San Martín de Trevejo - Caceres

TEMPU DE FRÍU, TEMPU DE ENVELNU.

Chegorin os fríus d’o envelnu
sin apenas dalnus conta
y hasta os castañus d’O Soitu
s’está queandu sin folhas.

É tempu de mutu fríu
carámbanus en a porta,
tempu de dil a apañal
por atallus y por trochas.

Tempu de estal en a fragua,
dondi os ferreirus nos contan
a vedis historias certas,
a vedis falsas historias.

Tempu de dil de serán
dondi os maioris mencionan,
relatus, contus, leyendas
que a os pequenus ilusionan.

Y p’a cama do ganáu
hai que dil a buscar folha,
que d'os árbulis se cain
que pareci que les sobra

Ya nun é tempu de anal
ni de figus ni de moras,
ya nun é tempu de níus
qu’os páxarus ya se foran.

Tempu de dil a por musgu
que ya chega Noitiboa
y hai que fel o “Nacimentu”
qu’o “Mininu” chama a porta.

Tempu de quintas, de fogus,
si a o “regiol” nun le importa,
que sempris se fidu así
y dibiría sel agora.

Tempu de misa d’o Galu
d’un tragitu n’a pichorra;
qu’isu en boa compañía
é muy paricíu a gloria.

Tempu de felicital
as Pascuas a toos y a toas.
Esa felicitación
desd’aquí vos manda BRODAS

PD.

A toos mañegus, y a toas as mañegas; a toos os que escribin en esti foru; a os que se asoman y simpimenti o miran, y que (creu ei) dibirían participar, que istu nun é, tampoicu, mui difícil,

a toos os homis y mulleris de boa voluntái

vos deseu que

O MININU REDÉN NACÍU, que os creientis conmemoramus agora en o solticiu de envelnu, VOS TRAIA O MILLOL, QUE SE CUMPLAN VOSUS DESEUS. Que nos poamus aplical o que fai dois o tres días nos dixu o Cerrumicli.

FORTI ABRAZU

B.RODAS

boas noitis.
me a encantau a tua poesia ,vaya poeta que esteis feitu.
ei tamen deseu que o anu que entra nos vaya a tos o millol
pusibli ,que halla sobri to pa,soidiy que se cumplan tos os deseus
que teñamus.
pd.aproveitu pa idilvusque nun cunsigu entral en o enlaci das poesias de
Cancheira a vel comu pollu fel, gracias.
Feli Naviais a to-as i boa entra do Anu Novu.

Borrado por Foro-ciudad.com

boas noitis.
mutas gracias pol a explicacion
ya e puiu volvel a leel as poesias ,ca unha que leu esta millol
que a anteriol valla poeta que tiñamus,i muta xenti sin sabelo,
me e feitu con un libru dos que vendin en o lugal.
un salu.