San Martín de Trevejo - Caceres

Pensu si o Valli e pequenu
pensu si nun e bastanti
pensu,que sendu ei amanti
desi cachu de terrenu,
mundu tranquilu,serenu
e bo que un ríu de xenti
vaya dexiandu en o ambienti
otras custumbris,maneiras,
fendu dos ríus escombreiras,
y do lugal, continenti
de vicius,vodis y ruius,
de cochis que van y venin,
y así, os tellaus nun tenin,
aquelis hermossus níus
ni tenin os nosus ríus
as limpas aguas de antis,
pensu si nun e bastanti
o valli,pa esa corrienti
de xenti..tan diferenti
y a vedis ! intoleranti!
!!Que pequenu e nosu valli!!
!!Que piquininu en a terra!!
!!y que pequena e a serra!!
!y que pequenas as callis!!
Que a xenti teña o detalli
en ´esti valli,pequenu
de trel os cochis sin frenu
y que sigan sei camiñu
con un vassitu de viñu
y nos,... ya seremus menus....

Me gusta que veña xenti pero si sigui así que será de San Martin..?
Chitu,gracias por os ánuimus que me das.Tu tes que sel da miña época porque recordas to o que contu y tes os mismus sentimentus.Teñu en conta toas a spersoas que me didis y a toas le dedicaré algu,porque toas o merecin.Son historia,nosa historia grandi o pequena pero importanti pa nossotrus,mais que cualquera otra..Un abrazu...