San Martín de Trevejo - Caceres

Como tos os anus por estas fechas, promuviu por a Casa de Extremaura en Sevilla, se celebran; a matanza tradicional - esta ya paso con mutusima asistencia y exitu en a localiai de Azuaga - y , en a noiti de ayel, a cea de San Valentin, en a que se otorga a unha personaliai o Institucion , por acordu de a Xunta Drectiva de la Casa de Estramaura, o premiu Giralda-Encina, maximu galardon que a Casa concedi por meritus recuñucius en pro de Extremaura y os Extremeñus. Esti aun, o galardon ha correspndiu a o famosu queixu “TORTA DEL CASAR”, exquisitu productu de esmerá elavoración que exhibi sua extremeñiai por to mundu con clamorosu exitu gastronomicu.
A cea se ha celebrau en o famosu tablau Flamencu “PALACIO ANDALUZ”, cuñuciu internacionalmenti por os magnificus profesionais que alí actúan y que nos amenizorin a suculenta cea que se compuxu de , jamón extremeñu – un platu pa ca dois- meya torta pa ca cuatru, frituras, empanás mozarabis ,cocktel de mariscus y, a elegir, salmon o medallon de solomillu de buey; to sirviu con esmeru y regáu con viñu extremeñu “habla del silencio”. Solu Gonzalu ( fincacha pa o foru y Presidenti pa a Casa) he capá de conseguil que o cubertu custara 42 € a Casa colaboró con 12 € asi que o preciu foi de 30€ pa os socius. Estas coisas hay que contalas, pese a que a mais de un, con sana envidia, se le poñan os dentis largus.
Ago vos voy a notifical que, a propositu de os recuñucius méritus de Fincacha, tantu en a Casa de Extremaura, como fora de esi ambitu, en tornu a promocional, potencial y querel desiteresamenti a Extrenaura y os extremeñus en general, o Axuntamentu de Guadalupi, con a concurrencia de un montón de Municipius de Extremaura, sobre to de Badajoz, ha propostu a Gonzalu, pa que, por a Xunta de Extremaura, se le conceda a MEDALLA DE ESTREMAURA o proximu anu. O nosu lugal, en un plenu ya celebrau tamén se ha uniu, por unanimiai, como os otrus municipius, a esta petición. Asi que, como quera que cuantas mais adhesios haya, mais posibiliais habra de conseguil a condecoración, to aquel que queira unirsi a esta peticion, en o lugal poi felo firmandu un impresu que ya tenin en o Axuntamentu o ben, os que esten fora do lugal, enviandu sua adhesión a o correu info@extremaduraensevilla.org. Muta soidi pa tos. Chitu

Gracias "chitu" por o mensaji: muy claru y entritiu.
Esperamus que le sea cuncidía, é de justicia, a medalla de EXTREMAURA a "fincacha".
Un abrazu
boas tardis