San Martín de Trevejo - Caceres

Pareci que a queixa de nun poel poñel as actas, ha dau resultau, porque se ha publicau tamén a volta da página, en dondi, cumu se ve hubu mañegus que ASUMIRAN A RESPONSABILIAI cuandu tomorin o acordu, y tirorin p’aiantri, con a carreteira hasta Santa Clara.

Cumu ben didi mei parenti M/E merecin un homenaji tos cuantus traballorin en isu, quizá sin seguru de accidentis, ni niñuna otra cobertura, y otras coisas que agora parecin muy normais.

Ya veis as firmas de algun-hos, son as dos que firmorin en a primeira página, pero en a página siguienti aparecin as firmas de otrus otrus mutus máis que nun siría de ley ulvial.

Esis homis, según poiu vel ei sirían:

Luis Martín, Esteban Carretero, Marcelino García, Teófilo Frade, Fernando Domínguez, Constantino Estévez, Julián P. Alvarez, Cándido Martín, Patricio Fernández, Elías Paino, Juan B. Fernández, Juan Martín, Julián P. Amaral, Julián Carretero, Cipriano Paíno (don Ciprianu), Carlos Gª Godínez de Paz, Juan Domínguez, Juan Márquez, Juan Sánchez, J. Gómez, Manuel Alonso, Anastasio Simón, Ángel Gil.

en memoria de toos elis, y de toos que, con o sei traballu y esforzu fideran pusibli a obra, esti pequenu homenaji.

BOAS TARDIS

BRODAS

Nun e que sea muy antigua esa acta que nos obsequias, pero, desde logu e unha joya y, tes radón, sirva como pequenu homenaji a aquela xenti que se preocupo do progresu y o bienestar do lugal, era tamen a sei,pero se comprometeran.Hay que observal cómo o sindicatu ten que sustituil a o Axuntamentu, como entiai pública, pa poel solicital esi camiñu, do que, ademais, se responsabilizan tos os miembrus do sindicatu inclusu, aunque deisin de selo. Esta vistu que a coisa debia funcional ben, con serieai y , a simpli vista, sin niñunha connotación política, por que e de supoñel que, entre tanta xenti y con o axuntamentu por meiu, habria mais de unha ideología.

Está claru que pa fel o ben, nun hay que miral as ideologías, o que está ben está ben y o camiñu, con a oportuniai que daban os Payengus, que tamen o quirian do sei lau, estaba muy ben, ¡ei está! ¡ Si levanaran a cabeza os que firmorin o papal y viran como está ago! .. Un saluu y gracias Brodas.Chitu.

Nun sé si le habra gustau a J/L que esi extraordinariu documentu que con too acertu has lograu poñelo a nosa disposicion esté en o apartau das fotografias, pero tu Brodas, nun eris responsabli de a sua ubicación. Por certu...¿por qué a tei tiu Crisóstomu le chamaban Brodas?
De toos os que parciporin en esa REUNION, firmantis da ACTA, me chama a atencion ANGEL GIL.
Se didi que Angel Gil foi o responsabli de as mortis de tres mañegus republicanus de dereitas durante a guerra civil, se les aplicó a "ley de fuga".¿Qué sabeis sobre estis tristis feitus históricus? Mais que opinios siría convenienti falar de os FEITUS, abundar sobri o que os han contau.
Agora que se ha conmemorau o 75 aniversariu de a República, bo siria que trataramos esti tema o sinon sobre o PREVENTORIU.
Vos recomendu a pelicula de TRUEBA "AÑO DE LAS LUCES" (1986)a accion trancurri en o Conventu de San Martín, sanatoriu antituberculosu.

Boas noitis.
Chenchu.

Estoy con voxotrus!. Hay mutus homis y mulleris do lugal, que por as suas obras en beneficiu de San Martín, merecin algu mais que sel recordaus. Esti, e o caxu, que tu agora expós M/E, y que Brodas nos ha facilitau.

Que millol lugar,que a boiga de “ Tiu Luis” pa colgal da paré, placas conmemorativas das boas obras que se han feitu en o lugal, y por as persoas que as han feitu?.

Propoñu: leval a términu coixas de estas, o paricias. Que nun as deixemus en o baúl dos recordus. As obras,si nun se fain,nun quean.Si esis mañegus nun se huberan rotu o peitu y xugalsi o fisicu con os barrenus. O lugal,hubera estau mutu mais tempu sin poelsi comunical con a provincia de Salamanca, ni con otras poblacios. Por circunstancias,y al igual que otrus,tuvi que deixal o lugal en unha edai muy temprana. Por tantu, descoñozu caixi toas as coixas trascendentais de San Martín . Gracias a Brodas, y a otrus mañegus comu él, me estoy enteirandu de acontecimentus que ignoraba totalmenti.

Así pues: abuxandu un poicu de esta confianza, y por a moyol faciliai que tes, en poel accedel a os organismus oficiais da provincia.¡ BRODAS!!. ¡ Sigui informandu!.

Acabu,con unha fraxi de: E.Burke (escritor). "Las gentes que nunca se preocupan por sus antepasados,jamás mirarán a la posteridad".


Soidi.... FONTINOVA II

De acordu con FONTINOVA , algu se puiria fel y dibiriamus de fel , y o meru feitu de nombralos en esti foru e ya unha basi pa poel siguil con esti tema.

Un saluu y soidi a tos /as mañegus y furistas


M/E