San Martín de Trevejo - Caceres

Boos dias a toos.
Queru recordal que cuandu ei era pequenu, había unha procesión Santa que se diva as ortas y se subia un poicu a costa de "San Ládaru". Esta procesión se chamaba "A bendición de os Campus" y se feya pol o mes de Marzu, cuando entraba toos os anus a primavera en un dumingu pol a tardi.
As radós de a supresión nun as sé, peru si existia esta procesión. Os que teñan mais edai que ei y memoria, poin dar créditu de a misma.
Nun se levaba niñun Santu y si os pendós y o Sacerdoti bindidia a os Campus, mirandu a os Cuatru Puntus Cardinais (Norte-Sur-Esti y Oesti).
Istu quea pa os recordatorius de a persoas jóvinis que nun o han cuñuciu.
Soidi a Fala.
Chalrrieira.

Amigu y primu Chalrrieira: Te han informau mal, esa procesion nun se ha suprimiu, se sigui dindu a bendidir os campus,comu se feya antis o que pasa e que a yenti ya se preocupa menus de as coisas de Iglesia que antis. Bueno tes que darti un paseu por San Martin pa que recordis mais coisas, ya veu que tes boa memoria. Un saludu pa os dois y comu sempris Aupa a Fala.
O Saltu

Primu y amigu elsalto:Gracias pol a información. En a miña menti constaba que esa procesión santa se había suprimiu.
Me gustaria sabel sobre que fechas se celebra y a que parte de o lugal se vai, pues he conveniente que os que nun vivimus de continuo en San Martín, queremus estal a o corrienti de toos acontecimentus que se celebran, en especial os que se refieren a Igleisa Católica.
Ya sabemus que a yenti caa ve se preocupa menus de as obligaciós santas,pero nun toos pensamus igual ya que os que temus un pensamentu fiju y muta fé, nun nos merma a conciencia.
Por certu, que en un retratu de a Crú Bindita de esti anu, te veu que vas en a procesión, cerca de a Iglesia.
¿Se sigui sendu os dias de jovis y vernis santu a tocal con as "Chalrrieiras" y as "Matracas" pol a calli?. ¿Se celebra o "Actu Penitencial" de as "Tineblas" en o jovis Santu en a Iglesia?.
Soidi a Fala.
Chalrrieira.