San Martín de Trevejo - Caceres

Ya que hay unha pregunta de mey parenti Fernando, te contu:
Hay creu y bastanti ayantrau o tema de expropiación, pa fel unha carreteria desde o cruci de o muñu de Camilu q.d.e., hasta sel a Cruz Bindita por un camiñu que ya hay feitu pa tel accesu a Residencia.
De toas as formas tampocu le he prestau demasiau atención a nuticia, pero que J.L. que está en o lugar nos poi informal, y si non o mismu que ha dau ha nuticia de a Hospedería.
Nun pensu que haya que poñel tantus impedimentus ni cortapisas a o asuntu, as coixas se estan fendu y bastanti ben, esperemus a o final y dispois poeremus critical o criticabli y o que esté ben feitu pues o que queira que o ensalci o que o critiqui, pero debemus de esperar a sei tempu.
Y referenti a o que didin de a estatua, pareci demasiu,ya han pasau o tempu de as estatuas........ y as urnas falaran o que teñan que falal.

SOIDI PA TOS Y PA NOSA FALA
LALA.

Amiga Bayle: (cumu mihna agüela)

Sólu por alusiós:

Didis en tei escritu (y citu textualmente): “Nun pensu que haya que poñel tantus impedimentus ni cortapisas a o asuntu, as coixas se estan fendu y bastanti ben,…”

Te diré: En ninhún momentu é cuestionáu a bondái o maldái dó tema. Tampocu creu habel ditu qu’as coiças se estén fendu mal, pero nun debemus ulvial que as comunicaciós, son a basi d’o progresu.

Ben creu que, antis de empezal a Hospedería, o cumu diablus queiran chamala, dibirían resolver o problema do accesu, porque, con perdón, estamus acostumbráus a leval o cochi hasta a mixal.

Hai que sel mui incautu ( barra /a) pa pensal que os hospis futurus que vaian a esa Hospedería van a dexal o cochi, ponhamus que en O Forti o en San Peiru, y logu andandu, cargáus con maletas o malitís se desplazan hasta alí abaixu.

Vamus, nun creu que ni en caballiría o faian.

Sólu son minhas opiniós, y en esti foru abertu, as digu:

Fel a Hospedería antis de resolver a cuestión d’as comunicaciós, é “cumu poñel os bois detrás d’o carru”.

Referente a o tema d’as elecciós creu recordal, citu de memoria, que foi Nikita Sergeyevich Khrushchev, esi políticu rusu de fai un-hos anus o que dixu que un bó políticu “ten que prometel fel un ponti, aunque nun haia ríu, por alí cerca”

O tamén hai un ditu popular que asegura que nun te debis fial ni de promesa de políticu ni de hazaña de cazaol.

Me voi a misa.


BOAS TARDIS

Aqui se fala da hopederia,y da residencia que esta a o lau ¿que?
Tema resoltu con un sirviciu de taxi-burru, con o que isu representa, mais postus de traballu.