San Martín de Trevejo - Caceres

PARTIA DE DAPITI ENTRE CUATRU. Cualqer mañan de esti veran debaxu dos portais en o Bar de Angil. Bos dias- Ven con Dios- Que ai- Ola- De dondi ves tan sofocau – Veñu de as Fontis Quentis de regal cuatro frioleras que teñu sembras y me e tirau toa mañan, nun me mana na o pozu- Pues ei e mairugau y as novi ya estaba en caxa,-Pero tu pali tes mais agua,- Que eitamus un dapiti,- Bueno,- Tu con quin xugas,- Ami me da igual,- Ei con esti nun xugu que un esfarrapapartias,- Pues anda que tu que nun fais mais que metel falsus,- Veña ei xugu contigo,- En dondi nos sentamos,- Nos sentamos fora que se esta mais frescu,- En esta mexa pero falta unha silla,- Angel trai unha silla, Macu saca unha silla,- Trai pa ca a barralla,- Vos sentais y nun treis na- Angel nos das unha baralla y o tapete,- Macu unha baralla pa estis- (Angel pa seis adentrus “que tius mais pexaus,- Y pa apuntal, que ei de esti nun me fiu,- Se pensa o lairon que to mundu e da sua opinión,- Quin apunta- Tu mismu- Ei non que nun teñu gafas,- Veña empeza,- Quin da,- Da tu,- Da tu que tes a baralla en a man,- Ei nun doi,- Que de esti que e o mais vellu,- Veña ei doi,- Esta baralla ten o cuatro de bastus marcau, Angel nos cambias a baralla,- Me cagu en reus pues si e nova,- Veña trai pa ca y toma esta, Que nos xugamus,- Unhos viñus, que nun pasi cumu o otro dia que ei me vivi un viñu y esti se tomo un “nestic” y tuvi que pagalo,- Por que tiña se, sempris seras un miseria, si perdis ei pagu a diferencia ome,- Veña da y dexa de fumar,- Sin presas que aquí nun chovi,- Nun fora mau,- Dami paca un cigarru,- Cono nun idias que habias dexau de fumar,- Esti o que a dexau e de compralo,- Veña da de unha ve,- Eita o fumu pa otro lau,- Cono to te molesta,- Apartati que nun pasa esa muller,- Barralla ben- Nun te preocupis que vai ben barallau,- Corta,- Ya esta,- Paque lau as cortau,- Pa ca,- Unha duas tres unha………….. Veña nos toca querel,- Quinda dois da tres,- Ei cuntigu,- Tu esa que me as dau,- Si i por baxu,- Veña ven a mi que a miña nun a matan- Sai,- Tu veras si ques me fayu postri,- Xuga ven,- Un tres,- Ei matu y vai ati,- Tu ya estas aviau- Isu ya o veremos,- A que le eitu seis,- A que nun tes collos,- Seis,- Xuga,- Seis pa nos- Istu nun e cum empeza si non cumu acaba,- Caleibus habel que didi o bandu,- Sera o de tos os dias o de a agua- Esi ya o eitorin esta mañan,- Caleibus cono que nun entendu na,- Que a ditu- Nun se que de unha excursión………………y a partia continua ya dire cumu acaba.
Total que o xugal e o que menus se fai.

Muy bo o retratu,pero te ha faltau os espectaoris...!faiti postri,cono,que'sti nun ten ná!, havel yugao un tres de segunda!!,!me voy que aquí nun aprendu ná¡¡,!qué mal yugas¡.Bos días,Felix,¿que pasa aquí?,¿y'as tá liá?,mira esti que sa díu pa casa con un tres y a primeira feita,!!cagón¡¡,caleibus,joel,os de fora se calan y dan tabacu,cámbiatí de lau que me das o cinizu...¿choverá?,vai a vel o que dí o tiu do tempu...mira aei ven o Capiroti y ya tendis otra partía,divus y deiseinus en pá...bos días,!!maireeee¡¡ ya sé quin va apagal o vasu do Pichu ¡¡cálati tu tamen!!.!Macu,límpali a mesa a estis!.¿Hay un par delis?,ei ya teñu compañeiru...nooo ei con esti nun yugu,que cuandu perdi paga un cortu,y cuandu gaña se chupa unha cerveza,y ademais é un esfataisa partías,o otru día me fidestis unha esbarrigá,que inda s'están rindu...

boas noitis

Verdareiamenti asombrau do duminiu.!!Cualquera xiuga con esis vampirus..Mil felicitacios por o sintiu dó humor y por a perfecta construcción da partía que a rematau Indanunse.Felicitacios

¿que cumu acaba a partia? Dos gañan y dois perdin, que tampocu esta mal queal os segundus.
Estoi preparanadu unha de MUS.

Collunu o desarrollu y o dialugu da partia , se puia fel un saineti do ben descrito que esta. Leendua pareci que e estau un rato en a plaza , y me he queau mais agustu que nà . A ver si nos feis otra ,

Un abrazu

Estu e un retratu costumbrista impresionanti. Quea pa historia do foru. un abrazu patos. chitu

Solu le a faltau a palmetà de Nista