San Martín de Trevejo - Caceres

Bos dias pâ tos,que o mininu naciu vos bindiga i encha de amol,pa i filiciai,que nos de a tos muta soidi,que é o mais importanti.
Estis dias atrás entraba en o foru peru nun tiña tempu pa escribil,oisi dia de festa poiu felo sin presas,a familia está recuperandusi dispois d'o seran tan largu de esta noiti,si antis o digu,ya empezan a refulegal(esta palabra a idia mei pairi)de un en un.
Me ha feitu muta ilusión a fotu que a postu INDANUNSE en o foru sobre as escuelas, siria interesanti poñel entre tos quin e ca cuál purque despois de tantu tempu custa recoñocel as caras,poñel de izquerda a dereita i de arriba a baisu os nomis,nun puiais habel postu millol felicitación pa tos i comu estamus en Naviai, grácias a os dois Angilis que o han feitu pusibli.
Tamén queru recoñocel esa virtu descuñucia de mei parenti BRODAS,ca rima que fai e a cual mais entrañabli,comu se ve que leva en o alma toas as vivencias i recordus d'o lugal,grácias por fernus participis.
En o apartau das coisas menus agradablis, dali o pesami a familia de Angil o guardamontis por esa gran perdida, q.e.p.d.
Soidi a fala.