San Martín de Trevejo - Caceres

Un saltitu pa llantri,un saltitu patrás,según conveña y o airi mo pirmita porque hay vedis que me dá unhos zarandeós que pa que vos contu.Nun sé si he soñau,pero he vistu a o Alcaldi montau en un cabalu blancu ,vistiu de San Martiñu,con unha capa colorá y un escú que puñia Falcon Crest,y él partía a capa con unha espá y le daba un cachu a un homi desarrapau que estaba en o camiñu.En o soñu ei quiría preguntali pero nun puia....estaba comu paralizau....
Me quití do mey nun fora que o cabalu me dera un pisotón y !adiós!,
así que di un saltitu y me puixi en un lau do camiñu.O cabalu do Alcaldi sei a o troti camiñu do Ayuntamento,paró debaxiu dos portais,saltó do cabalu o Alcaldi miró po royu y dixiu !!MERDA!!.
subí pa o Ayuntamentu y cuandu baxió levaba unha carteira muy gorda que nun se que levaría dentru...Dispois he sabíu que eran os papeis das negociaciós con os dos muñus,esis que pagan tantu por poñerl os ventilaoris.Montó en o cabalu,que por certu bebei en o pilón,y se foi pa Falcon Crest.Alí almodó con seis o seti Directoris Xenerais y le contó o da capa.Les dixiu !!he regalau meñu Falcon Crest!!...Y os Directoris le dixeran:Ben feitu Alcaldi,votus que gañas y Falcon Crest tendrás tos os que queiras si poñemus os muñus...Ni zona pruhibía ni na de na,comu queiramus nosotrus feitu está....
Bueno o soñu e muy largu y teñu fomi.¿ Dondi hay herba.....?

Muy bo esi soñu , Garzañoti , y muy graciosu, pero teñamus cuau nun se faya reliai.

Pues queiràs saber amigu Garzañoti que ei tamen o e vistu en un cabalu , pero nun era blancu era a " faca do Batu..."