San Martín de Trevejo - Caceres

Mal empezó o 2011 y acaba pior de o que se esperaba:
¿Quin comprendi o matrimoniu do PP de Monago con IU en Extremadura?
Que UPyD de Rosa Díez teña grupu propiu en o Congresu y Amaiur non, nun o entendu. (Que consti que nun les teñu simpatía alguha a os abertzais)
O camiñu do 2011 ha estau cheu de cagas y nun precisamenti de cabras, pero si de machus cabrius ("cabr..")Os mercaus (agencias de cualificaciós de riesgus)banqueirus, caixas de ahorru, dictaoris árabis...Camps, Urdacaquin.
Un anu cheu de recortis (Arturito Más/Boi.. alumnu predilectu de Millet) pero hay coisas que nunca logran recortar: o paru, a indignación, os estafaoris, a pobreda, a estulticia dos políticus,a mortandai infantil,a violencia de géneru, a teleporquería, a xenofobia,racismu e intolerancia.
Tanta incerteda pulitica y economica provoca ansiai e indignacio.. depresiós derivas de a falta de traballu.
A Coroa española tamen está afectá: "A justicia é igual pa tos"
nos didi o Rey, por o sei yernu prefiriu ¿Quin o diba a idil?
Estaba claru que o PP gañaría as elecciós sin programa, sin discursu
y sin baixarsi do autocar. ¿Pa qué? si nun o necesitaba.
Nun hay ideas...antis abrias un bar y ya estaba, pero agora nun te dan
créditu niñun. Os espabilaus, lease videntis, mediums, os que
eitan cartas, os estafaoris, os prevaricaos...se están forrandu.
Aqui en Barcelona.. a semana pasá me roiborin a roa da parti ayantreira
ezquerda do Citroen 3, sorti que solu foi unha roa. En a Plaza de Cataluña os comerciantis han instalau unha magnifica pista de hielu pa patinar;maravillosu preambulu de a cita olímpica de invernu catalan que nos espera.

Generalitat de Catalunyapcon os recortis en Saniai, Educación
Cultura, Talleris...vos muestra o camiñu que o PP iniciará.

bos dias.