San Martín de Trevejo - Caceres

Boas tardis Foristas, Mañegus y Mañegas:
Ei queru fel un pequenu homenaji a un amigu y compañeiru de a Escuela de D. Ciprianu, que se chamaba Jesús Martín Paino (q.e.d).
Fai unhos días estuvi leendu unhas poesías de Gabriel y Galán y me recordó que "Chuchi o Solano", cumu toos o cuñuciamus, recitaba de vez en cuando a siguienti poesía:
Hombres de mi Alqueria
custodios fieles de la
hacienda mía, los que vais
encorvados detrás de los
arados....
Que sirva de homenaji y creu que mutus de o foru se acordarán de él, pues morrei en Oviedo en o anu 1973 ó 74, pero ei o recordu por esta poesía.
Soidi a Fala, Mañegas y Mañegus.
Chalrrieira.

Que bunitu que te recordin,e una forma de permanecel en o tempu.
Os Solanu son boa genti,de gran corazun,recordu con mutu cariñu os dias que pasabamus yuntus en o fornu.
Forti abrazu

Chalrrieira, esta tardi estás sembrau!!!
A esi Jesús que nombras, te diré que si o coñozu, y teñu que rectificarti en a fecha de fallecimentu, foi en eneru do 77. O sé de certu porque era familia miña.
He ben bonito o detalli que has tiu, te has acordau de él y nos as feitu participis a tos, ya nos gustaria a caún que nos recordaran así...
He liu o que le contas a o amigu capitan centenu, de cumu te acordas de que antis que inaguraran o cuartel do lugal, quei una gran nevá y de cumu jugábais con a nevi.
Hay unha fotografia, creu que está en o foru, de a inaguración, en ela say miña mairi, juntu con mutas dagalas de o lugal, vistias de moza, que guapas están toas.
Deduzcu por estis detallis que comentas, tantu de o Solanu, cumu do cuartel, que ya vas por ei arriba, jejeje ¡Ojo! que nun digu que seas mayor, se ve que tes un espiritu muy jovin y que te gusta compartir con tos, vivencias y recordus, isu está genial, y dondi millor que por esti meyu de comunicación entre tos.
Bueno me han encantau os teis relatus.
Un abrazu pa ti y pa tos os foristas.
mye

Ei tamén me acordu de Chuchi Solanu, Solanitu como idiamus, muy, pero que muy amigu mei, tantu que ei creu que foi dos primeirus a quin le confesó que quiria selsi do Semninariu, le gustaban as dagales tela. En fin un malvau accidenti de traficu so levó por deyantr. Boa persoa y traballaol pa sei pairi en o fornu to que daba desí, bo landión, que diba con a camisa por fora como está mandau y bo comensal po que fora. En algunhan comilona que feyamus, como por ejemplu comel unha lata de mejillós en a boiga ( menú festín ) o sei pan salvaba a cuestión da escasé¡ Que tempus !. Bo acertu a o recordalo. Un saluu pa tos y soidi a fala Chitu.

Amigu Chalrrieira:
Ya ves que te didin que vas por aei arriba, tú verás.
Recordandu a Chuchi Solanu, tamén foi amigu mei, estudió en o Seminariu de a Ciai en o cursu 1958-59 o primer cursu.
Dispois, cuandu o lugal pasó a sel d´a diócesis de Coria, estudió en o Seminariu de Coria, desde o cursu 1959-60 (2º) hasta o cursu 1961-62 (4º), en esi tempu coincidimus en esi Seminariu, y eran tempus bôs.
Tamén estudió 5º, pero en esti casu en o Seminariu de Cáciris en o siguienti cursu.
Era un bô amigu, y me alegru que Chalrrieira, que ya veu que goda de un memorión, o haia treidu a colación.
Salual a os novus (máis ben creu que son novas), y p´aiantri con o mañegu, que algun-hos chaman tamén "a fala".
BOAS NOITIS
B_rodas