San Martín de Trevejo - Caceres

ROMANCE DE UN RETRATU

De fai un tempu esta parti,
sin apenas dalnus conta
en o foru se están vendu
fotus vellas, que son joyas.

Esis vetustus retratus,
-asegura Fontinova-
tenin gracia y elegancia
“esas fotus mutu molan”.

Máis un-ha fotu en un bar
é a que nos ocupa agora
nun se sabi dondi foi,
nos confesa a misma autora.

Contan que en certa ocasión
a “peña” se yunta toa,
decidin felsi un retratu,
que ninhún d’elis recorda.

Afiman que en “fin de anu”
se fidu a fotu famosa,
en un bar qu’hay en a praza
y que tamén tiña “fonda”

- Nun poi sel que esi retratu
se fidera en Noitiboa,
¿nun os ves arremangaus,
y mutus en manga corta?

- Y os abrigus ¿dondi están?
- ¡Os tendrán detrás d’a porta!
- ¡Nun nos cantis as cuarenta
con o cabalu y a sota!.

Desde cerca de Triana
Con “a venia” nos informan:
- que nun é o bar de mei tíu
pues nun hai ventan ni porta,

por a que se puía dil
p’a dentru p’aquelas boigas
en dondi tiña tíu Ángil
picón, viñu y otras coisas

- Puera sel o bar de Popu
que estaba p’aquela costa
- O tamén o bar de Félix
antis de fel a reforma.

- Puera sel de Vilamel
o tamén un bar de Coria
- poi sel o bar d’o Vieira
¡Agó cualquera s’acorda

Y si te pos a contalos
hai máis de trinta presoas
¿Entre elis nun habrá
un que teña boa memoria?

Pues que se rasqui os miolus
por ver si por fin recorda
dondi se fidu o retratu
dondi se fidu esa “toma”.

En dondi se fidu a fotu
quizá poicu nos importa,
o que fai falta son mutas
p’a poel recordal historias.

A os que ya pendamos canas
aunque estas canas sean poicas,
esis y otrus retratus
mutus feitus nos evocan.

Con os milloris recordus de tempus pasáus.
Nun me atrevu a eidel o de J. Manrique: "cualquiera tiempo pasado ..."

BOAS NOITIS y SOIDI A O MAÑEGU

B.RODAS

Amigu Brodas:

¡¡Me quítu o sombreiru!!. En un-ha ocaxión,me distis o tratamentu de "VOS". Con súmu gústu,te pássu a tí,essi privilégiu.

Un abrazu, FONTI NOVA

¡ Jo, que ben o as ditu ! A barulla de Chon, dispois de felnus pensal a tos con o dichosu retratu, nos ha descubertu por fin dondi era , ¡ En Vilamel ! e verdai, por que en esi bar ei e diu mais de unha vez y e acabau tocandu a guuitarra con Chenchu que o fecha divinamenti. ¿ Veis ? Istu ha sirviu pa siguil falando. O millor tu, Brodas, te acrodas de algunha que hayamus liuau pali. Fai falta algún retratu mais. Hasta otra....Un saluu pa tos..Chitu

Muy boa, amigu BRODAS, eris un "AS" te ha seidu bordà, cumu sempris.Nos hemus riu "mogollon" "escangallaus de risa".



Un abrazu

M/E

Un 20 /20 pa estis versus que a feitu Fernandu
y pa Indanunse,igualmenti le digu;vinti sobre vinti,por tos os seis retratus.
O mismu le digu a J.L....y que nos os sigais mandandu...
y a Chon: por favor,Chunita,nun te ulviis de poñel,en as fotus, o anu....
pero si nun te acordas,tampocu e tan gravi,que o principal, e que o vayamus contandu.
Soidi pa tos
Anduriña

Quiriu B.RODAS nunse quen eris pero nun poyo desar pasar mais dias sin idirti un as cuantas coyas, eris un fenomenu, un tiu contalentu eris un chapó . En estis dias he estau retira de esta pantalla por que con os frius que via pora teli nun medaban ganas de sel de casa, hi isu que estoy de vacacios en costa brava y pa qui quenta o sol que he un primor . Esti veran ya comeremus un a saringas de a quelas de os anus mil novedentus cincuentas que non se mean ol viau felas

Algu máis arriba d'o tei mensaji, amiga y contertulia Chonita, Anduriña dois (o duas),porque nun sé ben quin é, didi que da un 20/20 a un-hos versus que ha feitu nun sé quén.... etc. etc...

Bueno, pos si a Anduriña didi quin os ha feitu, ¿quín soi ei p'a levali a contraria?

Nun sé si poiré dil a o día d'o foru, pero tratándusi de dondi se pensa celebral, fairé un impusibli por dil. Si ademáis, vai acompañáu esi día de un-has xaringas, nun sé si me poiré resistil. Algu lonxi me cai, entoncis, que nu agora.

Soidi a o mañegu. Soidi p'a tos. Boas noitis y cumu idía D. Eduardu

Hasta mañás si Dius quel.

BRODAS (vamus a quitali o puntu, que isu son coisas que me han obrigáu os de internet, porque o nomi estaba registráu ya).

Amigu y parenti BRODAS:
Esperemus que esti anu nun nos fallis, ya que o anu pasau y dispois de habermi mandau o viñu nun te presentastis, (!home!, comprendu que en esas fechas te cai bastenti retirau) pero mira, mais retirau me cai a mi y ya me estoi relamendu cun as xaringas de Chon ( esperu que nun sean de mil novedentus cincuenta, porque si non , estaran ya algu ranzosas y nos faya otras), y tamen do viñu de Chitu, que esti si que nun nos falla.(Aprobeitu ma mandali un abrazu a èl y a miña prima y familia)

Un abrazu p'a tos y soidi a fala


M/E


(a propositu) : ??sabi Chon cuantus somus??, mira que van ser mutan xarigas.