San Martín de Trevejo - Caceres

En primer lugal queru idili a miña prima segunda Maribel,que he sintiu muy cerca a morti de sei homi Luis.Era lagarteiru bo,num presumiu,sincillu,cercanu,amigu del fel favoris a tos,se desiaba querel,buscaba amigus y con esi cartel tan recuñuciu,se nos ha diu tan prontu.Que a sua dispia que me han ditu que foi multitudinaria,sirva comu sempri ha siu,lagarteirus y mañegus se sigan querendu mais.Chenchu,acerca a tua hermana y familiaris a nosa condolencia.Era muy boa persoa y seguru que tardaremus en ulvialo.
Siguindu en esti capítulu tristi,tamen aproveitu pa ideli un adios y un agradecimentu a Inés,mairi de Angil y tamena os familiaris de Sebastiana.Foran mininas,mozas,mairis y aguelas que trazorin y viviran un tempu entre noyotrus.Si hay ceu,alí tamen tenin que estar.
Ayel un poicu mais tardi,chamaba ei a mei fillu Gonzalu pa preguntali pur dondi diban y me disiu que pur a revoltas de o Cabezu,que entre niblinas estaba vendu as ludis dos tres lugaris.Ei pinsí,!Que bo e,que pur habel naciu alí,meis fillus y netus,rompan con a rutina de as ciais y se acerquin a buscar tranquiliai y godu en os mismus sitius que tu has viviu.Nacel en España ya he un privilegiu pero si encima he en San Martin ya he o remati.Noyotrus que fomus os ultimus en levar rachelas en o pantalón y apostar con a pilila a o airi pa vel quen eitaba as miyas mais largas cuandu don Ciprianu nos soltaba a o recreu y tamen os que aviyábamus a don Eduardu cuandu chegaba o últimu riquitu pa que empezara a misa,temus mutu que idel y que contal.Con isu trbutaremus honor a os que sufriran y se foran y pa que nunca se volva a repitir.Cave que entru en o foru,me alegru que veñan generacios novas empurriandu pur o lugar.Os notu preñaus de mañeguismu,están puñendu cartel en o mundu de que San Martin existi y que entre tos,de fora y dentru,o temus que fel millol.Gracias furistas,paiyanus.Paseio ben,alreor de esi cordeiru.Brindei pur os que ya num están,pur os que están fora,pur os que están cargaus de boas intencios.Ei a mei cuñau CHITU,le dí un-as NARANYAS que él mismu didi que sabin a LANGUSTINUS.Ei que as veu nacer desde o azahar,sabin que miña intención con elas nun he fermi ricu,he alegral a boca de quin as proba.Hoiyi sé muy ben o distinu que levan.Que vos aproveiti y que sempri sigais sendu boas persoas.
Desde esta Ciai,que tan ben me ha recibiu,vos recordu y vos doy un abrazu.

SOIDI

Ei queru tamen Felicitar o anu Novu a tos os mañegus y mañegas que estais fora de esti rincón tan bonitu dondi temus a dicha de vivir, que se chama San Martin.Que tos dispiais o anu y recibais o Nuvu Anu con soidi,aligria y paz, que sea mmillor inda que esti que terminamus.
Me alegraria mutu dar un abrazu a tos os que estais fora,entre elis Fincacha 41, Chunita y mutus y mutus mais que nun recordu. En a festa de o Cordiritu,brindaremus por tos os que nun pois estar, y tendremus un recordu pa os que nos miran desde o ceu, comu Cancheira(q,e,p d).Creu que vay a ser un dia muy bo,mais que por o que poamus comer,por estar tos reunius y cambiar imprsios ,nuncreu que pasemus fomi, pues mentras haya patatas nun hay pena.Reiteru miña felicitación a tos deseandu que o ANU NOVU veña cargau de Paz, amor y aligria patos.
Un Abrazo patos y Aupa o Mañegu
El Salto

Bos dias Foristas, Mañegus y Mañegas:
Nun sé quin eris "Fincacha41", pero creu que nos debemus coñocel, ya que falas de D. Ciprianu y D. Eduardu.
Efectivamenti, entoncis cuandu tíñamus, mais o menus de 5 a 9 anus, levávamus postu "Calzonas" y algunhos tiñan a "rachela" atrás. Tamen cuandu séyamus a recreu de a Escuela, apostábamus a vel quin tiña a misiá mais grandi. Coisias de pequenu.
Bueno Fincacha41, pol o que escribu en o "Foru", tu sabrás quin soi ei; a ver si tú tamen nos dás unha pista.
Bueno que teñais toos Boa Seida y Entrá de Anu y que teñamus muta soidi, paz y aligría y cumu didi "O Salto", con patatas nun ai penas; y falandu de patatas, ayel me tiña a mullel un "allu de patatas con bacalau", que repetí duas vedis.
Chalrrieira

Nun ves, amigu Chalrrieira, que esti homi é cuñáu de Chitu (él o didi), que vivi en un-ha ciai (nun el A Ciái), y que ve nacel as naranxias desde o azahar.
Blancu, migáu y con cucharis alreol (pues isu:leiti migá).
Que teñáis bô día, y tamén (cumu nun poi sel de otra maneira),boa seida y entrá de anu.

B_RODAS

Desde debaisu dos portais, cerca da porta tras a que se divisa hasta a ventan da sacristia, ya en o lugal, como poeis vel, vos deseu a tos que teñais muta soidi que entreis en o novu anu con muta feliciai y a mateñais nun solu o 2.009, sinon tos os anus que venin. Un abrazo pa os de fora, por que a os que tenin a sorti de estal aqui, lo daré, como a canción, entre copa y copa. Verá a El Salto oixi pa ofreceli meis serivicus de cara a proxima reunión do dia 3.Soidi a fala y, coo sepris, un saluu de Chitu

Estimau amigu Brodas. Esi párrafu que comentas, nun había estudiai ei y pol isu dudaba, pero ya sé quin é. É de o tei Gremiu. Tamen empezastis a estudial o mismu, pero logu cambiastis a Carreira. Queru recordali a "Fincacha41", que pol o mes de Junio de o anu 1964, nos encontramus, por casualiai, en unha Calli de "Melilla". Estaba cumplindu o Servicio Militar en "Regularis" de aquela Capital y ei diba con un amigu mei,y estabámus embarcaus en aquela época.
Tamen amigu Brodas queru idelti, que somus a o mismu tempu Tius de os mismus subriñus, así que fíjati, casi de familia.
Ademais, tamén recordali, que nos dó Clasi en a "Escuela de Adultus" unhos días, porque D. Ciprianu, nun pu dil y falamus de "empezal" con palabras de o "Diccionariu" y de o potencial que tiña Rusia, económicamenti falandu, y de as "Algas Marinas", pa o futuru comestible y otrus productus. Creu que o recordará.
Soidi a Fala. Salú y boa entrá y seida de anu pa tos.
Chalrrieira.