San Martín de Trevejo - Caceres

Ei comu bo amanti da nosa terra y cultura mañega nun teñu mais remellu que fel una llamá a toas aquelas persoas que estén de acordu coinmigu en que ca vez estamus piol. Me refieru a que poicu a poicu están desaparecendu as nosas tradicios, coixa que fai que muta xenti ya nun se acerqui a Sa Martin porque nun ten niñun alicienti. Queru idil, tal y comu o veu ei, que por ejemplu estas Naviais ha vindu muy poca xenti de fora, y creu que unhas de as rados mais importantis e que ya nun se toman as uvas en a plaza comu antis. Claro ya fai dos o tres anus que nun deixan fel fogu en a plaza, y para muta xenti isu era suficienti para acercarsi a plaza a tomal as uvas.

Otra coixa que tamen reivindicu son as capeas en a plaza. Aquilu si que eran capeas y animación. Agora cuandu se fain pali arriba son poicus os que se acercan a velas, y o jolgoriu da plaza que tantu añoramus nun ten na que vel con o de agora.

Bueno sin mas solu queru que se reflexione un poicu sobri esti tema. NOS ESTAMUS CARGANDU AS TRADICIOS.

SOIDI PA TOS

Si un pueblu perdi as suas tradicios perdi a sua identiai, algu de istu esta pasandu en San Martin de Trevejo. Bien de Interes Cultural(eslogan pa vender y pa poicu mais)

Ni pa vendel siquera. A a alcaldia sa sudan os negocius do lugal; claru quedo istu cuandu quitaran as capeas da plaza, que antis atreian llenti a 4 o 5 baris y ago solo a un (o da piscina), y en muta menus cantiai (diga o alcaldi o que diga).

Estoy completamenti de acordu. Ei por ejemplu ya nun voi a vel as capeas y ya nun tomu as uvas en a plaza. Y cumu ei muta xenti.
E un apena que a plaza haya dexau de sel un sitiu de encontru y haya queau solu cumu "escaparati"...

Que radon tendis. Que pena me ha dau vel a plaza estas Naviais, ali faltaba algu , que son a aligria dos quintus compartia con a xenti do lugal que se acercaban a tomar esas uvas y a quentarsi en o fogu tan tradicional, y nun esi arbul mais ben ridiculu que hemus tiu esti anu que o puiria sustituil "que pena de plaza" , tan linda y que nun sepamus sacali mais probeitu pa o ven de to lugal. Y ya de as capeas nun digu na, que salta a vista que dondi has fain agora nun le chega ni as meyas solas de cumu eran antis. Y esis mazetos y esis cochis estorbandu, y tantas y tantas coixas mais que poicu a poici nos vain canbiandu. PERO CUANTAS BOAS TRADICIOS HEMUS PIRDIU EN POICUS ANUS y que naidi haya puiu fel na por impidilo.

"SAN MARTIN DE TREVEJO" "PUEBLO DE INTERES CULTURAL". a esti pasu ni bai a tel ni interes ni cultura, ni tradicios. Menus mal que inda nos quean as pichorras, esperu que nun nos as prohiban tamen.

Un saluu pa tos/as os furistas y mañegus/as de boa voluntai que miran por o ben do nosu lugal.

Y o mercau en a plaza...
O programa de reabilitacion de a plaza, si existi, se tiña que habel feitu de maneira funcional respectandu as tradicios, a arquitectura y a circulacion peatonal y motoriza. Isu de prohibil to es que nun se a pensau en as solucios. NUN POEMUS DEIXAL MATAL O NOSU LUGAL.

Creu que debu opinal sobre os temas que se tratan en esti apartau a ver si he verdai que as nosas autoriais nos leen y, atendendu os radonamentus que aquí se fain, toman nota. ¡ hojala !.
O sintu, pero nun soy partidariu de que duranti unha semana esté meyu lugal cheu de porqueria, sin royu y a plaza oculta, sin poel disfrutar por as notis das terrazas, por un espectáculu, que, aunque nos gustin os toirus, ten poicu de atractivu por que o que se fai e correl parriba y pa baisu y ya está.Isu tamen se poi fel dondi se fai y o que se puia,era tratar de tel a alguin que, dispois de correl as vaquillas, un maletilla por ejemplu , por lo menus, toreara algu, o otru, ¡ nun me digais que e toreu home !.

Estoy en contra de que se prohiba fel o fogu dos quintus en a plaza, isu si, hay que sacrifial un poicu y si se mancha a plaza, se limpa o se espera, como toa vía se ha feitu. Si trairía otra ve a xenti a comel as uvas en o fin de anu, o a tragalas o a atrangantalsi, pero e unha tradición que nun debibia desaparecel, o que si debian de desaparecel son esis faísimus macetos pa que se poa pasal pero nun detersi mais que os autorizaus (carga y descarga y emergencias).
E a miña opinión, tan boa y valida como a de os que no etán de acordu, solu que a miña e millol por que e miña ( e broma). Se vos salua. Chitu

Pa conserval as tradiciós do nosu lugal hay que empezal por recuperal a plaza, o "forum" dos romanus, a plaza pública, o mercau, o foru, o lugal dondi se fai a vía pública y dondi a xenti pon en común o día a día das suas vías.
Desde fai tempu a plaza ha deixau de acollel eventus tan importantis pa a salvaguarda das nosas custumbris cumu son o fogu dos quintus, as capeas y o que consideru mais importanti y qye se celebra una vé por semana: o mercadillu, esencia de cualquer plaza do mundu, lugalñ de encontru y desencontru. Creu que é muy tristi que as persoas mayoris que vivin en o lugal teñan que subil y baixal costas innecesariamenti pa poel chegal hasta o lugal dondi se situa oiji o mercadillu.
Cumu está deixandu de existil a plaza , o foru do nosu lugal, oiji creamus y creemus en esti foru mañegu... ¡larga vía a tos os foristas!

Rixileti:

Planteas o siguienti:
Fogu dos quintus.
Que "estas Naviais ha vindu muy poca xenti de fora...purque nun se han tomau as uvas en a plaza cumu antis"
As capeas en a plaza.

Aqui pa nun repetirme suscribu o que didi "Chitu" respestu a o fogu; de as Capeas abogu por a sua total desaparicion.Na de capeas que resultan carisimas y esas perras que se utilcen pa activiais dos dagalitus(too tipu de talleris) deportivas y culturais pa o restu da poblacion.

A miña adhesion total hacia os que se manifiestan a favor do MERCADILLU en a plaza, "O Parral" "Zaparrostru"

Y por aportar algu:

Me informo Mingu (Domingo Frade) que a tradiccion de fer fogu en a plaza arrancó en o anu que nacei Silvestra, faira unhos setenta anus, os quintus pasandu friu dibiu a nevá agarrorin furnixa do fornu de tiu Roman y o de miña aguela Encarnacion.Segun Mingu, en estis últimus anus dibiu a gran cantiai de leña,mais de un tractor, as chamaras eran tan altas que había piligru de incendiu.
Propoñu que se INSTITUCIANILICI que sea o AYUNTAMENTU con a colaboracion dos quintus os que asuman a responsabiliai aunque de esta maneira sea un fogu "light". Con meyu tractor de leña, area en o solu, felu donde se pon o arbul de naviai, centru da plaza,
fora os macetos y unha mangueira en o pilon, pensu que puiría ser unha solucion.E unha proposta.
Cuandu ei entrí en quintas fidemus fogu con nun mais de dé troncus de robli.

Logu:SI A FOGU con as limitacios correspondientes

O de comer as uvas en a plaza e unha costumbri de estis ultimus anus, me pareci muy ben, pero nun creu que haya influiu pa que nun veña a genti a o LUGAL. Esti anu nun habia fogu y a plaza estaba chea
y bebendu cava.A mi asi me ha pareciu, comparu con os tempus pasaus, nun habia custumbri de tomalas en a plaza.

Bos dias.
Chenchu

O fogu dos quintus dos ultimos anus ha siu ridiculu, por que nun ha pasau en niñun casu de dois remolquis, cuandu fai 15 o 20 anus se feian fogus de hasta 6 remolquis.
Dili a señol Mingu "Catedraticu" Mangas que disimuli un poicu mais, que se le ve o plumeiru.

A o fogu en os ultimus anus se le han postu trabas por que distintus vidiñus da plaza se queisaran, y por quedal cumpliu con unus, se pusu o alcaldi en contra de otrus. Por sorti a situacion se le ha diu das mas en os ultimus anus; si cree que va a compral a naidi con fogus artificiais o con ceas de chantagi, esta muy cunfundiu.

O anu pasau, por ejemplu, se le propusu a Maximo que os quintos fideran un fogu de un remolqui (cosa que paso asi), y una vez colocaus os paus, se eito pa atras. Esti anu directamenti, basicamenti "por os meis collos", nun se fidu fogu, por que o señol alcaldi "o paso muy mal o anu pasau con a sua familia o dia de anu novu". Con esti homi ni se radona ni na. O unicu que podemus esperal a que se acabi a legislatura y eitalo, cosa que esta canta.

Menu idealismu y mas accion. Votu util en 2007.