San Martín de Trevejo - Caceres

¡Que ma e a política cuandu nun se e toleranti ¡
Quen por ideologías reñi non e demócrata.
Se poi discrepal, pero ofendel, nunca.
Por isu e mistel queal ditu aquí que non se poi tolerar que se insulti y se ofenda a quen, en o usu de os seis dereitus constitucionais, quel presentalsi como candidatu pa integrar o ser o lidel de o gubernu local.
Discrepu con Chencu cuando afirma ¿Pa que vai o PSOE introduir aqui o sei programa si sabi, coñoci a genti que participa en esti Foru, que nun son da sua corda?
¿De qué coñocis tu a ideología, o as simpatias de toa genti que escribi aquí? ¿Esti foru e de dereitas o de izquerdas? Ni falal home, esperu y deseu que esti foru nun se politici nunca, que sea isu, un foru dondi to mundu poa opinal librimenti, sin ofendel, y sobre to con corrección y a sel posible en mañegu.

Personalmenti non me gusta significarmi en política y non estoy afiliau a niñun partiu, pero sempris votu izquerda, me declaru sempris progresista, sin radicalismus, non me da na reconócelo; sin embargu, estoy dispostu a critical to que nun me parezca ben aunque veña do lau con o que simpatizu, por que como non estoy compromitiu con naidi, ejerzu a critica con libertai sin disciplina de partiu. Por isu, mais que molestalmi, me da pena que nun se haya colocau aquí, por algún miembru de a candidatura de o PSOE o sei programa.
Si e muy sencillu, Maximu o ten claru, con idel que ten que continual o que ha empezau, ya ten bastanti pa arrasal, y que consti que nun le fayu propaganda, a pesal de que me honra con a sua amistai y ca ve que ven a Sevilla como ha feitu mais de unha ve, representandu a o Lugal, me agrada atendelo to millol que poyu. Pero isu nun ten na que vel pa o que estamus falandu.

Ago deisu a Política y vos doy unha nuticia:

Ayel, promoviu por la Casa de Estramdura, que presidi Gonzalu, non sin habeli eitau mutu tempu, traballu y dedicación sacanduli iñeiru a Caja de Extremadura y otrus Organismus, con a colaboración de o Axuntamentu de Sevilla y pa beneficiu de tos os socius, disfrutamus de un CONCIERTO EXTRAORDINARIO, con que nos deleitó a Orquesta Sinfónica de Estramadura, unha auténtica maravilla de mais de setenta musicus, en o incomparabli teatro Lope de Vega. Si o sitiu dondi escutamus a música, e una obra de arti, ya que o teatru e de esis que tenin cuatru pisus de palcus forraus de terciopelu roju, patiu lujosu de butacas, barroca decoración y acustica excepcional; uivil aquela música, escutala relajaamenti, foi un deleiti pa tos os que acuimus gratuitamenti ademais. Confiu que se logri o deseu de Gonzalo de que esa misma Orquesta, nos deleiti en o lugal, quizás, esti verán.

Como veis,igual fai sol que chovi, pues asi e a via. Un saluu de Chitu.

Interexanti Chitu!, ¡mui interexanti! - o concertu-.

Aquí,tos os anus por anunovu;se celebra un concertu de múxica clásica,en o teatru "Reina Sofia", con orquestas (normalmenti do Esti),i é, un-ha auténtica godá.

Siría un gran acunticimentu cultural pa San Martín,que Gonzalu o lograra.

En cuantu o restu: ya ves,comu está toa Espanha, hai tormentas por toas partis. Políticas i atmosféricas. San martín,claru está,nun diba a sel un-ha excepción. Ya sabis o ditu: dispois da (...) chega a calma.

Un abrazu,FONTI NOVA

Chitu:

Tes radon que nun coñozu, pero a o parecer o PSOE, si.

A M/E le formuli a pregunta SOBRE o por qué nun introduian aqui o sei programa a Agrupacion do PSOE, mañega:

"¿Por que vai o PSOE a inroduir o sei programa si sabi, coñoci a genti que participa en esti Foru, que nun son da sua corda?"

Os socialistas de San Martin, ME CONSTA, estan cunvincius que en esti Foru nun pescarian votu algun, LOGU, entrar pa RECIBIR paus, pur isu han actuau de esa maneira.
O PP ha feitu muy ben de aproveitar esti espacio pa fER a sua Propaganda Electoral, opinu que o PSOE se ha equivocau, porque aunque fora certu o que pensan, dibiria intentar convencer, pescar votus en "feudus" que le son adversus.

Opinu cumu tu, QUE o Foru nun se debi politizar, pero OBSERVA que aqui falaBAmus de un programa Electoral ¿que SE FAIRA en o lugar durante os proximus cuatru anus con os problemas que hemus falau aqui?
Y que nun ha siu posibli debatilos, porque NUN SE PORQUE en lugar de falar de IDEAS, de o programa se falin de aspectus personais.

Que resulta muy elocuenti o silenciu anti o traballu que fidesti cuandu aqui se acostumbra a alAbar as coisas ben feitas.


Bos dias
Chenchu

Ahhh! ULVIU imperdonabli:

FelicitU a Gonzalu,esperandU que esa prestigiosa orquesta poya actual en o nosu lugal y gracias por a informacion.

bos dias
Chencu