que había en a Escuela de D. Ciprianu y que han desapariciu. Oixi en día tiñan mutu valor, por isu repitu, han desapariciu.
Soidi a Fala.
Chalrrieira.