San Martín de Trevejo - Caceres

A tos, os que hoixi están en o lugal, les dexeu un bo dia.

Que a luz da Cru,brilli en os corazós de tos,y que nunca se apagui.

Un abrazu pa tos.FONTINOVA II

Cumu vos cuntí, tiña esti anu pensau dil a Crú, a acompañala en a procesión, y ¿por qué non?, a probal algu de viñu y falal con a xenti, que en o foru o únicu que poemus fel é escribil.

Circunstancfias desfavorablis, enn forma de dagala de Sevilla, m'o han impíu. Pero é estau recordandu coiças y me ha seidu istu.

Felicitu a tos os que están hoxi alí, y tamén a tos os que, estandu lonxi, se acordan.

DÍA D’A CRÚ

Detrás d’a Crú Bindita, camiñandu
cuandu vamus baxandu por O Forti,
recordamus habel tíu muta sorti
porque os pairis nos foran inculcandu

esi amor hacia a Crú, que nos ven dandu
forza y lú, p’a encontrar sempris o “norti”;
y dispois cuandu ya nos veña a morti,
nos reciba y nos vaya cobijandu.

Cerca alí d’o Conventu, ¡Crú Bindita!
aguardas a os mañegus, que vayamus
a falarti de penas y emociós.

Cumu didi aquel rótulu d’a ermita
te falamus con fe y aquí esperamus
que po anu que ven veñamus tós.

B.RODAS

tamen esperu que paxeis un bo dia y que sepais que os que estamus fora nos acordamus mutu de o lugar.peru en esti dia mutu mais.que o paseis ben y un saluu pa tos.

Emotivu sonetu Brodas, me viñi con pena de nun poel pasal o dia de a Cru en o lugal. Tamén mandu o mei deseu de que esti dia, que sempris foi un dia de ilusión y algarabía pa tos, esté colamau de feliciai pa tos os mañegus, de dentru y de fora do lugal. Mais de un, de pequenu, a noti antis de a Cru, nun durmia, esperandu a chegá do dia pa vel si, por fin Tiodoru, o "Casca" o Emilianu, habían acabau de fel a roipa que esi dia diban a estrenal.Mutus estrenaban zapatus, camisas, trajis o algun otru tipu de roipa ¡Que ilusion feya! ¡ Que rozauras a vedis por aquilu de os zapatus novus ! En fin,hasta con musicus de fora, os puestus de chucherúas en a plaza, o tiru con as escopetas, os cartós, aquelis cigarritus a escundías, a vedis hasta en o campu pa que nun nos viran, o baili dispois de misa,por a tardi y dispois de ceal, unha ve que ya eramus un poicu mais mayoris.To se transforma y pasa, pero os recordus quean Bos tempus ¿Eh?. Con añoranza, vos salúa. Chitu