San Martín de Trevejo - Caceres

Boos dias Foristas, Mañegus y Mañegas:
Estimá amiga "mye": Gracias por os "Retratus" que nos has postu de o Lugal, así comu de a Fonti, o Soitu, etc.
Supoñu que esi día que estaba chovendu y con muta nebla, vos yuntastis varius Mañegus/as y vos fostis a dal un paseu por a Calzá Romana, a Revolta as Bruxias y camiñus de o Soitu.
Esis Retratus son muy emotivus, pos un día de esis, velo desde a Oficina, da un poicu de friu, aunque ei me ha tocau pasalos tamen y a o cargu de dois cabalus y unha perra (Curra), pero cumu ha pasau mutu tempu, pareci que ya nun he o mismu.
Te contaré que un dia de Mayu que amanecei claru en to términu de Sa Martín, estaba en o Soitu y a isu de a meyudía, apareceran nubis negras y oscuras procedentis de Portugal; que !tormenta! con truenus, relámpagus y Chovendu a gota gorda y forti (un forti "vaticón"); a perra se mitia debasiu de os cabalus cargaus, pero os cabalus aguantaban ven, estaban acustumbraus a estas situaciós. Nun se me ulviará mentras viva.
Amiga "mye", sigui poñendu Retratus así que nos dá a idea que estamus en o Lugal.
Soidi a Fala, Mañegas y Mañegus.
Chalrrieira.