San Martín de Trevejo - Caceres

Boos días Foristas, Mañegus y Mañegas:
Estimau amigu Chitu. Recordandu, recordaundu... estis días, he chegau a conclusión, que unha vé, ya sendu mais jóvinis, debiriamus tel entre os catordi y dedaseis anus, alguin nos propusiu, antis de entral a Misa en aquel Dumingu, que seiramus a pil, porque era pol unha boa causa. O casu e que aceptamus tú y ei. Nun recordu o motivu, pero sí que efectivamenti o fidemus. Os Mañegus y Mañegas a vernus pil en a Misa, se sorprenderan mutu y en vista de de aquilu, sacamus mais iñeiru de o normal. ¿O recordas?.
Que coisas me recordan a miña Memoria, pero foi verdais.
Soidi a Fala, Mañegas y Mañegus.
Chalrrieira.

Amigu Chalrrieira, tes unha memoria prodigiosa, por que ei nun me acordu de esi detalli, aunque si tu o recordas seguru que foi asina. Ten en conta que ei me foi a estudial a Mairil con quindi o dedaseis anus, a fel o bachiller superior y estuvi ali dois anuns por lo menus, en esi interin creu que tu te fostis pa a marina y como,ditu sea de pasu, me levas algún anu, comu ei era mais pequenu, o recordu piol. En fin está ben recordal, por que do que si esto seguru e que ei me perstaba a esi tipu de coisas, seguru. Ei si te veu baisandu por a costa de San Xuan con a faca cargá de furnixa o leña, esa imagin si teñu y xugandu a o balón tiru en a plaza y dindu a cácris a cumpitil y en o falagi. pero ya a chuviu desde entoncis. Tempus aquelis, Un abrazu y animatí dil por o lugal.Soidi pa tos, Chitu.

Boos dias Foristas, Mañegas y Mañegus:
Amigu Chitu: Desde logu ei soi un poicu mayol que tú, tal vez dois o tres anus.
Te contaré un poicu de mi. Ei sei de a Escuela de D. Ciprianu con tredi anus y mi pusi a traballal a faenda de meis Pairis; labral, acarreal furnisia pa o fornu, etc. hasta os dedaseti anus y meyu pasaus que me foi pa Marina, o novi de Juliu de mil novedentus sesenta y dois que sei de o Lugal. En ha Marina compaginí estudios en as Escuelas de Enseñanza con uniais de Terra y Barcus.
En cuantu a participal con a OJE, foi varias vedis: una con o jugu de Damas que quií subcampeón provincial; otra a correl y unha terceira fomus a yugal a "Balón Tiru", a Plasencia y levábamus a Román o Calamari, que era muy altu y Pacu, fillu de un Guardia Civil, que tiña unha forma de tiral o balón con a man izquerda ben y tuvemus éxitu; ei diba de porteiru.
Efectivamenti, pasí mutas vedis con os cabalus cargaus de escobas pol a calli de San Yuan, viñendu de Siálima.
Soidi a Fala Mañegas y Mañegus.
Chalrrieira.

Se te ulvia idel que oixi, nun se si en activu o non ya, eris un Oficial de alta graduación da Marina Española, que to debi sabelsi, sobre to cunadu as coisas se consiguin con esforzu personal.Un saluu.Chitu

Boos dias Foristas, Mañegas y Mañegus:
Estimau amigu Chitu: Gracias por darmi honoris, pero ei soi unha persoa modesta que me gusta dil demostrandu poicu a poicu a valia personal y profesional.
Ya nun estoi en activo, estoi en a Reserva, por edai, y gracias a inteligencia que Dios me a dau, traballandu honramenti y cumplindo con fideliai, he consiguiu tel unha graduación militar en a Marina de Guerra Española, que me sintu muy orgullosu de tela.
Bueno Chitu, agora hay que pil salú y siguil traballandu con alegria y participandu en esti "Foru", que tantu nos uni y nos enchi o corazón.
Soidi a Fala, Mañegas y Mañegus.
Chalrrieira.

Boas tardis:
O Milanu, que aunque nun escriba en esti foru de forma habitual, sempris que ten un ratu, estra y leel o que otrus han escritu, se asombra de a magnifica memeoria que ten o tal Chalrrieira.
Mutas das anécdotas que refieri, O Milanu nun as recorda, quizá porquye tendría menus añus, cuandu se marchó de Sa Martín.
Atandu cabus, y por as persoas que nombráis, pareci que sea de una edai paricia a Chalrrieira y algu mais pequenu que o Chitu.
Por certu, o Milanu, cree recordal cumu era o jugu de o Chitu, aunque nun sabi si se refieri a isu cuandu se nombra a tal Chitu.
Clarrieira, homi de una memoria prodigiosa: debis siguil contandu toas esas anécdotas, toas esas vivencias, y así O Milanu, y, me imaginu, que cuantus leen esti Foru, sempris recordarán, cosas de sua infancia y juventú.
Un saludu, forti Chalrrieira: sé quin eris porque o dijistes fai un tempu:
o dagal pequenu de tíu Román o de o fornu en o forti.
O Milanu, sin querel sel recalcitranti, se lamenta nun poel dil a o corderu, cumu sempris acaba idindu, cuandu escribi, mais mal que ben, en este Foru.
Boas tardis.
O Milanu

Amigu Milanu: O foru nos iguala en edai y a que mais y o que menus volvi patras como si nun hubera pasau o tempu, total como nun se nos ve os que nun nos coñocemus personalmenti, nun nos poñemus edai ni nos vemus mayoris. Pareci ser que tes menus edai que Chalrieira y , tal vez, tamen menus edai que ei, na importa. Como nun e puiu identificalti inda nun se si me acordu o non de ti, ya que didis que seistis do lugal a corta edai, aunque si fostis a Escuela. Efectivamenti o xugu do Chitu e aquel que se ha pirdiu pa os dagais de agó, como tantus otrus xugus que nos divertían y precismenti, por estar ulviau caixi, e unha das rados por as que me bautici en o Foru con esi nomi, aparti de que me paricia un nomi guapu y adecuau pa mi por aquilu de estar en o meyu aunque expostu a un petaconado, pero sirvindu, de algunha maneira, de meyaol, arbitru, si ques, pa derterminar cual dos contendientis gaña en unha tirá, función conciliaora que casa con o traballu que teñu en mutas ocasios. Esperu habel satisfeitu tua curiosiai. Lamentandu tua ausencia o dia 3, soidi pa tos y pa a fala, Un saluu de Chitu

Bos dias Foristas, Mañegas y Mañegus:
O amigu "Milanu", sigui volandu y nun nos dá niñunha señal de quen poil sel. Nun te vamus a cobral ná, ni te vamus a chamal "feu", aquí, cumu didi "Chitu", toos somus amigus y temus a misma edai y nos gusta recordal algu.Nos gustaria que supéreramus, por ejemplu: ¿por dondi viviran teis pairis en o lugal? o de qué familia eris, mais o menus pa poel conversal contigu sobre algún tema en concreto.
Voi a recordal algu. Estandu embarcau en un barcu muy grandi, en o anu 1967, se me acerca un Mariñeiru y me didi "ei te coñuzu", tu eris de San Martín de Trevellu y empezamus a falal y era un tal Eugenio, que nosotros le chamábamus "Eugenio o Gordu" y vivía paquelas callis de o Hospital de o Lugal; tamén se foi con seis Pairis de pequenu pa o Norti. Nos fidemus un "retratu" o dia de Noiti Boa de aquel anu que o pasamus juntus. Nun e voltu a sabel ná de él. Creu que se apellidaba "Pérez".
Otru que cuñucí en aquel anu, era un tal Clementi, que eran tres hermanus y vivian por encima de Tia Candela a Mairi de "Manin" (Román Pérez Fernández). Se dedicaban mais o menus de Pastoris de Cabras y foran a Escuela de D. Cipriano. Esti vai mutu pol o Lugal y pregunta por mi.
Otru que cuñucí ei, foi "Un Carriza", que vivía tamen por a Calli "Hospital" de o Lugal. Estis eran varius hermanus/as y se foran yóvinis pa Mairil. Pues foi un Pa Marina en Ferrol; me buscó y dó tamen conmigu.
Estis dagais que diban a Marina, sabian que de o nosu Lugal habia persoas prestando serviciu y se interesaban por dondi estábamus y daban con nosotrus.
Bueno amigu "Milanu". Gracias pol idilmi que teñu voa Memoria. Otru día recordaré a "Manolu" o fillu de o "Carteiru" (q.e.d. os dois).
Soidi a Fala, Mañegas y Mañegus.
Chalrrieira.

Boos dias Foristas, Mañegas y Mañegus:
Teñu un "lapsus", que queru remeyal de o anterior "recau": Dondi digu "Eugenio o Gordu" queru idel: Eugeniu o Topu", era cumu le chamábamus a esti Eugenio que queru referirmi. Hay un Gordu, que se chama Vicente Gordo Caballero, que esti tamen era amigu y ha estau pa o Norti mutus anus, esti si era "Gordu" de apellius y vivía pa o Chafaril.
Soidi a Fala, Mañegas y Mañegus.
Chalrrieira.

-Creu, que te equivocas de novu.

Forti abrazu.

FONTI NOVA

Amigu Chalrrieira:

Busca ena galiría do foru a siguienti fotu:

Títulu: "A juventu to dia de festa"

Autor: Chon

Foto tomada: 1960 [fotu antigua]

Ena primeira fila: d'esquerda a dereita da fotu,o qu'está eno centru partindu de Liberatu i que fai o númeru cuatru.-É esi o Eugeniu o cual te refieris?.

Si é así,logu comentamus quin é esti manhegu;así, comu o restu dos que componin esta fantástica fotu.

FONTI NOVA

Boas tardis Foristas, Mañegas y Mañegus:
Teñu un error a chamali Eugenio Gordo Caballero, cuandu en realiai e Vicente Gordo Caballero, sei Pairi si se chamaba Eugeniu. Esti vivía pa o Chafaril y yugaba mutu con os dagais de Torris. Pero ei nun me referia a esti Eugenio.
O Eugenio Pérez (o topu), a o que me refieru, que así le chamábamus, foi a Escuela de D. Ciprianu y mais de unha ve estuvemus yuntus en o mismu Pupitri; hay que sabel que os Pupitris tiñan entoncis dois asentus. Esti Eugeniu, vivía por a zona de a Calli Hospital y se foi pa o Norti con seis Pairis y hermanus cuandu tindría 8 ó 9 anus.
Pues estando ei embarcau en El Ferrol, en o anu 1967, coincidimus y nos volvemus a encontral; pero dede entoncis ya nun se ná de él.
En cuantu a o Retratu de o anu 1960 "A Juventu to dia de Festa", amigu Fontinova, ei coñozu a toas as dagalas y dagais, mais o menus de a misma edai que ei.
Os que están en posición de "a rulla en terra", de izquerda a dereita son: Liberatu Carretero, Alejandru o Canchán, Paulu o Patatu, Eugenio o Magalla, sigui Ninu o Enanitu, o Quijoti (q.e.d) y o que está de pe e o Emiliu o Taponi. (Falta un dagal que nun o recoñozu ben).
Soidi a Fala, Mañegas y Mañegus.
Chalrrieira.
PD. FONTI NOVA. Me habian cambiau a Pass y nun me desiaba entral en o Foru de o Lugal. Me ha enviau un correo "Foro Ciudad.com" y ya poyu entral y traballal.

Amigu Chalrrieira:

-Sigu, sin sabel a que Eugeniu te refieris.

-Si diba a escuela de D. Ciprianu: i vivía por a calhi hospital,tindría que recordalo.Claru está,que a naturaleza cona minha memoria; nun ha síu mui generoxa que digamus.

Me alegra qu'o Admín,t'haya solucionau o problema.

FONTI NOVA

Teñu que ali a adon a Calrreira, Eugeniu era, efectivamenti, un dagal que vivia detrás da da Igleixa, baisu, renu, con os dentis dayantri separaus y o pelu rizau mais o menus. Nun se de que familia poi sel, pero me acordu de él y le camabamus Engiu o topu. Nun ha voltu a o lugal desde que se foi,sinon o sabria por que, aunque era un par de anus mayor si me soa mutu sobre to cuandu, antis do falangi se xugaba en o llanu da igleixa a o fronton y a futbul. Fai memoria. Un saluu pa tos y soidi. Chitu

Boos dias Foristas, Mañegas y Mañegus.
Estimau amigu Fonti Nova: Creu que o amigu "Chitu", ya te describi cumu era Eugenio o Topu y a o mismu tempu me respalda idendu que se acorda de él y efectivamenti; nun se ha voltu a vel pol o Lugal desde que se foi con seis Pairis y hermanus.
Tiña una cabeza pequena, de corpu forti y regordeti, (non gordu),de basia estatura y de muta moviliai en too corpu. Creu que seya con Colás (Nicolás Pérez Antúnez): ésti vivi pol a zona de Barcelona.
Bueno Soidi a Fala, Mañegas y Mañegus.
Chalrrieira.