San Martín de Trevejo - Caceres

Esta manhán,he estau falandu cono Lugal.
-Collós!!. Si,enalgún sitiu sabin fel as coixas ben; esi é San Martín.

-Poro que m’han contau, ha síu algu extraordinariu. Por tos laus,había pichorras abertas invitandu a to mundu a qu’entrara. Eno hogar dos jubilaus, había aperitivus pa paral un tren. A viyua, invitó as amas de caxa obsequiandu a estas conun-ha gran tarta.Tamén, obsequió conotra a os jubilaus –por sel centenaria suponhu-. -O, que nun deisa de sel un bo detalhi.

-O alcaldi: abrí as portas da sua pichorra, pa que to aquel que quixera entral a bebel, o fidera hasta ponhelsi contentu. "Toñin": tamén abrí a sua, i por que m´han ditu;o viran subil as escaleiras de caxa axuandusi das mas. ["Aquí,temus ejemplu dun bo manhegu que vivi en Mairil,i que caixi tos os fin de semana se desplaza hasta o Lugal;fendu alí un gastu que ben puiría deisal enotra parti"]. Esperu, nos acompanhi si por esas fechas s’encontra eno Lugal.

O nosu bo amigu "O saltu",nos envía un-has precioxas i entranhablis fotus da procesión;dondi veu a mutus manhegus acompanhandu o nosu Patrón. Comu ya han ditu otrus furistas.Os manhegus, honran a San Martín; conesa soliariai que él demostró.

En cuantu os curdiritus: a coixa ya está hilvaná,serán , dois lechazus sobri seis Kilus i meyu en limpu c’aún,-ideal p’asalo eno fornu,en cazuela de barru o estilu Aranda-.Esperu, qu’alguin tenha boa mán p’asalo así.Pues,é, a manéira máis exquixita de comelo sin queal pexau.

Forti abrazu

FONTI NOVA

P.D.-Brodas!!.-Nun tenhu palabras. ¡¡GRACIAS!!

.