San Martín de Trevejo - Caceres

Os ateus nun creen enha via futura, o prexenti e tó pa elis. Esta reflexión dá unha hurribli clariai sobri a época actual enha que mais que cualquel otru tempu, o iñeiro domina as leyis, a política i as custumbris. Institucios, librus, homis i ductrina, tó conspira a minal a creencia en unha via futura sobri a cual se apoya o edificiu social desdi fai mais de dois mil anus.

Hoxi dil a o énfermu e poicu timiu. O porvil que nos espera mais alá de o requiem se ha transportau a o prexenti. Chegal por un camiñu o por otru a o paraisu terrestri do luju i dos godis vanidoxus, petrifical o corazón i maceralsi o corpu en vista de posesios pasajeiras, comu en otru tempu se sufría o martiriu de a via en vista de bienis eternus, tal é o pensamentu general, pensamentu escritu en toas partis, hasta enhas leyis.

"El libre albedrío fue concedido al hombre para que contara méritos siendo bueno, no por necesidad, sino por libre voluntad" (SAN AGUSTÍN)

Titulas o mensaji o "Ateismu" y logu te vas por os cerrus de
Ubeda. Que ten que vel que as multinacionais, a Banca,patronal
dominen o poer politicu? Isu que as perras dominan as costumbris
o didis tu.
"O milanu" que te entendi, nos aclarara o que expresas y te servirá
pa que tu tamen te aclaris.
A existencia o inexistencia de Dios, as pruebas y demostracios
filosóficas (San Anselmo de Cantebury, Santo Tomás de Aquino)
de a existencia de Dios son vigentis. O actu positivu de demostrar
algu implica inevitablenti o recoñocimentu do dereitu de a hipótesis
contraria.
O ateu é un creyenti arrepintiu, en o fondu é un creyenti de a
inexistencia da Divinai, o un renegau. En lugar de plantearse
sobre a Bondai o maldai. O que importa nun é a sua existencia
importa a IDEA de Dios, o sea, a sua bondai.

"Si Dios ha muerto todo está permitido" DOSTOIEVSKI

BOAS Tardis

DRAE. Ateismo. Opinión o doctrina. Asi de simpli defini o RAE a palabra ateismu. En sintiu mais ampliu, o ateismu é unha actitud existencial que nun recoñoci valor a Dios. Poi habel certamenti, formas de ateismu que nun excluyan sua existencia. Según pensu, as actitudis de o homi ateu se especifican por sua referencia a o valol a Dios o a existencia de Dios. Pertenecin a o primel grupu os que de tal modu enaltecin a o homi que a fé en Dios se fai superflua e incompatibli, os que carecin de toa inquietud religioxa, i os que voluntariamenti se alonxan de Dios o de os problemas religioxus. Enho segundu grupu estan os que explicitamenti negan sua existencia, cuantu nun recoñocin unha pusibli solución a pregunta sobri Dios, i tos aquelis en unha pustura mais radical negan o sintiu mismu de tal pregunta. A génesis i configuración de o ateismu modernu occidental parti de Nietzche, asi comu o naturalismu (Schopenhauer, Sartre, Camus, Heine, Proudhon, Marx, Hartman etc) i se dexarrolla paralelamenti enho procesu de secularización de o critianismu. Hoxi dia o ateismu se ha transformau enhun fenómenu de masas que penetra ca vé mais enha cultura i CUSTUMBRIS de o mundu occidental.

"Cuando el género humano es herido por una gran locura colectiva, por el hecho de ser común y universal no es advertida ni recibida como locura " (PAPIN)