San Martín de Trevejo - Caceres

Mairi miña o que acabu de lel en o foru. Que me van a poñel aqui mismu en o meyu de a plaza un mulinillu de esis gigantis y que me quitan o pilon , y dondi mo voi a laval?. Istu bai a ser o fin do mundu pa nosotrus os paixaritus, si to e verdais prifiria dilmi pa a Luisiana esa.

Con o linda que e a nosa plaza, a o que emus chegau.Inda me acordu denantis, cuandu estaban as escuelas aqui; que a ligria i que algarabia armaban aquelis dagalitus en o recreu y que ben cumia ei cuandu se diban , aunque en aquelis anus inda habia mutus que namais cumian pan duru mollau en a agua do grifu, pero ei os via alegris.Aunque pa nosotrus os pardais nun eran bos tempus, poque nos pirsiguian por tus os laus y en cuantu nos vian "zas" un lanchadu y de os nius ni te contu cuantus nos elfarraporin.

A y dispoin viñeran algunhos mais ricus con escopetas de balis y nos tiraban hasta en as enrramàs y cuantus cascamus. Pero bueno aquelis sa son tempus pasaus y esis dagalitus que hoixi ya son homis responsablis recoñozin os seis erroris y pur isu os perdonamus .

Y agora que ya estabamus mais tranquilus, nos venin con estis mulinillus y os fumus dos cochis y mutas purquirias mis que siguindu asi acabaran de toas as formas con nosotrus. Asi que nun se qui e millor DENANTIS O AGORA?

Ya nun me queru poñel mais pesau , pero vos piu que mireis tamen por nosotrus.

Piquitus pa tos y hasta logu

UN BO PARDAL