San Martín de Trevejo - Caceres

Estimaus furistas:
Sempris estamus danduli voltas a que temus que promocional a nosa fala ¿no?
Nos gustaria que primeiru os que a sepan falal a falin por aquilu de que hay que empezal porque den ejemplu os de caxa ¿si?
Logu que de alguna maneira as novas generaciós de dagais y dagalas o tenin que mamal en caxa, en a escuela y entri elis en a calli.
Tamén que algo les toca fel a os representantis pulíticus que temus eligius (os que poyan votal en San Martin o deberian tel presenti y exigilis un plan de promoción da fala).
Creu que tamén o foru e una boa maneira de traballal por mantelnus firmis en a defensa da fala por aquelis que estandu lonxi nun temus pexu en as decisiós puliticas do lugal.
Otra forma seria formal a xenti jovin comu empredeoris que fideran y promocionaran productus típicus do lugar o da comarca que se pueran presental en certáminis y deran a coñocel a comarca.
O otru dia falaba por o messenger con a hermana de Nachitu y estaba fendu de DJ (comu locutora de una pequena radiu en internet elrincondelaamistad.radio@hotmail.com) y falabamus do lugal y a ela se le ocurrei a idea: " eh alfena, nun te pareci que estes medius de comunicaciós puian sirvir pa que a xenti do lugal se metera y fideramus de alguna maneira promoción da fala" (por supostu le he piu pirmisu para poñel istu aqui) Ei nun se cómu se puia fel pero, si he una radiu , por pequena que esta sea y hay xenti que le sulicita canciós ela poi , creu ei, falal en mañegu con o que queira dedical una canción, con o que "los oyentes" que teñan conectá a radiu en ese momentu se sorprenderá de que hay xenti que fala con a locutora en una lenguji que nun habian uibiu hasta entonces. Nun se cómu o veis vosotrus. Habria que falal con a hermana de Nachitu para vel que tiña pensau o, feli propuestas para que promocionin a fala.
Supoñu que habrá mutas otras formas pero creo que si o pensamus esta puia sel una mais. Ela comu sabeis participa de ve en cuandu en o foru y me consta que nos le caixi a diariu, como boa mañega que se que e.
Soidi a fala