San Martín de Trevejo - Caceres

Bos días a tos,

ya fai tempu que me ronda por a cabeza un asunto que nun comprendu.
En estis tempus que corrin Sa Martin ha criciu mutu y se han feitu grandis coixas que ha dau mais riqueza y valia a o nosu lugal. Restaurantis, casas rurais, depositu de agua,residencia de ancianus y algunha otra coixa que se me escapa son os mais importantis. Pero...¿Se ha planteau alguin a via qeu daría tel un´has boas instalacios deputivas para to tipu de activiais tantu para jovinis como para mayoris? Ey creu que os ayuntamentus da comarca se dibirian de xuntal para promover que se fidera un bo polidepurtivu con piscina climatizá y to, donde to mundu se beneficiara da soidi que proporciona o deporti. Imagineibus que ben estaría. Se darían cursus de to tipu, natación, aerobic, gimnasia y demáis activiais.

¿Siria posibli to istu? o ¿stoy idindu una barbariai?

Salus a tos o mañegus y mañegas de ben.

Boos dias, Forista, Mañegas y Mañegus:
Estimau Rixileti:
Num sé quin eris y esperu que sepas o que é un "Rixilete". Ei inda me acordu de aquelas capeas que feyan, en a Plaza pol os anus 1950. Soplandu forti través de un tubu o de unha cana, se le mitía o rixilete, se soplaba forti cuandu o toiru pasaba cerca pa que o alcanzara.
En cuantu a un Centru pa fel gimnasia y deporti, nun é a coisa mal pensá. Toas tenin un principiu y ésti é o primeiru: pensalas, falalas, discutilas, etc.
Creu que nun e costoso, unha nave, con os preparativus principais.
A Piscina "Climatizá"; ya e mais custosa, pol o mantenimentu que requel diariu.
Too que sea gimnasia y deporti, e ben vindu. Terrenu hay en o lugal. A fomental o "Centru pa fel gimnasia y deporti". Aúpa.
Soidi a Fala, Mañegas y Mañegus.
Chalrrieira.

Pos ei creí que diva a coixa de cachondeu cuandu Chalrieira le recorda a Chitu a canción "mande, mande" de o duo "Doña Rogelia y Mari Carmen- Y Resulta que era Monday, Monday...Vamus, que se divan mondandu da farra que levaban.Chitu e un bo cantoautor, ei me recordu de algu así que compusu y cantaba con a guitarra: " Quisiera recibir tus miradas y sonrisas,
quisiera recibir tus caricias y tus besos,
quisiera recibir, junto a tí, la dulce brisa
de una noche serena, con olor a incienso.

Quisiera que una nube nos llevara
lejos, muy lejos, fuera del mundo
y allí la soledad nos obligara
a querernos siempre, con amor profundo.

Quisiera, en fin, que estrecho anillo
muy fuerte, muy fuerte nos uniera...
mirarme en tus ojos, con su brillo...
¡¡Hay tantas cosas que quisiera !!

¿Era así, mais o menus, nun Chitu ?. ¿Comu está Sofía?.

Fonti nova: O Muño, nos ha tirau un retu; Tribuleti ya está jubilau peru ei soy capá de eitali unha man si con isu le sacamus un Honiris Balduvon, pero ten que dil acompañau de un lechazu asau en fornu de leña y de postri unhos empiñonaus, que son comu as perrunillas nosas.
Fuño: O viñu to deran en Roa, peru comu viaixas mutu, hasta por Arabia y Argelia, nun siría raru que pasis con fracuencia por Milagrus y Aranda do Dueru porque vivas en Burgus.¿o Quizás en Mairil?.Tamen poi sel que vivas en Salamanca,por o coñocimentu que tes de esa zona.Hasta poi sel que seamus un poicu parentis, C.C., Bueno, ti tes un ratu me chamas y te contu comu levu a pesquisas..un abrazu.

Sobri a Crisis, didi Chalrieira que e un tema que nun se quel tocal..¿ ?..peru si e un tema que está en boca de to mundu. Peru vamus ei tampucu me "cabreu" por isu. A nosa edai ya hemus pasau por otras y pioris.Pa mi que istu comenzó con a entrá do euru.Nos pensamus que tiñamus o mismu poel adquisitivu que certus europeus y empezamus a gastal mais dos ingresus.O Euru caixu duplicó os precius da cesta da compra.Pa mi, tamen, e que hay mutu intermediariu,. que si nosotrus pagamus mutu a Estau, que esti nos ten que devolvel a pasta, que si os municipius nun tenin financiación pa os servicius que prestan....¿Nun siría millor pagal en ca lau o que toqui?.
Vos adradezu mutu que alguin me meta en a lista de Poetas Mañegus, me sentu muy orgullosu y colgaré o títulu a o lau do Pulitzer y próximu Cervantis (que ya me han filtrau,me darán o unu que ven).
Pa Rixileti: Nun se a instalación deportivas exactamenti que hay en o lugal, peru si didis que fairía falta un Polideportivu, nun e niñunha utopia.Tos pensabamus que o Conventu se cairía de velhu y ahí está, igual que a Residencia.
Forti abrazu.

Estimau amigu Cerrumiquili:
Ei nun e ditu que nun se fali de "Crisis"; ei disi que en o lugal nun hay crisis de poetas, porque resulta que van sendu mais en esti Foru, por ejemplu: Tú y Chitu.
Claro que hay crisis económica, y raru é o día que nun aparecin noticias sensacionais, por ejmplu: "El Pais" de ayer 16/9/2008: "La Mayor quiebra de la historia pone en jaque el sistema bancario de Wall Street". Alerta mundial tras la Bancarrota de Lehman y la venta "in extremis " de Merrill. Lehman deja un pasivo de 430.000 MM. de €. Los bancos centrales inyectan liquidez para evitar un desastre peor..etc.
Pul isu nun nos vamus a tiral pol a ventan, hay que tomalo con calma y ya vendrán tempus milloris. O piol é a soidi; ¿ay que tel soidi?, too demáis se poi consiguil; traballu y si o temus, mutu millol y si logu nun atendis "mas nuticias: TVE.Antena 3.,etc,Periódicus, etc.
Nun ay millol nuticia que a que nun existi"; según didin os inglesis.
Ánimu Cerrumíquili, que te repoñas prontu; ésa é a millol nuticia.
Soidi a Fala, Mañegas y Mañegus.
Chalrrieira.

"Estimau amigu "Cerrumiquili".
Cumu resulta que en o títulu as postu "Crisis" en esa palabra nun quel entral naidi,"

Chalrieira, poi sel que ei o interpreti mal peru istu e o que pusitis.
De toas folmas nun ten importancia, se fali o nun, aeí está y nun le eitu culpa a naidi purque hay unha acumulució de coixas que nos han levau a ela. ¿Tu crees que alguin me daría iñeiru si ei nun poera terminal mei chalet ? Pos isu....
Os americanus tenin otru sistema economico que nos y si nun os queremus pa unhas coixas en esta tampoicu temus que imitalos.
Soidi pa tos.
Forti abrazu.

Hola de novu,

Estoy de acordu que Gimnasiu ya hay, ei nun o é vistu inda, pero me pareci a mi que estarían mutu millol toas estas instalacios xuntas en o mismu pabellón polidepurtivu. En cuantu a o de chamal pista polidepurtiva a o campu das hortas me pareci demasiau, esa pista ya fai anus que se fidu y está bastanti abandoná, a iluminación e pésima cuandu oscureci, y claro en invernu nun invita mutu a dil alá a pegal paus de cegu y nunca millol ditu. O solu tamen sas trai, si te caís te esfolas as ruias en menus que canta un galu. En cuantu a pista de futbul que está en a piscina pues me pareci cumu que está sin acabal, que menus que cubrila y feli unas gradas con vestuariu. Bueno bueno, que me estoy quentandu y correndu demasiau, as coixas hay que felas poicu a poicu y con sensatez. ¿Porque fiderán esta pista en ve de renoval a vella que esta millol situá y é a que mais xenti usa?.

Un saludo mañeg@s. Rixileti.

¡De dondi habras sacau o versu esi ! Ei nun me acordu de na, asi que sigui refrescandumi a memoria que me ensanchu como unha esponja cuandu me chamas cantautor .¡Que casualiai! Ago que pensu tel mais tempu libri, por que de ve en cuandu me piré permisu y mo pensu dal, se me ha ocurriu compralmi unha guitara, asi que esti anu cuandu o cumplianus, Filisa, por insinuación miña, ma regaló. Ya feya mutus anus que nun tocaba esi instrumentu y cuando o tocaba desde logu nun era de boa caliai, esta e boa y soa de maravilla, hasta ei me sombru de os acordis que le sacu.(Aprenderé algu de flamencu que se me da ben tocalo y quizas a pichorra sea un bo lugal pa fel algunha demostración).
O lugal ya ten un gimnasiu estupendu y nun e de extrañal que se faya en sei momento algunha piscina climatizá, por que polideportivu hay ya en as Hortas y campu de futbul tamen o lau da piscina municipal, asi que to se andará. Cerrumiquili, Sofia progresa, inda chora en andalú y o fai divinamenti, a vel si fayu que aprenda a choral en mañegu, pero ten muta mullel areol que o que querin e que nun chori, asi que difil tarea. Un abrazu. Chitu

Esta he a tradución da primeira estrofa de Monday, monday. A vedis a música fai que unha canció se a boa o má, sin preocupalti da letra.
Nun he quiriu seguil a tradució..... Chitu: Han pasau mutus anus y nun se ha fecha, peru si que recordu comu si fora ayel que estabamus en o balcunitu da agüela Antulina y me disti unha boa serenata, era por a tardi, comu si estuveras ensayandua y a ripitistis tantas vedis que se me queó grabá parti de ela, purque creu que faltan algunhas estrofillas. Que hey me recordi tiñas mais de unha canció.Peru vamus, si nun te acordas , agó a pois ensayal con a guitarra que te ha comprau Felisa. El lunes, el lunes, tan bueno a mí; el lunes por la mañana, era todo que esperé fuera. Ah el lunes por la mañana no podía garantizar. ese lunes por la tarde usted todavía sería la liebre conmigo.- Monday, Monday, so good to me; monday morning,it was all I hoped it would be. Oh monday morning couldn´t guarantee. that monday evening you would still be hare with me.
Veña, Cuandu vayamus a boiga, cataremus "Clavelitus"
Forti abrazu.

Cerrumicli:

Sí, é certu, me acordu cumu si o estuvera vendu.
Y mei tiu Segundu (q.e.d), recordu, movendu a cayá y sentau en as
escaleiras da sua porta me preguntó: ¿quin é o que canta?
-Angil,o alcaldito -le respondi-
e interpreta "MONDAY, MONDAY"

Y a efectus oportunus deseu que asi consti.

Y aproveitu pa preguntarli a o mei estimau forista
aquilu da faca: "A faca de chenchu ten...."
si foi o nun foi certu.
Me veu obligau a colocar os puntus suspensivus,
pero a frasi sin esa palabra nun ten sintiu niñun.
A censura é a culpabli.

boas noitis

Panzá de ril que me he dau ¡Eris incorregibli Chencu! Ya nos rimus en o lugal con el tema da faca, que mutus nun se acordan y hay que deisao estal, ya sabis a inocencia da niñez y o guasós que somus, tu sabis. Seguru que tu nun estabas cuandu amargaba a mei primu con as cancios esas que didi y que, bueno, nun tenin na que idel por que con 17 anus y enamorau, cualquera fai unha canción y si encima toca un poicu a guitarra y le da un poicu de ritmu a coisa, ya está. Ago, o pasagi de Tiu Segundu, habienduo cuñuciu, e creibli ¿Lo quin fai tantu ruiui parei ? pero de seguir o ritmu con a cayá o dudu, aunque e unha escena digna de habel siu vista. Cachondeu aparti, ¡deisa a faca de unha ve ! Un abrazu..Chitu

Vali, tes radón y deixo esi tema, sinceramenti.
Dali esi consellu tamen a Juanitu,
extraordinariu carpinteiru
y millor taberneiru, que cuando chegu a lugal me salua
sempris de esta maneira:
-A faca de chenchu ten....

boas noitis