San Martín de Trevejo - Caceres

A pexar de os avancis de a sicología i a pedagogía, inda sobrevi unha corrienti cerril, corrienti de opinión de esti Gubernu, que cree pusibli unha especie de "pedagogía técnica" o "tecnología", sicológica educativa, capaz de "conformal" (educal o instruil) a algun por a simpli aplicación sobri o educandu de forzas o influencias externas coercitivas sabiamenti dosificas i administras por o educaol.

Esti mitu pedagógicu expostu de maneira ejemplal por Unamunu en sua novela, Amor i pedagogía, carga as tintas enha posibiliai de "construil homis" de o tipu A, B o C por o suministru de certu "tratamentu" a os dagalitus, de o mismu modu que as abellas indudin a transformacion de suas larvas en abellas de tipu A, B o C, dosificandu as jaleas con que as alimentan.

SAN PEIRU XIV

NOTA: Defendel o modelo estatalista (inscontitucional) provoca que según quen ocupio poel, así serán educaus nosus fillus, claru, quienis asi pensan nun han previstu que si mañana existi un gubernu integrista religioxu se apropie igualmenti de o dereitu de educal a os dagalitus en seis fundamentalismu o en seis dogmas. O dereito a deducación é de os dagalitus, a libertai de educación de os pairis, i oglibación de prestal os meyus pa ilu, de o Estau, nun existi ni a libertai ni o dereitu a educación de o Estau.

Menus Pin i mais Pan en educación.