San Martín de Trevejo - Caceres

As ultimas fotus de JL,nos muestra unha ve máis, que en o Lugal, habia persoas con conexión fora do Val y con otras culturas.

En o porticu da caxa, que Chitu chama "Caxa de Castañu". Comu él mui ben didi,se aprecia ben, a cru da ordin de San Xuan de Jerusalén, o cru de Malta,toas elas, de caracti religioxu/militar y muy relacioná con a “Ordin Templaria”.O textu que apareci,poi sel o nomi da persoa o familia pertenecienti a esta ordin,o algu así,¡nun o sé!. Por otra parti,esti signu que Chitu pareci asocialo a unha agulla de coxel redis de pescal; que ben poi sel así.A mi,me ten on poicu cunfundiu. Nun sé, ei veu aquí,comu un “peci”,o signu con o dibuju do peci,era un signu secretu dos critianus que utilizaban pa identificalsi,cuandu Roma os pirsiguia.O significau esotéricu de esti signu; en griegu a pala bra “pez” (ictus) son as cincu iniciais que significan: “Jesús Cristo,Hijo de Dios,Salvador”. Istu, o he sacau dun libru que teñu de fai mutus anus.

O do nº 36 da (c/ o portu). Comu didi chitu,se aprecia un-ós relievis que pareci: unha tixeira,a sola dun zapatu y unha bota eitá.Ben puiria sel,a activiai industrial de esa caxa .En o meyu,hai otru relievi, que nun sé que significau ten aquí. Pareci a flor de “Lys”,adoptá comu sabemus tos,comu emblema real Francés,y que representa a tripli majestá de Dios.En unha palabra: “Prioratu de Sión” (socieai secreta y heredera da ordin Templaria). I to istu,dentru de un “arcu contracurvau baixu” (de origin árabi). Istu me cunfundi de novu,o millol nun é a flor de Lys,sinon,algún signu de origin moiru que descoñozu.

Por ultimu,”as cuatru caras” da (c/ os canus).Esti, creu que nun é de origin árabi,a religión musulmana, algun-as vedis,prohibia o usu de persoas y de animais en os seis signus.Esti tipu de relievis, (caras y animais) están muy reprexentaus en: porticus,alerus, cornisas, y capiteis do estilu arquitectonicu “Románicu”,( sempris de caracti religioxu ) .Pensu que estas nosas,solu son de caracti ornamental.De toas maneiras,nun estoi seguru.

Por otra parti,y tendu en conta to o que está aparecendu,pensu que San Martin, ten un pasau cultural mais importanti do que pensabamus.Tamen pareci claru, a presencia das tre grandis religiós en o Lugal.

Soidi,FONTI NOVA II

Tes radón,por que, dispois de estudial algu, claro, y uivil a xenti que sabi mais que ei, sempris e criiu que o barriu que está detras da Igleixa ten un componenti xubiu, igual que en Santibañez el Alto, hay una "judería" ¿por que en o lugal non?, sobre to con esis signus profesionais que hay por ei. Ya sabeis que en Torramata estaba Santana como asentamentu moiru, asi que tamen chegaría a o lugal, claro está cunvirtius a o Cristianismu. Siria bo poel investigal. Vos salua Chitu