San Martín de Trevejo - Caceres

¿Quin está dispostu a limpal os campus i os rius?. Esi traballu,o feyan antis as cabras gratis, y ademais,nos daban leiti y carni po almodu.

O "burru"i o "mu", xuntu con: "as vacas de labranza",desempeñaban; esas laboris,hoixi reemplazás por as máquinas.Con a grán ventaixa de que nun contaminaban. Se alimentaban do campu , ayuandu a limpalo,y nos proporcionaban estercu.Esi abonu natural;feitu por tós en a boiga, y que daba un-hos tomatis,freixos y patatas sin parangón. "Que ben, se cerraba o ciclu".

Dondi queal o cuchinu?. Aparti,de sel o mayol complementu da nosa alimentación, duranti gran parti do anu: cumia os figus que se queyan das figueiras,os carozus da prensa en a vianda,as sobras das cumias (cuandu queaban)...,evitandu que se generára esis montós de basura, que hoixi plantea un gran problema po meyu ambienti. "Elis,tamén limpaban o campu".

¿Dondi están agora, tos esis animais?,¿volverán acaxu?.

Antis: feyamus fogu de leña en caxa, pa fel a cumia y quentalnus con os chaparrus dos valdius; se queimaban montós de furnixa en os fornus."Tamén así,noxotrus limpabamus o campu"

Antis: a energía a empleabamus traballandu en o campu (energia aproveitá),agora, hai que desprendersi de ela en un gimnasiu (energía tirá).

Ben!. Esi equuilíbriu; se ha rotu totalmenti, y ya, nun ten retornu, aunque deixemus de xugal o Dápiti. Dentru de mui poicu,os nosus rius;solamenti se podrán vel: un puiquitu en o ponti de San Peiru i do Chafaril.O restu do cursu, habrá que imagínalo. Comu as silvas,se adueñarán do campu.

O progrexu,tamen ten os seis inconvenientis.Agora, que o latín está tan de moa en o foru: o novu "modus vivendi", ten un preciu que hai que pagal con interexis.

Soidi, FONTI NOVA

Quin limpa os rius?. Boa pregunta. Solu te digu que esti veran pasandu por o ponti do Chafaril, (esi ponti que tan ben cantò o nosu poeta Cancheira, Q.E.D.) me dò por asomarmi i nun vi ni riu, ni cauci ni nà, ni d'un lau di de otru,alì sòlu se via maleza,arbustus i silvas. Cuantu me acurdì en aquel momentu de Patachòn i d'as suas cabras, que sempris andaban pur ali riu arriba, riu abaixu , pero e que nun se via ni o fondu, paricia aquilu un-ha selva. Naidi se preocupa de isu?. Nun temus concejal de meyu ambienti?, pos que pena. Hasta un turista preguntò? Ahi abajo que hay?

Agora, ya nun solu sera por o Dapiti, agora diremus a fel gimnasia y desde alì arreglaremus tos os problemas, que sean ciudadanus o meyu-ambientais.

Istu e solu un-ha anecdota, porque to o que nos da a entendel FONTI NOVA mereci un gran "EXAMIN DE CONCIENCIA"

Bueno vos deixu que empeza o fulbu


Soidi, M/E

Soñaba disperta y me idia,poi sel que sea unha utopia;pero porque en San Martin nun se puiria
fel unha "Cooperativa de cabras"?
si, nun vos riais,quiria idil unha fabrica pa fel queisu de cabra...
tantu monti abandonau,que contentas as cabras se pundrian,os rius estarian limpus,tamen os camiñus y caleisas...,y se daria traballu a os que traballal quiseran...
Ya se que mutus diran ,que se nos espantan os turistas ,que as cabras , muy mal cheiran,y ei se que to isu e verdais ; pero me da tanta pena ....vel os rius azenagaus,os campus abandonaus con silvas y malezas....
Soñemus,pues ,soñemus,quizas algun dia encontremus a maneira de remeyal???
bueno M.E.ei, ya fidi o mei examin de conciencia
Fonti Nova,que puiriamus fel pa que viva o nosu lugal?
esa pregunta vos a fayu a tos, amigus furistas
se aceptan toas as ideas
un abazu pa tos
Anduriña

Anduriña,con preocupación didi:

¿Qué puiriamus fel, pa que viva o nosu Lugal?.

Según o mei puntu de vista; temus a obligación, de deisal a os nosus descendientis: comu minimu.Un "San Martin", tal comu noxotrus o hemus heredau,i a sel publi,mutu maís millorau.

E, necesariu, sensibilizar y recordal a os que actualmenti gobernan , y a os que o fayan en o futuru.Que os "rius","camiñus" y "campus",son inherentis a o Lugal. Y que si estis dexaparecin,tamén dexaparecí San Martín.

Tempu atrás,un furista dixu con mui bo tinu: que nun poñamus, toas as esperanzas en o tren do turismu. Poi dalsi o caxu, que esi tren, pasi de largu, i haya que cerral a estación.

Pensu:que San Martín, con un-ha política inteligenti,ten futuru. Tú, has apuntau en un-ha boa dirección.Si antis ha tiu industrias, ¿por qué, agora,nun poi volvel a telas?. Un-ha industria,de acordu, con a demanda de un determinau mercau.Un mercau,que sempris estará dispostu a pagal caliai ,sempris, que nún le tomin o pelu.

Non mui lonxi do Lugal,temus"La Torta Del Casar",queixu de recuñuciu pristigiu nacional .Claru, que a filosofÍa de esta empresa,funciona mui diferenti,a comu funcionan as do Lugal.

Soidi, FONTI NOVA

P.D. Anduriña!!. Tés olfatu dempresaria.