San Martín de Trevejo - Caceres

Apolodoru de Atenas, nacei a la por o anu 180 a. de J.C. Filólogu e historiador pertenecienti a escuela de Pérgamu, dondi o rei Eumenis habia fundau unha biblioteca que chegó a ser de igual catégoria que a famoxa de Alejandria, creá por Ptolomeu. Apolodoru foi discipulu de o estoicu Diogenis i de Aristarcu de Samotracia. Escribí un tratau "Sobri os dioxis" en vinti cuatru librus, que constituyi unha interexanti historia de a religión griega. Unha obra sobri geografia i otra de "Cronología histórica" "Las Crónicas" en 4 librus, dedicá a o rei Atalu II de Pérgamu, que abarcaba a historia politica, literaria, filosófica i artística desdi principius de o S.XII a mitai de o Siglu II i que posteriormenti foi prolongá hasta o ano 120 a. J.C. O criteriu cronológicu pa situar a os autoris de o tratau, consisti en colocar a maduré intelectual de os mismus en os cuarenta anus, establecendu en consecuencia, sei nacimentu con cuarenta anus de anterioriai, criteriu un tantu inseguru i arbitrariu, por o que os seis datus cronológicus tenin que ser manejaus con gran prudencia. Se conserva enha actualiai un tratau en dois librus titulaus "Biblioteca de Apolodoru", probrablimenti apócrifa i que é un resumin de mitologia escritu enho siglu I de a ra cristiana.

Dinón historiaor griegu, pairi de Clitarcu de Colofón o historiaor de Alejandru Magnu. Escribi unha historia de Persia que sirvi posteriormenti, de fonti a numeroxus historiaois comu Plutarcu, Ateneu, Cicerón, Diogenes, Laerciu, Diodoru i Pompeyu Trogu.

(I Sofisti. Frammenti e Testimonianze. Timpanaro Cardini Maria, Bari, Laterza, 1923)

Nota: Apoloduru de Damascu. Arquitectu que viví entre os siglus I-II favoritu de Emperaor Trajano. Construí o Foru de Trajanu, un ponti sobri o Danubio, o Odeón, i tal vé o Panteón de Roma, pero istu últimu nun está demostrau.