San Martín de Trevejo - Caceres

Amigu Chitu: te agradezcu a atención que has tiu, en facilitarmi a identiai de Ismael Cano.A él,nun o coñozu,pero sí a seis pairis.Bos mañegus; que desdi aquí,le enviu un abrazu mui forti.Tamén me acordu, de aquelas sharingas que feya sua aguela y que inda hoixi nun tenin parangón.

A vedis,cuandu se mencionan a persoas do lugal, te venin recordus da infancia mui agradablis,comu é agora esti, pa mi. Teñu prexentís, aquelis dias de verán, en a sesta,cuandu: Angil o (Canu), Colás o (Albardeiru), Juanin o de (Tiu Sindu), Toñu o (Piligrinu), Gonzalu o de (Tiu Roxariu), Maximu o (Baturru),que le gustaba mais estal en o "Forti"que en o sei barriu, (por entoncis,tos solteirus inda). ¡Vaya pezas!!. Me agarraban y me tiraban po royu,cuandu máis agua levaba,o me puñian pingandu de agua con o cubu. Con cuanta nostalgia,recordu aquelis anus.

Cuandu, has mencionau a "Vicenti o Gordu", se me ven a cabeza, a noiti que tuvu en vilu a to o Lugal. Si mal nun recordu,foi a buscal naranxas o Adebu y se perdei en os arrabixis,to mundu: busca que te busca a Vicenti; hasta o dia siguienti, que aparecei heleitu de friu.¡¡Que tempus aquelis!!.

Soidi, FONTI NOVA II