San Martín de Trevejo - Caceres

Boas tardis. He certu,temus mutus gazapus en ó vocabulariu y en ó diccionariu. Peru isu nun ha siu últimamenti,ya ven de atrás,tampocu e que me de por aludiu,peru estoy de acordu,a millol forma e poñel as palabras en ó foru pa que se poan currigil. Tamen e certu que deberamus tel reglas,ami nun me soa ben a X,me pareci mais galaica que nosa. Tó e importanti,tantu as tildis comu nun tildal,con boa vuluntai y millol querel fel consiguiremus entre tos ó que pretendamus,nun ulviemus que tos nun hemus diu a colegius de pagu. Tampocu queru entral en niñunha polémica con esti tema,ni estoy doctorau en letras ni creu que istu perteneza a Real Academia. He a nosha fala ó a nosha lengua a que esta en yugu,nos perteneci a noshotrus y por tantu se agradecin as correccios. Recordu a primeira ve que vi escritu algu,era de puñu y letra de Don Eugeniu ó Canónigu, logu poicu mais vulvi a vel. Comu queru siguil insertandu máis palabras,poñu estas en ó foru pa vel que vos parecin. Tañel ó Tañiu,referenti a soal ó suiu,se idia cuandu tocaban as campanas,porquin tañin as campanas. Pareci un titulu de pilicula,ben,nun queru sel peshau. Soidi a fala y un abrazu pa tos.

Pa mi,o términu "Tañel" é correctu.

Un abrazu,FONTI NOVA