San Martín de Trevejo - Caceres

Estamus ya en octubri y veu que vay o cordiritu muy atrasau,nun sera que cerrumicli nun da pe con bola en a investigacion,o entendiria por a sua convalecencia que le ten mermau as facultais comu detictivi.A Fonti Nova tamen o veu muy calau,de cualquel forma ei cumplire con a palabra da en cuantu a o viñu. Cerrumicli nunte procupis que teñu solucionau os billetis do avion,y o trasporti ao lugal.Bueno asi se las puñian a Filipi II.
Forti abrazu

Estimau Forista "Muñu".
Fai mutus anus, falandu en a carreteira de San Peiru varius dagais de o lugal, mayoris que ei, chegamus a conclusión, que desde o Soitu hasta o Lagal de Peña, hubu dedaseti muñus, que sirvian pa moel trigu, cebá, etc.
Ei chiguí a coñocel dois muñus de moel trigu pa fel fariña: Un de Tiu Segundu o Pairi de Nista y otru de Tiu Ángel, que era tamen Camioneiru, y pairi de Mariu.
Pol isu esti Riu se le chama tamen Riu Muñu, pol a cantiai de Muñus que hubo y Riu Ellas, pol sel fronteira con o lugal de esi mismu nomi.
Unha tardi, sendu pequenu, se me ocurrí entral en o muñu de Tiu Segundu y viñu o Mulineiru, o Tiu Yuan, que era cegu de un ollo y me pegó en o cú, pol a vel entrau en él.
Pregunta: ¿Tu chegastis a coñocel algún muñu de estis?
Soidi a Fala, Mañegas y Mañegus. Chalrrieira.

Nun ten importancia pero cumu se trata de mei tiu Joan, hermanu
da miña mairi,y do muñu de meis aguelus hereau por mei tiu Segundu, que
tos descansin en paz, te voy a responder respetuosamenti:

(".... o Tiu Yuan, que era cegu de un ollo y me pegó en o cú, pol a vel entrau en él"

O sea, que de haber tiu a visión perfecta entoncis te hubiera
recuñuciu y nun te hubera pegau ¿Isu ques expresal?

boas tardis

Que descansin en paz meis aguelus, mei tiu Segundu y mei tiu Juan,
que miña mairi con 96 anus está muy ben de salud.

Boos dias Foristas, Mañegas y Mañegus:
Num sé si recordarás a otru Mañegu que se chama o se chamaba, Nicolás Pérez Antúnez, que se foi pa Cataluña, cuandu era pequenu, con sua Mairi. Ésti amigu de entoncis tiña unha horta cerca de o muñu de tua familia y unha tardi, estandu en a horta, se nos ocurrí entral en o Muñu pa velo, pero sei tei tiu Yuan y me agarró, igual que a un cuellu, y me pegó en o cú, pol a vel entrau en o Muñu. Aclarau.
Me alegra que viva tua Mairi. Ya o sabía; en cambiu nun sé ná de tuas otras duas hermanas y hermanu Cayu.
Soidi a Fala, Mañegas y Mañegus.
Chalrrieira.

Agora si ha queau claru porque tal y comu estaba narrau
nun tiña porqué expresar as limitacios da vista de mei tiu.

Aproveitu pa idilti que has tiu un
lapsus en o pésami a "Pirata":

"Sintiu pésami pa o pairi de Félix, que en gloria esté"

Quin fallecei foi o pairi de Félix, pues será
a él y un a sei pairi (q.e.d) a quin le tes que
dar a condolencia.

Sí, Colás, que vivi en Cornellá y ten un gran taller de
carpintiria de aluminiu. Traballaba y traballa pa
o Ayuntamentu de Cornellá, de aqui ven a sua boa
relación con o que era alcaldi de esa ciai y agora
Muy Honorable, President de Generalitat.

Teñu tres hermanas y nun duas.

Gracias por tuas palabras hacia miña mairi.

bos dias

Boos dias Foristas, Mañegas y Mañegus:
Tiña duda de si eran duas o tres hermanas, pero agora ya sé que son tres hermanas as que tés y o hermanu Cayu.
Me alegra que mei antigu amigu Nicolás Pérez Antúnez, que acabamus aprendendu a Cartilla a o mismu tempu, en a Escuela de D. Ciprianu, le vaya ven pol Cornellá y teña un boo Tallel de Carpinteria de Aluminiu y boas amistais pol esa terra.
Tamen foi amigu de mei primu Álvaru que vivi en Sam Pedor y cuandu eran jóvinis seyan juntus en Manresa.
Soidi a Fala, Mañegas y Mañegus.
Chalrrieira.

...y te ulvias de mei hermanu Alfonsu "Ponchu".
Ah en Sant Pedor vivi Alvaru ¿de quín é fillu?
de esi pueblu o entrenaor do Barça, Guardiola.

boas tardis

Boos dias Foristas, Mañegas y Mañegus.
Nun me acordu de tei hermanu Alfonso "Ponchu", pero seguramenti será mais pequenu que tú.
Pol Barcelona, Manresa y San Pedor, vivi Álvaru, Juan y suas hermanas. Se foran de o lugal muy pequenus pa Cáciris y poicu tempu dispois pa Cataluña.
Esti Álvaro y hermanas/u eran fillus de miña Tia Eugenia, hermana de miña Mairi y Tiu Seidedus (q.e.d). Le prestorin mutu apoyo, en sei dia, a os millizus que foran casi vidiñus teis en o lugal: Juliu y Ramón; Claudiu y otru mais pequenu. Creu que un millizu fallecei en accidenti de tráficu.
Soidi a Fala, Mañegas y Mañegus.
Chalrrieira.

O muñu:

Habíamus queau , qu’eno mismu momentu en qu’o investigaol do foru tuvera a "o muñu" entri as cordas; passariamus a siguienti fassi .-¿Certu?-.

Pues ben, é a fecha d’ohixi , i esti caxu inda está por resolvel. Que nun venha idindu: qu’ está mui ocupau, qu’está recuperandussi da dolencia,que nun ten tempu... Según tenhu entindíu, se pega ca passeu pora playa d’aquí t’esperu investigandu as Vikingas que venin solas a veraneal agora. Ei, le doi o mes d’octubri pa que chegui o fundu d’a investigación .Si transcurríu esti plazu,o caxu nun estuvera ressoltu; se priscindiría do nossu investigaol, i se contrataría a "Hércules Poirot".Esti, é máis caru, peru seguru qu’a "o muñu" o caza.

A o nossu bo amigu "el salto",l’encomendamus a labol d’assal os curdiiritus enún fornu de lenha qu’él conhoza eno Lugal.

Forti abrazu, FONTI NOVA

P.D. Nachitu: ¿se sabi o significau desta estela?.



.

Si mal no recuerdo, hoy es un día especial para FONTINOVA, espero que disfrutes celebrando tu cumpleaños.¡¡FELICIDADES, PACO!!!, ahora no está Nacho, ya te pondrá unas líneas. Que tengas un buen día junto con la familia y amigos, te desean con cariño desde Bilbao.

Nu Vos poñais nerviosus os investigaoris tamen temus " crisis " Y pa quitalvus a idea de distituilmi de o casu, vos poñu os honorarius dos detictives mais famosus que ei, y os meis. Sherlock Holmes.- 1000 libras diarias mais dietas.
Hercules Poirot.- 500 Francus Belgas " "
Comisariu Maiget.- 750 Francus francesis " "
Agencia Pinkerton.-3000 Dólaris+chicli+tabletas de chocolati+ dietas

Tribuleti.- Medalla+ Honoris (Viñu) y curdeiritu.
Nun seais impacentis que o cercu ca ve e mais cercu.Anque o Muño da a entendel que vola mais altu que o Cerrumicli, peru en terra e mais vulnerabli y ca ve vai dexandu mais huellas...... ¡¡Homis de poica fe !! ¿ Que temeis? O Vinhu ya está asegurau y alí (in person) desvelaré quen e O Muño.
Que continuin os preparatorius pa o eventu, que os misteriu ya está resoltu.
Forti abrazu.

Forti Abrazu.