San Martín de Trevejo - Caceres

Divan cazandu,era tardi...
feya calol..dias de veda...
estaba pessau o airi
y a misma naturaleda
paricía estal caleita,
uliveiras y baldíus
en a ezquerda y a dereita
estaban comu durmius
comu si eitaran a sesta...

Os morrais muy vadíus
y as botas con viñu quenti
millol eital un "aníu".....
tiñan os tres en a menti,
y de prontu,de repenti,
salta..corri...vola o cuellu,
y se meti en o albañal,
se ve que estaban ya vellus
nun le do tempu a tiral,
de na valin os consellus
dos vellus en o lugal....

Eran os tres cazaoris
Javier,Julián y o Varilla
o mecu aquel, de Castilla,
que agora ya son mayoris.

!!Saqueio d´a gazapeira..!!
vámula a meteli un pau...
!!tapeili con unha peira,
nun saya por otru lau..!!!

Y que si qué Catalina
o cuellu que nun se movi...
Ya oscurecendu declina
o sol,cirquita d´as novi....

Y Julián tuvu a ocurrencia
que Manolu y que Javier
chegorin a comprender
dispois que foi imprudencia,

Se foi a por gas butanu
y le enchufó toa a bombona
tan temerariu y humanu
y maldai de boa persona
que le eitó un mistu incindiu
y !!BUNNNN!! queorin os tres..
enterraus,a o revés
que o cuellu,que sei pa fora
mais volandu que por pes.

Homis que sabin cazal
tenin que sel mais prudentis
dexial as coixas pendientis
y os cuellus en o albañal.