San Martín de Trevejo - Caceres

Estoy seguru que con o humildis que son Fontinova e Isabel, se van a sonrojal con esta pequena muestra de agradecimentu que les dedicu, tamen en nomi de miña mullel y filla, a traves de esti meyu nosu de comunicación.
En estis dias pasaus he feitu unha peregrinación “ siu generis” a Santiagu de Compostela y o digu asi por que hemus feitu dois mil kilometrus, pero en cochi, isu si con muta chuva y ma tempu en general, asi que, de tiron ,chegamus a Benavente y como le habia ditu a Fontinova que esperaba salualo, se prestó de inmediatu a fermi de guia turísticu y anfritión de primeira clasi, istu ultimu o digu ei.
Sendu a hora prevista, nos recollei do Hotel y nos acompaño por Benavente, visitandu os monumentus da ciai, con documentás explicaciós, y fendu unha pará en o Casinu, do que e sociu, que e un edificiu magnificu y con unhas instalaciós que nun envidian a cualquel club de importancia. Acabau o “tour” turísticu en un magnificu Palaciu que e o Paraol de Turismu, nos invito Fontinova a sua casa pa tomal tranquilamenti un viñu, según idia .
En sua casa, un estupendu edificiu de tres plantas y sótanu, nos esperaba Isabel, suya mullel, que nos recibí muy cariñosamenti agradecendunus a visita, por sel do lugal y do Foru, ya que poica xenti vay por alí. Fontinova nun ten pichorra, pero si ten un sotanu muy eleganti que ei me atrevu a calificalo de unha magnifica “ bodeguilla” dotá de peira o fogu con chimenea y ben surtia de viñus selectus; asi que ali, acomàñaus tamen de sei fillu Javier, de agradabli conversación y boa man pa tocal a guitarra clasica, fomus agasajaus con unhas botellas de bo Ribera y surtias viandas que nos fideran permanecer en aquel acolleol lugal hasta ben entrá a noiti en que fomus acompañaus hasta dondI nos hospedábamos pa siguil o dia siguienti “ peregrinandu” a Santiagu.

Fayu esti relatu extensu, pa recoñocel y agradecel a amabiliai de Fontinova y familia, sabendu que disfrutorin tantu como nosotrus compartindu viñu y cumia y pa da a coñocel a aligria que hemus sintiu os visitantis vendu o ven que vivi aquela familia.
Esperu correspondel algun dia a tanta amabiliai y deseu que sea prontu.
Soidi pa tos y pa a fala. Chitu.

Chitu:

Celebru qu’haiais chegau a caxa ben. Tamén lamentu, o ma tempu qu’habeis tíu por Galicia. Pues, cuandu se sai de caxa pa disfrutal d’un fin de semana largu; o que máis se desea, é, qu’o tempu t’acompanhi.

Soi ei, i a minha familia, quin te dá as gracias por habelnus honrau cona vosa vixita. Pa noxotrus, foi un auténticu placel compartil esi momentu con voxotrus i disfrutal da vosa companhía. Esperu pues, nun sea a última ve qu’o faiamus.

Nun quixera concluil: sin fel un-ha mención a Elena (filha de Chitu). –Dagala sensibli, amanti do arti, i de amplia cultura. Desdi terras de Dª Urraca, l'envíu un forti abrazu. Abrazu: que faiu extensivu a os pairis.

Soidi a tos.