San Martín de Trevejo - Caceres

Opinu que pa SaMartin ha siu/está resultandu muy positivu, muy rentabli a efectus de propaganda, o enfretamentu dialécticu entre determinaus políticus galegus y extremeñus:Nunca, jamais o nosu lugal
había siu objetu de tratamentu en os meyus de difusión.
Se está sembrandu de cara a creación de un "turismu lingüisticu" en o Valli de Xalima.

Un forista se pregunta en castellanu "¿que se está fendu pa conservar a fala y as tradicios?" Os poeris públicus, na, absolutamenti na. Ben o sabis tu. Nosotrus o unicu que poemus fer, y nun é méritu niñun,
e inculcarla a nosus fillus, que sepan de as suas raidis pa que nun perdan as suas señas de identiai.
" (...)Si nun nos dan unha solución pa o futuro de esti valli" Aqui naidi da na de na, si nun se luta por conseguir as coisas, si os nosus antepasaus, empezando por Espartaco, nun huberan luitau SIRIAMOS inda esclavus, M/E. "Que nun nos consultan" se queixa j/l. Ei nun queru que me consultin, sinon que haya VOLUNTAI de felo, pero en Extremadura o problema nun é a nosa FALA, os hay mutu mais gravis, seamus realistas.
¿Que poer e influencia ten serra de Gata en comparacion con a Vera?
¿Cuál é o PIB do Valli de Xiálima? si pa o SISTEMA somus unha furmiguita. Y sin embargu, prontu será unha realiaI a RESIDENCIA DE ANCIANUS y a Hostelería en o Conventu.Un futuru esperanzaor pa resolver o problema mais gravi que ten o nou lugal: O PARU
¿A FALA? a fala goda de mayor salud que nunca porque a genti en esti pais se ha enteirau que existimus y porque escribimus en mañegu.
¿con castellanimus? CLARO QUE SI. A lengua castellana esta chea de galicismus, de anglicismus, de barbarismus, de catalanimus etc... O catalán se contamina de otras lenguas, e logicu y comprensibli, en un mundu tan globalizau rsulta inevitabli.
A o largu da historia de San Martin a única "movilización" que ei sepa
ha siu a recullía de firmas pa o "fogu dos quintus" en a plaza. Pa os mañegus nun existin problema algun con a fala. Asi cumu tampocu con os macetós y que o mercadillu se faya en a plaza é mais un deseu nosu de foristas que nun dos ciudadanus. Os vendeoris do mercadillu desean seguir expoñendu a suas mercancias en dondi están.
Resumindu y ya acabu:
Preocupaus, lógicu, con os problemas de o nosu lugal y no dal unha resposta CONTUNDENTI a quin bautizu cumu "netu sin agüela" por as gravis manifestacios/ agresión sufria por un forista, pues nun me pareci coherenti. Estas cuestios SI estan en a nosas mas resolvelas y de cara a o futuro, unificar criterios ante os que abusan de a libertai de expresión con descalificaciós e insultus, mintiras... ATACANDU aspectus personais o profesionais de cualquier forista.

Boas tardis.
Chenchu

Cunvindria tratal seriamenti,o que hoixi expón "Chenchu",sobri as persoas que insultan.

Soidi... FONTI NOVA II